Monitor - 25.11.2010, Page 13

George Washington
Taphephobia
Ótti við að vera grafinn lifandi
Fyrsti forseti Bandaríkjanna, George Washing-
ton, virkar nokkuð yfirvegaður á eins dollara
seðlinum fræga. Það var hann þó ekki alltaf en
hann óttaðist það gríðarlega að vera grafinn
lifandi. Á dánarbeði sínu lét hann lækna sína lofa
sér að lík hans yrði látið liggja frammi í tvo daga
eftir andlát hans til þess að öruggt væri að hann
væri látinn.
Woody Allen
Panophobia
Ótti við næstum því allt
Það óttast allir eitthvað. En einhverjir óttast
líka allt. Woody Allen er einn af þeim sem hefur
stöðugar áhyggjur af hinum ýmsu atriðum. Til
dæmis er hann lofthræddur, hræddur við skordýr
og þjáist af innilokunarkennd. Annað og óeðli-
legra er hins vegar að hann kveðst óttast skæra
liti, flest dýr og þá tilfinningu þegar hnetusmjör
festist við efri góminn. Þá sker hann víst banana
alltaf í nákvæmlega sjö sneiðar.
Richard Nixon
Nosocomephobia
Ótti við spítala
Nixon hefði líklega verið betur settur ef hann
hefði verið haldinn ótta við að vera hleraður.
Hann óttaðist hins vegar aðallega spítala því
hann hafði þá tilfinningu að ef hann færi þangað
inn, þá kæmi hann dáinn út. Svo langt náði
óttinn að eitt sinn ætlaði hann að neita að fara á
spítala þegar hann fékk blóðtappa en á endanum
var honum komið í skilning um að hann myndi
deyja ef hann færi ekki. Spítalaótti mun vera
nokkuð algengur.
Alfred Hitchcock
Ovophobia
Ótti við egg
Það er vissulega kaldhæðnislegt að sá maður sem
þótti meistari í að hræða aðra, óttaðist nokkuð
sem nær enginn annar óttast. Egg! Hitchcock
sagði eitt sinn að honum þætti ekkert viðbjóðs-
legra en að sjá guluna leka út úr þessum hvíta,
slétta hlut sem engin göt eru á. Þá sagðist hann
aldrei í lífinu hafa smakkað egg og hann neitaði
að vera nálægt þeim.
Oprah Winfrey
Ótti við tyggjó
Hæstlaunaðasta konan í bandarískum
skemmtanaiðnaði hefur gengið í
gegnum ýmislegt á sinni ævi og kallar
ekki allt ömmu sína. Hún hefði þó
líklega einnig sómað sér vel sem
kennslukona því Oprah Winfrey hefur
óstjórnlega óbeit á tyggjói. Hún segist
fyllast þvílíkum viðbjóði að hún
missi stjórn á sér og hefur hún til að
mynda bannað allt tyggjó í stúdíói
sínu. Eitt sinn mun hún líka hafa
hent matardiski af því einhver skildi
eftir notað tyggjó á honum.
Natalie
Wood
Hydrophobia
Ótti við vatn
Leikkonan Natalie Wood,
sem lék meðal annars í West
Side Story og Miracle on
34th Street, var óstjórnlega
hrædd við vatn og dýpi.
Óttann taldi hún hafa átt
upptök sín í því þegar móðir
hennar plataði hana til að standa á brú fyrir kvik-
mynd þegar hún var ung, en brúin var hönnuð
til að stelpan myndi detta út í vatnið. Kaldhæðni
örlaganna er mikil því Natalie drukknaði á end-
anum þegar hún var á snekkju og féll fyrir borð.
Billy Bob
Thornton
Ýmsar fóbíur
Pörupilturinn Billy Bob
er þekktur fyrir nokkra
sérvisku en hann er jafnvel
furðulegri en marga grunar.
Antíkhúsgögn eru það sem
honum finnst ógeðslegast
í heiminum og segist hann
sjaldan hafa upplifað verri
stund en þegar hann lenti á veitingastað fullum
af antíkhúsgögnum. Hann hafi fyllst svo miklum
viðbjóði að hann gat ekki andað, hvað þá borðað
og drukkið. Þá er Billy Bob einnig hræddur við
skæra liti, líkt og Woody Allen, og trúða.
