Monitor - 25.11.2010, Blaðsíða 12

12 Monitor FIMMTUDAGUR 25. NÓVEMBER 2010
Hvar verslarðu fötin þín? Hér
og þar og allsstaðar. Ég á mér
enga sérstaka uppáhaldsbúð.
Hvað gerir þú í lífinu? Ég er í
verkfræði í HR. Það er pretty
much it þessa dagana.
Ertu búinn að ákveða hvað þú
ætlar að verða þegar þú verður
stór? Batman eða Superman, er
ekki búinn að gera upp á milli.
Hvað er í ipodnum þínum?
Margt gott. En það sem er í
uppáhaldi núna er Radiohead,
Flying Lotus, Madvillain, Porti-
shead og LCD Soundsystem.
Hvað er uppáhaldsmaturinn
þinn? Það er örugglega bara
steik, góð steik með bökuðum
kartöflum.
Hvað færðu í jólamat? Kalkún
og sætar kartöflur og ég hlakka
til að fá hann. Veit samt ekki
hvort ég hlakki meira til jólanna
eða að klára jólaprófin.
Ertu að vinna eitthvað með
skóla? Nei, ég tek reyndar að
mér svona sjálfstæð verkefni. Ég
mála ýmislegt, t.d. graffiti eða
módernískar freskur.
Málar
graffiti og
freskur
Árni Kristjáns-
son 21 árs nemi
með meiru
ÁRNI ÆTLAR AÐ
VERÐA OFURHETJA
Árni klæðist fötum
frá vinnufataverslun-
inni Vír og 66°Norður
Logn hettupeysa:
14.800 kr.
Bylur Rúllukragap-
eysa: 28.800 kr.
Dickies buxur:
12.500 kr
Skór 15.800 kr
Ullasokkar 1.650 kr
„Það hefur verið stefna okkar frá upphafi að nýta þessa
samfélagsmiðla sem mest, enda er þetta ódýr og einföld leið
til að ná til okkar markhóps. Árangurinn af þessu starfi er líka
auðveldlega mælanlegur og því gott að sjá hvort peningunum
er vel varið,“ segir Einar Ben, markaðssérfræðingur frá Ring.
Hann viðurkennir þó að fólk gerist ekki vinir fyrirtækja á
netinu án þess að fá eitthvað út úr því sjálft.
„Það er ekkert launungarmál að fólk vill fá einhverja arðsemi
út úr þessu, hvort sem það er að vinna í leikjum eða að fá að
vita af einhverjum betri kjörum, afsláttum og tilboðum. Fólk
vill þó líka fá að vera með í lúppunni ef það efni sem er verið
að deila þykir skemmtilegt og áhugavert,“ en Einar og félagar
hjá Ring hafa verið iðnir við að bjóða upp á ýmis konar leiki og
setja inn myndbönd, til dæmis í tengslum við Airwaves.
Allt fyrir opnum tjöldum
Hvernig eignast maður 43 þúsund vini án þess að
eignast nokkra óvini? Einar segir að vissulega sé erfitt
að halda öllum ánægðum en stefna þeirra hjá Ring
hafi verið að hafa allt fyrir opnum tjöldum.
Við fáum á okkur gagnrýni og stundum óánægju,
sem er eðlilegt þegar viðskiptavinirnir eru margir og
ólíkir. Við tökum á því fljótt og reynum að leysa það
sem hægt er að leysa. Við eyðum aldrei athugasemd-
um eða gagnrýni sem kemur fram á síðunni en oftast
er gagnrýnin uppbyggileg,“ segir hann. „Við svörum
fólki og tölum við það en við reynum ekki að mála
okkur sem fullkomið fyrirtæki. Við getum gert mistök
eins og allir aðrir og við erum ófeimin við að hafa allt
fyrir opnum tjöldum. Og þá tökum við á því undir
eins.“
Aðspurður hvort vinahópur Ring á Facebook geti
vaxið endalaust þá segir Einar að það sé ekki
markmiðið, enda sé stærstur hluti markhóps
þeirra þegar kominn í hópinn.
„Það er yfirleitt miðað við að það séu um fjögur
þúsund manns í hverjum árgangi og við erum
með yfir 40 þúsund vini á Facebook. Við erum því
búin að dekka nokkurn veginn okkar markhóp.“
Eilíft líf á Facebook?
Nú hefur uppgangur Facebook verið mikill á
fremur skömmum tíma en margir muna þá tíð
þegar menn héldu að Myspace myndi verða ráð-
andi samfélagssíða. Mun Facebook lifa að eilífu?
„Það er alveg möguleiki að Facebook eigi eftir að deyja.
Maðurinn sem spáði réttilega fyrir dauða Myspace er búinn að
spá því að Facebook verði dautt eftir fimm ár og margar, litlar
samfélagssíður með mismunandi áherslum komi í staðinn
fyrir eina stóra samfélagssíðu,“ segir Einar en að hans mati
skiptir það ekki öllu máli.
