Morgunblaðið - 18.06.2010, Qupperneq 15

MORGUNBLAÐIÐ | 15
Fátt er betra á grillið en safarík
nautasteik. Hér er dæmi um
ferska og góða sósu með steikinni
þar sem leikið er með hina klass-
ísku ítölsku pestó-sósu.
Pestó
Ferskt basil, 3-4 lúkur
2-3 hvítlauksgeirar
100 g furuhnetur
150 g parmesan
um það bil 3 dl ólífuolía
salt og pipar
Aðferð: Hreinsið basil, þerrið.
Myljið hnetur í matvinnsluvél,
bætið basil og hvítlauk saman við.
Næst er parmesan bætt saman
við og saltað og piprað. Þá er mat-
vinnsluvélin sett á lægsta hraða
og olíunni bætt við hægt og síg-
andi. Athugið að ef ekki á að nota
sósuna strax er æskilegt að setja
hana strax í ílát (til dæmis gamlar
sultukrukkur) og loka fyrir þar
sem pestóið missir lit ef það er
lengi í snertingu við súrefni. Fyll-
ið á krukkurnar með olíu ef þarf.
Þessa grunnuppskrift má útfæra
á óendanlega vegu. Nota má aðrar
kryddjurtir en basil, t.d. stein-
selju eða óreganó.
Nautasteik með pestó-jógúrtsósu
pestó
grísk jógúrt
Nautasteikur
Aðferð: Ribeye er einhver besta
grillsteikin. Saltið steikurnar með
grófu salti, sjávarsalti eða mal-
don, og setjið á sjóðheitt grillið.
Grillið í 3-4 mínútur á hvorri hlið
eftir því hvað þær eru þykkar og
hvernig steikingu þið viljið. Takið
af grillinu og látið standa í nokkr-
ar mínútur við stofuhita áður en
þær eru bornar fram. Blandið
pestói og grískri jógúrt saman til
helminga í skál. Pískið saman með
gaffli og geymið í ísskáp. Best er
að gera sósuna að minnsta kosti
klukkustund áður en hún er borin
fram þannig að bragðið nái að
renna vel saman. Berið steikurnar
fram með sósunni og grænu sal-
ati.
Fleiri uppskriftir má finna á Matur og
vín-vef Morgunblaðsins: mbl.is/
matur og á vinotek.is.Safaríkt og ferskt Grilluð nautasteik með pestó-jógúrtsósu.
Grilluð nautasteik með pestó-jógúrtsósu
Bræðurnir Haukur og Jón Hjalta-
synir opnuðu Sælkerann í Hafn-
arstræti 1966 í þeim tilgangi að bjóða
fólki upp á sambærilegan mat og fá
mátti í Grillinu á Hótel Sögu en á
mun lægra verði. Grillaður kjúkling-
ur var meðal annars á matseðlinum.
Haukur segir að staðnum hafi
strax verið mjög vel tekið. „Við seld-
um um 800 til 900 máltíðir á dag og
ég veit að það gekk líka mjög vel hjá
Magnúsi vini mínum Björnssyni á
Aski, en hann byrjaði nokkrum mán-
uðum á undan okkur.“ Hann bætir
við að algengt hafi verið að bjóða upp
á 225 g steikur á veitingahúsum en
Sælkerinn hafi verið með 185-190 g
steikur. Fyrir bragðið hafi verið
hægt að bjóða mun lægra verð. Grill-
ið hafi selt um 50 til 90 máltíðir á dag
á virkum dögum og upp í 180 mál-
tíðir á laugardögum. „Við fengum
fjöldann og allir voru ánægðir.“
Eins og fram kemur í viðtali við
Magnús grillaði hann kjúklingana á
gasgrilli. Haukur segir að það hafi
verið mjög óvenjulegt á þeim tíma,
en kjúklingabringurnar hafi svitnað
svolítið skemmtilega fyrir bragðið. Á
Sælkeranum hafi þeir notað raf-
magnsgrill enda gasið ekki lengur í
almennri notkun. Auk þess hafi gas-
grillin verið töluvert dýrari en það
hafi verið skemmtilegt að grilla á
þeim.
Enn í grillinu
Haukur keypti Ask af Magnúsi
1979 og rak staðinn ásamt Pétri
Sveinbjarnarsyni í nokkur ár sam-
hliða því að byggja upp þjónustu við
veitingahúsareksturinn í gegnum
fyrirtæki sitt, Dreifingu, sem hann
stofnaði ásamt Jóni bróður sínum
1968. Hann er enn viðloðandi grillið í
gegnum Kjötbankann og framleiðir
m.a. hamborgara sem eru seldir
víða.
Morgunblaðið/Ernir
Grillari Haukur Hjaltason er enn
viðloðandi grillið í gegnum Kjöt-
bankann og framleiðir m.a. ham-
borgara sem eru seldir víða.
Sælkerinn
fyrir al-
menning
fyrir alla sem
grilljón hugmyndir
www.gottimatinn.is
H
V
ÍT
A
H
Ú
S
IÐ
/
S
ÍA
–
1
0
-0
7
0
1
Gott í matinn vörurnar frá MS eru nákvæmlega það sem þarf til þess að gera grillmatinn girnilegri.
Það er hægt að gera óteljandi margar útgáfur af ferskum grillsósum með sýrðum rjóma, matreiðslu-
rjóma, grískri eða hreinni jógúrt. Rifni gráðaosturinn og piparosturinn eru líka góðir í sósur eða bara
ofan á hamborgarann. Prófaðu svo sýrðan rjóma eða jógúrt með grilluðum ávöxtum. Láttu hugmynda-
flugið ráða þegar þú grillar í sumar!