Monitor - 29.04.2010, Blaðsíða 8

8 Monitor FIMMTUDAGUR 29. APRÍL 2010
Þátturinn byrjar um helgina. Þú ert
búinn að vera að taka upp í meira en
hálft ár. Er fólk að fara að hlæja að
þessu?
Já. Þetta er trylltur þáttur þannig
að ég hef engar áhyggjur af því að
fólk muni ekki hlæja. En þetta mun
skiptast í tvo hópa. Það er fólk sem
mun fíla þetta mjög mikið og svo
verður fólk sem veit ekki hvar það
hefur þetta og mun ekki alveg skilja
húmorinn. Það er alltaf svoleiðis þegar
nýtt fólk kemur inn. Það hefur ekki
verið almennilegur sketsaþáttur síðan
Fóstbræður voru og hétu. Við ætlum
svolítið að reyna að færa þetta á næsta
level.
Það má segja að Fóstbræður hafi lagt
ákveðna línu sem aðrir hafa fylgt
síðan. Ert þú að fara að koma með
eitthvað nýtt?
Fóstbræður eru auðvitað klassískt
efni, en við ætlum að reyna að taka
svipað skref sem þeir tóku á sínum
tíma. Það vantar eitthvað nýtt í dag.
Við búumst alveg við því að heyra
reiðar raddir. En að mínu mati er þetta
ekkert gróft. Þetta er ekki klámfengið
eða fyrir neðan beltisstað, enda finnst
mér klámfenginn húmor bara lélegur.
Þú hefur verið að gera grínsketsa
frekar lengi, ekki satt?
Þetta byrjaði árið 1999 þegar ég
gerði bíómynd í fullri lengd sem hét
Gorturinn. Þetta var mynd um apa og
konu sem hét Unnur og var sjómaður.
Það var skelfileg mynd. Okkur fannst
þetta geðveikt þá, en þetta var mjög
vont.
Svo fórstu að gera sketsa.
Já, ég á örugglega einhverja
10 klukkutíma af sketsum og
stuttmyndum. Við vorum alltaf að gera
stuttmyndir og sketsa. Við tókum upp
hverja einustu helgi. Vinahópurinn var
með bloggsíðu og þar settum við inn
myndbönd. Svo var eitthvað ókunnugt
lið farið að skoða þetta þannig að við
héldum bara áfram. Þannig byrjaði
þetta eiginlega.
Má segja að þetta hafi orðið að alvöru
þegar þú fórst að gera sketsa fyrir
Monitor í fyrra?
Já, Monitor hafði samband við mig og
bað mig um að gera sketsa vikulega.
Við gerðum það og það var bara mjög
skemmtilegt. Í kjölfarið var svo gerður
sjónvarpsþáttur þar sem ég var með
sketsa. En það var alltaf ætlunin hjá
mér og Bent, sem tók upp og klippti
Monitor-þáttinn, að gera sketsaþætti.
Ég hugsaði um Monitor-þáttinn sem
stað til þess að sanna mig því ég vildi
alltaf gera minn eigin þátt.
Þér var boðið fyrst að fara inn í
þáttinn hjá Audda og Sveppa. Af
hverju ákvaðstu að taka því ekki?
Það var samt allt á byrjunarstigi.
Ég og Bent fórum á fund með þeim
og það var bara verið að skoða
möguleikana á því að við myndum
detta inn í þeirra þátt, annað hvort
með sketsa eða með einhverju öðru
móti. Mér finnst þeir skemmtilegir og
þeir eru fínir kunningjar mínir. En við
vildum frekar gera eigin þátt og ég sé
ekkert eftir því í dag. Við eigum samt
vonandi eftir að vinna með þeim á
öðrum vígstöðvum í framtíðinni.
Þú samdir upphaflega við Skjá einn
en fórst svo yfir á Stöð 2. Hvernig
kom það til?
Við ræddum við Skjá einn eftir
Monitor-þáttinn um að gera þætti
fyrir þá. Við fórum bara á fund þar
sem þetta var ákveðið og byrjuðum
svo að skrifa og taka upp. Sá þáttur
átti að byrja í janúar. Svo fáum við að
heyra, á sama tíma og allir aðrir, að
Skjár einn sé að verða áskriftarstöð.
Við vorum ekki alveg að fíla það. Við
vissum af áhuga hjá Stöð 2 og færðum
okkur í rauninni bara yfir. Það var allt
á byrjunarstigi á Skjá einum og þetta
var ekki komið í neitt ferli, þannig að
það var enginn skaði skeður.
Það er hellingur af frægu fólki að
leika í sketsunum. Hvað erum við að
tala um?
Jóhanna Guðrún verður í hverjum
þætti, hún leikur sjálfa sig. Ég leik
náunga sem heitir Níels og er að
ofsækja hana í svona framhaldssögu.
Erpur Eyvindarson leikur Pólverja
með mér í næstum öllum þáttunum.
Svo eru Auddi og Sveppi, Gillz, Ólafur
Darri, Haffi Haff, Helgi Seljan og Sindri
úr Íslandi í dag leikur sjálfan sig. Það
er fullt af liði með okkur í þáttunum.
En við erum ekkert að troða inn frægu
fólki samt. Við notum það í rauninni
bara þegar það hentar. Við tölum við
þann sem við höldum að henti best,
hvort sem hann er þekktur eða ekki.
