Monitor - 04.08.2011, Blaðsíða 10

búinn að gera eina til tvær plötur á hverju ári sem er nokkuð
vel af sér vikið. Fyrr á árinu bjó ég um tíma í Svíþjóð og kúp-
laði mig aðeins út úr öllu saman svo ég er kominn með efni í
sólóplötu sem ég hugsa að komi út í vor. Ég verð nefnilega að
semja tónlist líka og hef mikla þörf fyrir það.
Fyrir sjö árum tókst þú þig til og léttist um 17 kíló á átta
mánuðum. Ert þú enn á fullu í ræktinni og borðar bara
hollan mat?
Málið er það að ég var svakalega duglegur fyrr á árinu þegar
ég bjó út í Svíþjóð og fór á hverjum degi. Núna í sumar er ég
búinn að vera að túra með Jógvani og okkur finnst rosalega
gott að borða góðan mat. Hann er reyndar búinn að þyngjast
meira en ég. Ég er duglegur og passa mataræðið en á sumrin
tek ég mér frí og grilla mikið.
Hvað gerir þú til að líta vel út á sviðinu?
Það fer náttúrulega eftir því hvað giggin eru stór en það er
gott að vera smá sminkaður, þá er maður alltaf sætari. Í
Eurovision var ég svo til dæmis í einskonar smokk innan
undir bolnum til að slétta úr öllu og líta aðeins betur út.
Ert þú með fullkomnunaráráttu þegar kemur að útlitinu?
Kannski ekki beint fullkomnunaráráttu en þegar maður er í
svona vinnu skiptir útlitið oft miklu máli. Samt er það aldrei
yfirsterkara hæfileikunum en í poppbransanum horfir fólk
oft á listamanninn áður en það hlustar á hann. Eftir því sem
maður eldist þá slakar maður meira á því það er margt verra
en að vera ekki þessi fullkomna staðalímynd. Maður þarf að
hlúa að hinu innra meira en því ytra.
Nú verður þú þrítugur í haust. Hvernig leggst stórafmælið í
þig?
Mér finnst þetta stór áfangi og margir tala um að þrítugs-
afmælið sé smá sjokk. Ég hef ekki fundið fyrir því ennþá
enda bara 29 ára. Ég ákvað að snúa þessu upp í tóma gleði og
halda afmælistónleika á heimaslóðuim mínum fyrir norðan.
Mig langar til að gera það sem mér finnst skemmtilegast; að
halda einhverja ógeðslega flotta tónleika með vini mína með
mér á sviðinu. Það er úr nógu að moða þó ég sé ekki búinn að
vera lengi að og svo ætla ég líka að frumflytja eitthvað nýtt
efni. Nú tala ég eins og gamall maður en ef maður er við góða
heilsu er aldurinn ekkert slæmur svo ég er mjög spenntur
fyrir afmælinu.
Hvar sérðu sjálfan þig á fertugsafmælinu?
Ég verð syngjandi og áfram í músíkinni. Hún er það eina
sem hefur komið til greina og ég hef ekki verið í öðru síðan
ég var fjögurra ára gamall. Ég verð líklega á rosa þeytingi og
örugglega orðinn pabbi.
Margir tala
um að þrítugs-
afmælið sé smá sjokk.
Ég hef ekki fundið
fyrir því ennþá enda
bara 29 ára.
10 Monitor FIMMTUDAGUR 4. ÁGÚST 2011