Morgunblaðið - 18.06.2010, Side 4

U
pphaf Weber-grillanna
má rekja til ársins 1952.
Bandaríkjamaðurinn
George Stephen var mik-
ill áhugamaður um grill-
aðan mat en var óánægður með eigið
kolagrill. Grillið var flatt, opið og án
loks – fyrir vikið var erfitt að stjórna
hitanum og temja eldinn og öskuna af
kolunum. Eftir margar misheppn-
aðar tilraunir hannaði George Steph-
en loks grill sem hann var ánægður
með. Hugmyndina fékk hann með því
að skera bauju í tvennt, setja fætur á
annan hlutann og handfang á hinn og
hefur þessi gerð af grilli síðan verið
kölluð kúlugrill. „Til að byrja með var
útlitið nokkuð einfalt en hönnunin
sem slík hefur haldið sér í öll þessi
ár,“ segir Sævar Þór Guðmundsson,
framkvæmdastjóri innflutningsversl-
unarinnar Járns og glers sem er um-
boðsfyrirtæki Weber-merkisins á Ís-
landi.
Hitinn nýttur til fulls
Galdurinn við kúlukolagrillin felst
meðal annars í hringrás hitans. „Það
er lykilatriði að vera alltaf með lokið á
þegar verið er að grilla,“ útskýrir
Sævar og bendir á að hitinn frá kol-
unum fer upp í lokið og niður aftur,
með því móti myndast hringrás hit-
ans. Á lokinu eru nokkur göt sem
hægt er að opna og loka og í botni
grillsins er sérstakur búnaður. Sævar
talar um að með honum og götunum í
lokinu sé loftflæðinu stjórnað og þar
af leiðandi hitanum einnig. Hann
bætir við að með sama búnaði er
drepið í kolunum með því að loka fyr-
ir loftflæðið auk þess sem askan af út-
brunnum kolum er hreinsuð ofan í
öskupott neðan á grillinu. Þau kol
sem eru óbrunnin eru svo notuð aftur
í bland við ný kol. Til eru ýmsar út-
færslur af kolagrillinu og þau eru
mismunandi að stærð.
Weber-merkið fer ört stækkandi
með hverju ári. Höfuðstöðvar fyr-
irtækisins eru í Bandaríkjunum en
fjölmörg dótturfyrirtæki má finna
um heim allan. Járn og gler hóf inn-
flutning á Weber árið 2002 en til að
byrja með voru aðeins örfá eintök
seld. Áður en langt um líður verður
hins vegar 10.000 Weber-grillið selt.
„Vinsældir merkisins er ekki endi-
lega að finna í hæfileikum sölumanna
heldur er það varan sem selur sig
sjálf,“ segir Sævar og bætir við að
stundum sé sagt að Weber-eigandi
verði að Weber-sölumanni. Miðað við
markaðinn hérlendis þótti mörgum
merkið dýrt í fyrstu en tímarnir
breytast og í dag þykir ekki óeðlilegt
að kaupa sér dýrt grill enda eign sem
á að endast lengi.
Bragðburstir sem bragðbæta
Þegar kemur að gasgrillunum eru
einnig ákveðin atriði talin sérstaða
Webers. Í öllum stærri gasgrillum er
að finna svokallaðar bragðburstir
sem staðsettar eru undir grillgrind-
unum. „Þegar fitan og safinn af grill-
matnum lekur á heitar bragðburst-
irnar myndast reykur sem fer upp og
gefur bragð í það sem verið er að
grilla,“ segir Sævar. Burstirnar hafa
einnig það hlutverk að fleyta fitunni
framhjá brennurunum og niður í
ákveðinn fitubakka sem auðveldar
hreinsun á grillinu.
Ferðagrill fyrir heimilið
Gasgrillin fást í öllum stærðum og
gerðum, allt frá litlum ferðagrillum
upp í stór grill með fleiri brennurum.
Þrátt fyrir stærðarmun er lögð
áhersla á að draga ekki úr gæðum
grillsins. Ferðagrillin kallast Weber
Q og hafa notið mikilla vinsælda enda
taka þau lítið pláss, hvort sem er á
ferðalagi eða heima fyrir. „Öll grill
gera sama hlutinn. Spurningin snýst
því aðallega um þörf, útlit og verð,“
segir Sævar og líkir kaupum á grilli
við kaup á nýjum bíl, farið er að ósk-
um kaupenda og misjafnt er hverju
fólk er að leita eftir. Því geta fjöl-
margir komist af með einungis ferða-
grill á heimilinu.
Weber-menning áberandi
Ógrynni spennandi fylgihluta eru
hönnuð undir merkjum fyrirtækisins.