Napóleon
Bónaparte
Ailurophobia
Kattahræðsla
Hinn mikli Napóleon þjáðist
af óstjórnlegri kattahræðslu.
Hann var þó ekki eini
leiðtoginn sem það gerði því
Hitler, Mussolino og Sesar
deildu þessum ótta. Köttum
og einræðisherrum hefur
líklega aldrei verið ætlað að koma saman.
Johnny
Depp
Clourophobia
Trúðahræðsla
Hjartaknúsarinn Johnny
Depp þjáist eins og ýmsir
aðrir af trúðahræðslu. Hann
segir að það sé eitthvað við
málað andlitið og gervi-
brosið sem gefi honum þá
tilfinningu að undir niðri
geti leynst eitthvað afar illt. Hann virðist þó ekki
eiga í vandræðum með að fara sjálfur í gervi
hálfgerðra trúða á borð við Edda klippikrumlu,
Willy Wonka, Óða hattarans og margra fleiri.
Marilyn Monroe
Agoraphobia
Ótti við opin almenn rými
Það er nokkuð undarlegt að leikkona hafi þjáðst
af slíkum kvilla, sem Marilyn Monroe gerði. En
hún er ekki eina leikkonan sem óttast opin og
almenn rými því það gera Kim Basinger
og Daryl Hannah líka.
Madonna
Brontophobia
Ótti við þrumuveður
Við fyrstu sýn á poppgyðjan
Madonna kannski ekki mikið
sameiginlegt með hundum. Hún
verður þó alveg spangólandi óð
þegar þrumuveður skellur á.
Líklegt verður líka að teljast að
hún óttist það nokkuð mikið að
eldast.
David
Beckham
Ataxophobia
Ótti við óreglu
Það kemur engum á óvart að David Beckham vilji
hafa hlutina í röð og reglu, enda yfirleitt óaðfinn-
anlega snyrtur. Þetta er þó meira en áhugamál
því Beckham ku þurfa að raða hlutum nákvæm-
lega eftir ákveðnum reglum á heimili sínu. Á það
til dæmis við um gosdósir í ísskápnum.
Orlando Bloom
Swinophobia
Ótti við svín
Það eru ekki allir jafnheppnir með útlitið og Or-
lando Bloom. Til dæmis svín. Það er því ekki mjög
fallegt og skilningsríkt af Orlando Bloom að
finnast svín svo viðbjóðsleg og ógnvekj-
andi að hann getur ekki komið nálægt
þeim. Það er þó ekki viljandi gert en
óttinn er sagður svo mikill að hugsanleg
þátttaka Bloom í endurgerð myndarinnar
Animal Farm gæti verið í uppnámi.
Pamela
Anderson
Eisoptrophobia
Ótti við spegla
Kynþokkafull ásjóna hennar var það
sem gerði hana að stjörnu en Pamela
Anderson þolir samt ekki að horfa
á sjálfa sig í spegli. Hún þolir
heldur ekki að sjá sjálfa sig í
sjónvarpi og gengur víst út
úr herberginu ef ekki
er skipt um stöð.
Ímyndarsérfræðingar sjá til þess að fræga fólk-
ið virkar oft nokkuð heilsteypt á yfirborðinu.
Það er þó ekki alltaf raunin og margir glíma við
klikkaðri vandamál en þú gætir ímyndað þér.
Fóbíur
fræga
fólksins
1. Lofthræðsla 2. Flughræðsla 3. Hræðsla við að tala
fyrir framan hóp 4. Myrkfælni 5. Hræðsla við köngulær 6.
Hræðsla við snáka 7. Hræðsla við höfnun 8. Innilokunar-
kennd 9. Hræðsla við að mistakast 10. Hræðsla við nánd 11.
Víðáttufælni 12. Hræðsla við spítala 13. Hræðsla við lyftur
14. Hræðsla við hunda 15. Hræðsla við að keyraA
lg
en
gu
st
u
fó
bí
ur
na
r
15
ALLTAF SMART - ANNARS
MYNDI HANN KLIKKAST
MONROE ÆTTI AÐ LÍÐA
ÁGÆTLEGA Í KISTUNNI
13FIMMTUDAGUR 25. NÓVEMBER 2010 Monitor