Monitor - 14.07.2011, Blaðsíða 6
6 Monitor FIMMTUDAGUR 14. JÚLÍ 2011
stíllinn
fataskápurinn
Lilja Dögg Jónsdóttir, formaður Stúdentaráðs Háskóla Íslands,
leyfði Stílnum að kíkja í fataskápinn sinn þessa vikuna.
SKRÍTNASTA
Ég elska sokka. Ég er aldrei lengur en fimm
mínútur heima án þess að vera komin í
hlýja ullarsokka og þá skiptir engu máli
hvernig viðrar úti! En ástin nær lengra en til
ullarsokka því mér þykja sokkar almennt og
yfir höfuð frekar skemmtileg flík. Þó ég sé
alls ekki nógu dugleg að nota þá til að lífga
upp útlitið þá á ég til dæmis mjög
skemmtilega græna sokka
frá American Apparel
sem eru ótrúlega flottir
við gallabuxur og
fallega opna
skó.
DÝRASTA
Ég er ekki alveg viss hvaða
flík er sú dýrasta sem ég
á en það verðmætasta
eru án efa tvö hálsmen
sem koma sitt frá hvorri
ömmunni. Það gyllta á
mamma raunar og erfði
frá mömmu sinni sem var
mikil glingurkona og mér
finnst hálsmenið gefa
öllum fötum sjarmerandi
hefðarkonuyfirbragð. Hitt
fékk ég í stúdentsgjöf frá
föðurömmu minni og það
er svo fullkomlega í takt við
minn smekk að ég hefði ekki fengið
betra þó ég teiknaði það sjálf;
náttúrulegt, hæfilega gróft, fallegt
og passar við allt.
NÝJASTA
Ég sá stelpu í þessum skóm í veislu
nýlega og varð bara að eignast
þá líka. Ég hef ekki farið úr þeim
síðan ég fékk þá, mér finnst þeir
passa við allt. Þeir hafa svolítið
rokkað 70´s yfirbragð og það er
sérstaklega flott að fara í litaða
sokka undir.
BESTA
Leðurjakkinn sem ég keypti í Ein-
veru fyrir tveimur árum er í miklu
uppáhaldi. Ég hef notað hann í
syrpum og síðustu mánuði hef
ég varla farið út úr húsi án hans,
hann er einfaldlega fullkominn og
passar við
allt.
ELSTA
Þennan bláa kínakjól hef ég notað reglulega
frá því ég fékk hann í Kolaportinu þegar ég
var 17 ára. Beltin og skartið sem ég set við
hafa breyst með tískunni og tímanum en
mér finnst kjóllinn alltaf jafn töff. Ég fann á
honum lítið gat um daginn og langaði eig-
inlega að gráta smá. En það tókst að laga
það og ég held ég muni ekki hætta að nota
þennan fyrr en hann verður sundurtættur
og úr sér genginn.
ÞÆGILEGASTA
Í próflokainnkaupum vorsins
keypti ég skrautlegan samfest-
ing sem er jafn þægilegur og
hann er flottur. Með fallegum
háum hælum er hann fullkominn
fyrir skrallið en með sandölum
er hann hversdagslegur og
kjörinn í vinnunna á sjald-
séðum sumardögum.
FLOTTASTA
Ég var að labba úr sumarvinn-
unni minni í Osló fyrir nokkrum
árum, í hellidembu og með
rennandi blauta fætur þegar
ég sá þennan hvíta náttkjól á
fatamarkaði og stóðst ekki
mátið. Þetta er kjóllinn
sem ég enda í þegar ég
er búin að máta fimmt-
án mismunandi flíkur,
er orðin svolítið úrill
og finnst ekkert
ganga. Hann er
alltaf jafn fallegur.
Nýir ballerínuskór
á óskalistanum
Hvernig myndir þú lýsa stílnum þínum í
fimm orðum?
Frjálslegt mix úr ólíkum áttum.
Hver er uppáhaldshönnuðurinn þinn?
Ég velti satt best að segja hönnuðum ekki
mjög mikið fyrir mér og hef alltaf átt erfitt
með að velja uppáhalds af einhverju. En ég
á margar uppáhaldsflíkur og línur úr ólíkum
áttum og oft frá mjög ólíkum hönnuðum
og tímabilum. Af íslenskum hönnuðum
á ég sjálf mest frá Andersen & Lauth,
litirnir þeirra og sniðin eru svo guðdómlega
rómantísk, þægileg og falleg.
Hversu mörg skópör átt þú?
Þau sem ég á telja í nokkrum tugum, ég þori
eiginlega ekki að setja tölu á það. En í fullri
notkun núna eru kannski svona tólf pör,
bráðum þrettán. Mig langar mikið í nýja,
fallega ballerínuskó og stefni á að finna þá á
næstu dögum.
Ef þú yrðir að fá þér tattú, hvað myndir þú
fá þér og hvar?
Það yrði að vera eitthvað lítið, óvænt og
svolítið stelpulegt. Ég held ég myndi vilja fá
einhver orð eða setningu frekar en mynd en
ég hef reyndar aldrei íhugað alvarlega að fá
mér tattú svo hugmyndirnar eru ekki mjög
fastmótaðar. En þau flottustu sem ég hef
séð hafa verið á ristinni, bak við eyrað eða
aftan á úlniðnum.
Hvaða flík er ómissandi að þínu mati fyrir
útilegurnar í sumar?
Falleg lopapeysa er grundvöllur alvöru
íslenskrar útilegu. Ég á mosagræna slá með
lopapeysumynstri sem amma gerði fyr-
ir mig og hún mun fylgja mér í allar
útilegur sumarsins. Annar ómiss-
andi hlutur eru falleg sólgleraugu,
sumarið kemur ekki án þeirra!
Myndir/Árni Sæberg