„Þetta er bara ný hugsun og ný nálgun. Og við verðum á
tánum. Það er sama hvers eðlis það er, Twitter, Youtube eða
hvað sem er, þetta er bara ný leið og þetta er einhvern veginn
allt að renna saman í eitt.“
Þá segir hann einnig mikil tækifæri liggja í því hversu mikil
netnotkun í síma er orðin.
„Yngri kynslóðin er ekki mikið að skoða tölvupóst heldur
liggur á Facebook í símanum. Á meðan fjöldi þeirra sem nota
netið í símanum hefur aukist um 3% þá hefur aukningin á
gagnamagni sem sótt er í gegnum símann aukist um 138% á
árunum 2009 til 2010. Og það er spáð enn meiri vexti í því.“
Það er því allt útlit fyrir að markaðssetning á samfélagsmiðl-
um muni bara verða mikilvægari eftir því sem
fram í sækir.
Þessa dagana er ár liðið frá því að farsímaþjónustan Ring fór í loftið
en þar á bæ hefur frá upphafi verið lögð mikil áhersla á að nýta
samfélagsmiðla á borð við Facebook við markaðssetninguna. Vinir
Ring á Facebook hafa hrannast upp og eru nú orðnir tæplega 43
43 þúsund vinir
en engir óvinir?
STARBUCKS ER TIL FYRIRMYNDAR
Að sögn Einars er Starbucks það fyrirtæki sem
er leiðandi í því að nýta sér samfélagsmiðla til
markaðssetningar.
„Starbucks er algerlega leiðandi í þessum málum.
Þetta snýst ekki bara um vöruna, þeir eru með
allskonar hugmyndafræði á bakvið það hvernig þeir
nálgast viðskiptavini sína. Þeir ganga út frá því að
það sé fjöldinn sem veit best, betur en fróðustu
einstaklingar. Þeir hafa líka verið með flotta tölvuleiki
og svo framvegis og af flestum fræðimönnum er
Starbucks yfirleitt tekið sem fyrirmyndardæmi í
almannatengslum og markaðssetningu,“ segir Einar.
Á Íslandi eru 265.420
notendur á Facebook
sem er rúmlega 85%
af íbúum landsins.
92% Íslendinga á aldr-
inum 16 til 24 ára nota
Facebook samkvæmt
Hagstofunni.
EINAR HEFUR SKAPAÐ
RING MARGA VINI
SÆKJA Í VINAMARGA
Það eru ekki allir Facebook-vinir jafngóðir, líkt og
Ring og fleiri hafa komist að.
„Það virðast vera einhvers konar Nígeríu-svindl í
gangi sem virka þannig að það hrannast upp vinir,
stundum þúsundir, sem eru í rauninni ekki alvöru
Facebook-prófílar. Við erum ekki þau einu sem hafa
lent í þessu. Fleiri fyrirtæki hafa lent í þessu og líka
aðilar á borð við Magga Mix,“ segir Einar en hann
telur þetta ekki vera stórt vandamál.
„Þeir gætu verið að setja athugasemdir eða
auglýsingar á vegginn en við höfum sloppið við
það. Svo maður skilur ekki alveg tilganginn.“
Fréttir um ótrúlegar myndir sem
hafa náðst fyrir hið margrómaða
forrit Google Street View, sem
býður upp á ljósmyndir frá götum
heimsins, hafa verið áberandi að
undanförnu. Frá því að Google hóf
að taka þessar panorama myndir
til að fullkomna kortavef sinn
árið 2007 hafa margar myndir úr
forritinu vakið athygli fjölmiðla og
sumar hefur meira að segja þurft að
ritskoða.
Fitubolla tók sig á
Fyrir stuttu var hinn 56 ári gamli
Bob Mewse sáttur í blaðaviðtölum
um hvernig
hann sá sig í
Google Street
View og ákvað
á stundinni
að grenna sig.
Hann hafði þá
rekist á mynd
af sjálfum sér
þar sem hann
sneri hliðinni að
Google bílnum
sem keyrir um allar trissur og tekur
myndir út um allan heim.
Líkpokar á götunni
Aðeins einni viku eftir að Google
Street View setti myndir frá Brasilíu
inn í forritið þurfti að kippa einni
myndanna út af. Á henni sást
svartur líkpoki umkringdur
lögreglubílum á umferðargötu í Rio
De Janeiro sem þótti ósæmilegt að
hafa inni á netinu.
Nakinn í bílskotti
Virkilega skrítin mynd af nöktum
manni að athafna sig í bílskotti
hefur farið eins og eldur í sinu um
veraldarvefinn en ekki hefur enn
verið upplýst hvað maðurinn var að
gera þegar Google bíllinn átti leið
hjá.
Barnsfæðing í beinni
Nýjasta fréttin af furðulegri mynd
úr forritinu er þó sú ótrúlegasta
í röðinni. Þar sést kona liggja á
gangstéttarbrún í fæðingarstöðu,
nýbúin að fæða barn. Fyrir framan
hana krýpur karlmaður sem heldur
sigri hrósandi á barninu. Það er
gríðarlega spennandi að sjá hvað
birtist næst, farið strax að leita!
Eintómar tilviljanir eða gróf markaðs-
herferð hjá Google Street View?
Barnsfæðing
og líkpokar