„Fylgihlutirnir eru sérstaklega vin-
sælir í afmælis- og jólagjafirnar. Það
er af nógu að taka enda ýmislegt
skemmtilegt til, allt frá kryddi til
kokkahnífa,“ segir Sævar og talar um
að þróun varningsins haldist í hendur
við útbreiðslu vörumerkisins. Undir
merki Weber er gefinn út fjöldi mat-
reiðslubóka auk þess sem reknir eru
Weber-veitingastaðir í Bandaríkj-
unum. Sævar bendir einnig á að
starfandi séu Weber-áhuga-
mannaklúbbar þar sem skipst er á
uppskriftum og góðum ráðum. Mikil
menning ríkir því í kringum Weber-
grillin enda er Weber einstaklega
sterkt vörumerki og leiðandi á sínu
sviði.
Reynslan helsti styrkleikinn
Ending Weber felst aðallega í gæð-
um efnis og smíði grillanna. Kola-
grillin eru postulínshúðuð en postu-
línshúðin er sterk og þolir íslenskar
aðstæður vel. Lokin á gasgrillunum
hafa sömu postulínshúð en þau eru
einnig fáanleg úr ryðfríu stáli.
Reynslan sýnir að ending Weber-
grilla er góð þótt hún fari einnig eftir
því hversu vel eigendur hugsa um
þau. Gömul grill er jafnframt hægt að
bæta með varahlutum og nýju inni-
haldi.
„Reglulega er verið að uppfæra út-
lit og tegundir enda hefur grunn-
hönnunin sannað sig,“ segir Sævar og
nefnir að ný grill séu væntanleg
næsta sumar. „Það skemmtilega er
hvað það er mikið í kringum Weber.
Þetta er ekki bara grill,“ segir Sævar.
kristel@mbl.is
Skemmtileg matreiðsla Kolagrillin eru í mismunandi stærðum og gerð-
um. Einnig fást ofnar til að reykja í.
Kolagrill Fyrsta Weber-kolagrillið
er frá árinu 1952 en grunnhönn-
unin hefur lítið breyst.
Miklu meira
en bara grill
Morgunblaðið/Golli
Sævar Þór Guðmundsson er framkvæmdastjóri og flytur inn grill: „Það
skemmtilega er hvað það er mikið í kringum Weber.“
Þegar kemur að grillum hafa eflaust margir heyrt minnst á
merkið Weber en færri vita leyndardóminn að baki vinsæld-
um þess. Ákveðin atriði í hönnun og smíði veita Weber sér-
stöðu á sínu sviði og eftir áralanga uppbyggingu vörumerk-
isins er nú svo komið að hægt er að tala um nokkurs konar
Weber-menningu sem finna má víðs vegar um heiminn.
Eftir margar misheppn-
aðar tilraunir hannaði
George Stephen loks
grill sem hann var
ánægður með
4 | MORGUNBLAÐIÐ
Appelsínuönd
Skemmtileg grillútgáfa
af hinni klassísku
frönsku appelsínuönd.
Það er hægt að gera ýmislegt við andarbringur. Þær
eru tilvaldar á grillið en varast þarf að fitan sem lekur
úr húðinni kveiki ekki í öllu. Hér er grillútgáfa af hinni
klassísku frönsku appelsínuönd.
2 andarbringur
2 appelsínur
1 sítróna
1 dl appelsínumarmelaði (ekki of sætt, t.d. St. Dalfour)
lúka af estragoni, saxað
ólífuolía
salt og pipar
Aðferð: Rífið væna matskeið af appelsínuberki og
aðra af sítrónuberki með fínu hliðinni á rifjárni. Press-
ið safann úr bæði appelsínunni og sítrónunni og setjið í
skál ásamt berkinum. Bætið við marmelaði og fínsöx-
uðu estragoni, skvettu af olíu, salti og pipar.
Skerið raufar í skinnhliðina á bringunum og látið
þær liggja í um 2⁄3 af leginum í að minnsta kosti
klukkustund.
Skerið appelsínu niður í þunnar sneiðar og leggið í
afganginn af leginum.
Grillið bringurnar á háum hita, 3-4 mínútur á hvorri
hlið, undir loki. Lengdin ræðst af stærð bringnanna og
hita grillsins. Bringur eru bestar medium-rare. Leyfið
kjötinu að jafna sig í nokkrar mínútur áður en þið
skerið þær í sneiðar.
Grillið appelsínusneiðarnar í 1-2 mínútur á hvorri
hlið.
Skerið öndina í sneiðar, saltið örlítið ef þarf. Berið
fram ásamt appelsínunum og t.d. steiktu spínati.
Steingrímur Sigurgeirsson
Fleiri uppskriftir má finna á Matur og vín-vef Morg-
unblaðsins: mbl.is/matur og á vinotek.is.
Grilluð appelsínuönd
Nýjar vörur – spennandi olíur
og krydd með grillmatnum
!"#$ &'()*+ ,-$./(,0$//1 234567" ,831
93:#: &;<=>6"?=@;=:?:&1 AB!+ -/,1
C$ D,E EE-E(FFF+?G<3+"= H IB<3 ' )3J6KGGL
!"#" %&'()*#++ ,- ./#0#1#*
Ávaxtaskálarnar
komnar