Með hverjum var
skemmtilegast að vinna?
Ætli maður verði ekki að segja
Þorsteinn Guðmundsson. Hann hefur
alltaf verið í miklu uppáhaldi og það
var gaman að djóka með honum. En
það var gaman að vinna með öllu
þessu fólki.
Er eitthvað hægt að
skilgreina þitt grín?
Það er mjög dramatískt. Serían er
öll mjög dramatísk og jafnvel sorgleg
líka. Mér finnst grín verða að vera
dramatískt. Það geta ekki bara verið
tveir hálfvitar að djóka á móti hvor
öðrum.
Hvaðan kemur nafnið Steindi Jr.?
Upprunalega kemur þetta frá afa
mínum. Ég er skírður í höfuðið á
honum og hann kallaði mig þetta
alltaf. Svo kom að því, þegar maður
var að gera stuttmyndirnar í gamla
daga, að maður vildi hafa eitthvað
listamannsnafn. Þá datt mér þetta í
hug. En maður ræður því yfirleitt ekki
hvaða nöfnum maður er kallaður.
Þetta er yfirleitt eitthvað sem festist á
manni bara.
Hefðir þú ekki meikað það sem
háðfuglinn Steinþór Hróar?
Jú jú. Einn daginn mun ég gera það.
Hvaðan kemur Hróar?
Já, Hróar er mjög sérstakt nafn.
Foreldrar mínir settu fimm miða í
glas og drógu. Þetta voru Arnar, Arnór,
Örvar og eitthvað eitt í viðbót. Svo var
bara dregið. Klikkað lið maður.
Hvað með kvenhylli?
Ég er náttúrulega í sambandi þannig
að ég er bara mjög rólegur. Ég er búinn
að vera með stelpu í tvö ár. Hún heitir
Sigrún Sigurðardóttir og er að læra
snyrtifræði.
Hvað værir þú að gera ef sketsarnir
hefðu floppað og þú værir ekki að
gera þáttinn?
Ég hef bara ekki hugmynd um það.
Ég fór að læra fjölmiðlafræði, fyrst í
Borgó og svo í FÁ, og fannst það alveg
ógeðslega leiðinlegt. Ég hef eiginlega
ekki áhuga á neinu öðru en því sem ég
er að gera núna. Ég er akkúrat að gera
það sem ég hef mestan áhuga á.
Hvar heldur þú að þú værir að vinna?
Ég veit það ekki. Ég tolli mjög illa í
vinnu. Ég hef hætt í vinnu áður en ég
mætti. Ég hætti líka einu sinni í vinnu
klukkan 12 á hádegi fyrsta daginn. Það
var í Móum í Mosfellsbæ þar sem ég
átti að setja kjúklinga á færiband. Ég
setti einhverja tvo saman að gamni
mínu. Gæinn sem tók á móti þessu
starði bara sorgmæddur í augun á mér
og hristi hausinn og ég vissi að ég átti
ekki heima þarna. Það var enginn að
djóka. Ég var líka að mála í þrjú ár og
fannst það reyndar mjög fínt. Ég er
fínn málari. En svo fékk ég leið á því
líka. Ætli ég sé ekki best geymdur þar
sem ég fæ að skrifa og taka upp og
svona.
Hvað með framhaldið? Ætlar þú að
halda áfram að gera sketsa eða á
að færa út kvíarnar?
Vonandi fáum við að gera aðra
seríu því þetta er það sem ég elska
að gera. Við erum búnir að taka
upp meira en hundrað sketsa og
erum langt frá því að vera orðnir
saddir. Mér finnst ennþá mjög
gaman að gera sketsa. Við erum
raunar hálfnaðir með að skrifa
aðra seríu og komumst ekki
yfir allt sem við ætluðum að
gera í þessari. En svo væri ég
líka til í að skrifa leikna þætti
og jafnvel leika í leikriti. Ég er
til í þetta allt maður.
Eftir Björn Braga Arnarsson
Myndir: Ernir Eyjólfsson
Steinþór Hróar Steinþórsson, betur þekktur sem Steindi
Jr., byrjar með nýjan sjónvarpsþátt um helgina sem á að
vera það fyndnasta síðan Fóstbræður drápu landann úr
hlátri. „Þetta er það sem ég elska að gera,“ segir Steindi.
Grín verður
dramatískt
Hróar er
mjög sérstakt
nafn. Foreldrar mínir
settu fimm miða í
glas og drógu.
Á 60 SEKÚNDUM
Steinþór Hróar Steinþórsson
09.12.84
Besti sjónvarps-
þáttur? Curb
Your Enthusiasm.
Ég elska hann.
Besta bíómynd?
Out For Justice
með Steven Siegal.
Besti tölvuleikur? Mortal Kombat. Ég
er rosalegur Mortal Kombat-maður.
Ég spilaði þetta
alltaf í Super
Nintendo og þá
var ekki hægt
að fara á Netið
og finna brögðin.
Maður þurfti að
finna allt sjálfur.
Besti tónlistarmaður? Bjartmar
Guðlaugsson. Ég elska tónlistina og
textana hans og
bara hann yfir
höfuð. Ég hef hitt
hann nokkrum
sinnum og þekki
hann. Ég hef
meira að segja
tekið upp mína
eigin útgáfu af Týndu kynslóðinni
með honum.
Besti skyndibiti?
KFC. Horfið bara á mig!
að vera