Ísfirðingur - 20.04.1976, Blaðsíða 4

4____________________________________________
i"---------------------------—---------------
Samband Frainsóknarfélaganna í Vestfjarðakjördæmi.
Riistjórar:
Halldór Kristjánsson og Jón Á. Jóhannsson, áb.
Afgreiðslumaöur:
Guðmundur Sveinsson, Engjavegi 24, sími 3332.
CLEÐILEGT SUMAR!
Gleðilegt sumar segjum við að gömlum og góðum sið.
íslensk þjóð hefur lengi mætt sumrinu með fögnuði og fögr-
um óskum. Og víst fier vel á því.
Sumarið er kallað bjargræðistími. Það átti við í sveitum
landsins og á við enn, þó að árið allt sé bjargræðistími. Sum-
arið sker þó úr um afkomu og hagsæld sveitafólksins því að
þá er uppskerutíminn.
Þessu sumri er tekið með mörgum vonum eins og allri
framtíð. Þetta sumar getur orðið örlagaríkt. Og eðlilega
dvelur hugur okkar mjög við það þegar við bjóðum gleðilegt
sumar.
Við nefnum hafréttarráðstefnu Sameinuðu þjóðanna. Við
væntum þess að á þessu sumri dragi til úrslita eða að minnsta
kosti taki að skýrast hvers vænta megi þaðan. Fyrir al-
þingiskosningarnar 1971 töldu sumir einsýnt að við skyldum
bíða með 12 mílna fiskveiðilögsögu fram yfir lok ráðstefn-
unnar. Nú væntum við þess að réttur strandríkja verði viður-
kenndur en vitum þó ekki að hvað miklu leyti það verður
í reynd. Almenn regla, sem ekki yrði látin eiga við á íslands-
miðum væri okkur lítils virði.
Hvað gerist svo í fiskveiðideilunni meðan enn er beðið úr-
slita hafréttarráðstefnunnar? Sú spurning brennur öllum í
huga. Hversu vel tekst okkur að halda hlut okkar í barátt-
unni við ofureflið. Og hvað á sú deila að kosta? Engum er
rótt meðan ástatt er eins og nú. En við getum ekki samið
um það að útlendingar veiði svo til allan þann fisk sem veiða
má á íslandsmiðum.
Meðan við bíðum milli vonar og ótta að sjá framvindu
þessarar deilu vonum við að þurfa ekki að heyra mikið af
landráðastarfsemi bak við víglínuna, — innlendum fiski-
mönnum, sem virða að vettugj friðunarráðstafanir sem gerð-
ar eru. Þó eðlilegt sé að skiptar séu skoðanir um það hvar
og hvenær eigi að friða er þó höfuðnauðsyn að slík fyrir-
mæli séu haldin. Undir því er það komið hvort okkur er trú-
andi fyrir miðunum og þar með hvort við höfum siðferði-
legan rétt til þeirra. Brjóti íslenskir menn friðunarreglur er
það landráðastarfsemi.
Við vitum ekki hversu gjöfult sumarið verður eða hve
hagstætt árferði reynist. Hitt vitum við að miklu skiptir
hvernig við mætum því sem að höndum ber. Við vitum að
það er á flestum sumrum hægt að gera miklu meira úr gjöf-
um landsins len við höfum verið menn til, því vonum við að
við færumst nær því með hverju árinu að bjarga heyjum
óskemmdum í hús og vinna íslenskt gras í kjarnfóður svo
að framleiðslan færist inn í landið frá því sem nú er.
Þáttur í því að búa betur en verið hefur er að nýta vel
ullina sem er sérstök gæðavara og frábært hráefni fyrir
þýðingarmikinn iðnað. Vonandi stuðlar hækkað ullarverð til
framleiðenda að því að svo verði á þessu sumri.
En þó að miklu skipti hvernig við mætum árferði frá hlið
náttúruaflanna er e.t.v. meira undir öðru komið. Tökum við
okkur fram í lífsvenjum og samfélagsháttum? Þar höfum
við trúiega mest að vinna.
Hagfræði verðbólgunnar er sú, að velta þunganum af því
sem gert ©r yfir á þá sem á eftir fara. Jafnframt því sem
þeim er skilað háu verðlagi eru þeim bundnir skuldabaggar.
Við lifum í munaði. Til þess að geta það eru börnin veðsett,
fædd og ófædd.
Vonir okkar um gleðilegt sumar eru því ekki eingöngu
hundnar við hagstætt tíðarfar. Auðvitað óskum við þess. Við
ISFIRÐINGUR
Vestfirðingar - Vestfirðingar!
Bjóðum mjög fjölbreytt úrval af listum til innrömmunar, bæði fslenska furu-
lista og norska gæðalista. Fljótlega bjóðum við svo hina marg umtöluðu
kínversku lista, auk sérhannaðra lista fyrir flosútsaum.
Útgerðarmenn, sjómenn:
Getum útvegað myndir af yfir 70
vestfirskum fiskiskipum í stærðinni
40—50 cm, í vönduðum ramma.
Kaupmenn, kaupfélög:
Höfum á boðstólum fjölbreytt úrval
eftirprtentana, og einnig litmyndir af
þorpum og kauptúnum á Vestfjörðum.
Allt innrammað.
Umboðsmenn okkar eru:
ísafjörður: Suðureyri:
HÚSGAGNAVER2LUN ÍSAFJARÐAR GUÐMUNDUR Ö. HERMANNSSON
Bolungarvík:
VERZLUNIN VIRKINN FLJÓT OG GÓÐ ÞJÓNUSTA
RAMMAGERÐ VESTFJARÐA HF.
Flateyri — Símar: 94-7784-7684
M ÍSAFJARÐ/VRKAUPSTAÐUR
S krifs tofus tarf
Bæjarsjóður ísafjarðar óskar eftir að ráða
stúlku til skrifstofustarfa.
Umsóknir skulu hafa borist bæjarstjóra
fyrir 1. maí n.k.
Upplýsingar um starfið veita bæjarritari
eða bæjarstjóri.
Isafirði 6. apríl 1976
Bæjarstjórinn ísaf.
Rækjuveiðarnar
Rækjuaílinn á Vestfjörðum og var aflafengur þeirra 250
varð 1.072 lestir i marz, en
var 411 lestir á sama tíma í
fyrra. Er heildarafli rækju-
bátanna frá áramótum nú
orðinn 2.174 lestir, en var
1.727 lestir í lok marzmánað-
ar á seinasta ári.
Frá Bíldudai réru 9 bátar,
sem öfliuðu 93 lestir. Er afl-
inn frá áramótum þá orðinn
196 lestir, en var 216 iestir á
sama tíma í fyrra. Aflahæstu
bátarnir voru Vísir með 15,7
lestir, Helgi Magnússon 14,7
lestir og Pilot 11,8 lestir.
Rækjan í Arnarfirði hefir
verið mjög smá að undan-
förnu.
Við ísafjarðardjúp stunduðu
36 bátar rækjuveiðar í marz
lestir. Aflinn frá áramótum
er nú orðinn 1.343 lestir, en
var 1.116 lestir á sama tíma
í fyrra. Aflahæstu bátarnir
í marz voru Gullfaxi með 29,0
lestir, Engilráð 27,7 lestir,
öm 26,6 lestir, Pólstjaman
25,3 lestir og Húni 25,0 lestir.
Eftir er að veiða röskar 200
lestir af því aflamagni, sem
leyft hefir verið að veiða í
ísafjarðardjúpi á þessari
vetrarvertíð.
Frá Hólmavík og Drangs-
nesi réru 14 bátar í marz og
öfluðu þeir 243 lestir, en í
fyrra öfluðu 13 bátar 77 lestir
í marz. Aflinn frá áramótum
á Hólmavík og Drangsnesi er
þá 635 lestir, en var í fyrra
395 lestir.
— Þæftir uf
Framhald af 1. síðu.
varð meðalfallþungi dilka 17,2
kg í haust (án nýrmörs), þótt
frjósemi ánna sé hin ákjósan-
legasta, og því lltáð um ein-
lembinga.
Samgöngur.
Samgöngumálin hljóta jafn-
an að setja svip sinn á mann-
líf og umsvif í hinum dreifðu
byggðum landsins. Segja má,
að hjá okkur í Ámeshreppi,
hafi orðið algjör umskipti í
þeim efnum eftir að Flug-
félagið Vængir hóf áætlunar-
flug hingað árið 1973. Síðan
hefur verið flogið að Gjögri
tvisvar í viku með póst og
farþega, en ferðir flóabáts og
póstbils í samibandi við Hólm-
avíkurrútuna lagðar niður.
Þetta er því eitt af fáum
byggðarlögum, þar sem áætl-
unarbílar koma hvergi við
sögu, hvorki sumar né vetur.
En við höfum ekki undan
neinu að kvarta, hvað flutn-
inga á langleiðum snertir.
Ríkisskip annast alla þunga-
vöruflutninga fyrir okkur með
ferðum á hlálfsmánaðar
fresti og Vængir h.f. sjá fyrir
þörfum okkar að öðm leyti
eins og áður er sagt. Þessi
þjónusta er í skínandi góðu
lagi, enda metin að verðleik-
um. Flugmenn Vængja h.f.
hafa verið farsælir í starfi
og áunnið sér og flugfélagi
þeirra fullt traust og vaxandi
vinsældir.
Vegna einangmnar er meira
í húfi fyrir okkur en flesta
aðra, að kjaradeila sú, sem
flugmennirnir eiga nú í við
stjóm Vængja h.f. fái skjóta
og góða lausn, sem báðir að-
ilar mega vel við una, — lausn
sem tryggir okfcur áfram
þessa ágætu þjónustu um
langa framtíð, því að eins og
nú standa sakir getur ekkert
komið í hennar stað. Er því
full ástæða fyrir viðkomandi
ráðuneyti að fylgjast vel með
þessari kjaradeilu og stuðla
að farsælli lausn hennar.
15.3. 1976
Torfi Guðbrandsson
óskum okkur sumars sem verður sólríkt og gróðursælt. En
við verðum líka að óska breytinga á lífsháttum, meiri hag-
sýni og hófsemi í einkalífi og meiri yfirvegunar og farsælli
úrræða í félagsmálum. Séum við einhuga mun þokast í þá
átt. Og þá mun óskin góða sem okkur liggur nú á tungu
rætast.
Gleðilegt sumar!
H. Kr.