Framsóknarblaðið - 16.10.1968, Blaðsíða 4
4
FRAMSÓKNARBLAÐIÐ
Unglingar
í Blaðinu Bergmál frá 9. októ-
ber 1968, var beint fyrirspurn tii
lögreglunnar og barnaverndar-
nefndar varðandi útivist barna og
skemmtanahald. Greinarnar voru
tvær en efnislega líkar og vil ég
leitast við að svara þeim frá sjón-
armiði mínu.
Á öðrum stað í blaðinu er birt
auglýsing frá lögreglunni, varð-
andi útivist barna og reglur þar
að lútandi. Á sínum tíma, lét lög-
♦
reglan sérprenta þessa auglýsingu
og dreifa henni á veitingastaði og
í söluop. í gegn um mörg ár, hef-
ur lögreglan vísað heim börnum
og unglingum eftir að útivistar-
tíma þeirra lýkur. Reykjavík er
nefnt sem fordæmi í þessum mál-
um og að þar sé á ferðinni ein
hver nýung. Þetta er ekki rétt,
lögregla í öllum kaupstöðum lands
ins hefur þurft að hafa afskipti af
þesum málum, og fullyrði ég, að
ástandið hér er mun betra en í
Reykjavík. Lögreglan hefur oft
mætt litlum skilningi á þessum
málum hjá þeim aðila ,sem getur
hér mestu um breytt, en það eru
foreldrarnir. Ekki er óalgengt, ef
lögreglan hefur farið með börn
heim, að þeim sé leyft að fara út
strax aftur eða þá strax kvöldið
eftir. Komið hefur fyrir, að lög-
reglan hefur orðið fyrir aðkasti
hjá foreldrum fyrir að koma með
börn þeirra heim. í annarri grein-
inni er talað um, að börn þurfi
ekki síður svefn hér en í Reykja-
vík og að þau fari vansvefta í
skólann. Hver á að sjá um, að börn
in fari að sofa á skikkanlegum
tíma, ef þau finna það ekki hjá
sér sjálf? Er það lögreglan eða
barnaverndarnefnd?
I annarri greininni er talað um
að lögregluþjónar hér séu 10—12.
Tíu lögregluþjónar eru fastráðnir
hér í Vestmanaeyjum og erum við
hvorki fleiri eða færri, en við eig
um að vera samkvæmt lögum.
Einn lögregluþjónn var fenginn,
þegar sumarfrí stóðu yfir, en þá
voru að jafnaði fjórir lögreglu-
þjónar samtímis í fríi og því erf-
itt að halda uppi vöktum allan
sólarhringinn.
Sá misskilningur virðist nokkuð
algengur, að álíta að allir tíu lög-
regluþjónarnir séu samtímis á
vakt allan sólarhringinn. Svo er
þó ekki, hver lögregluþjónn vinn-
ur ákveðinn stundafjölda og á frí
einu sinni í viku. Að jafnaði eru
þrír á vakt í einu, stundum þó
fleiri og stundum færri, þar sem
reynt hefur verið, að hafa sem
flesta á vakt, þegar búast má við
ineiru að gera. Yfirleitt er einn af
þessum þremur lögregluþjónum 'á
stöðinni, þannig að hún sé ekki
10 útivist.
mannlaus, hinir tveir sinna því
útköllum og eftirliti. Á þessu sést,
að erfitt getur verið fyrir lög-
regluna, að hafa menn úr lögreglu
liðinu til eftirlits í samkomuhús-
unum, einkum ef um fleiri en einn
stað er að ræða samtímis.
Mikið hefur verið ritað og rætt
um skemmtanahald og drykkju-
skap unglinga, þar eru flestir sam-
mála ,að úr þurfi að bæta. En þar
er hægara um að tala en úr að
bæta. í sífellu er hert á sölu áfeng
is hér á landi með því að opna út-
sölustaði, en jafnframt gilda þau
lög um meðferð áfengis, að erfitt
er að framfylgja þeim. Og fyrst
Reykjavík var nefnd, þá eru ljós
ustu dæmin þaðan, en það eru hin
svokölluðu „vínlausu danshús” ,en
þar þarf lögreglan að hafa við-
búnað þegar dansleikjum lýkur
vegna ölvunar og óspekta dans-
húsgesta. En það er engin afsökun
þótt ástandið kunni að vera verra
á öðrum stöðum, hér má um bæta,
en þá þurfa að koma fleiri til en
lögreglan og barnaverndarnefnd.
Stærsti aðililnn hefur verið og
verður foreldrarnir og þá einkum
heimilisfaðirinn, sem vænta má að
sé húsbóndinn á heimilinu, en það
er einmitt faðir, sem skrifar und-
ir aðra greinina í Bergmál. Það
virðist færast í vöxt ,að þeir for-
eldrar ,sem ekki ráða við upp-
eldi barna sinna, leitast við að
færa ábyrgðina yfir á það opin-
bera ,skólana, barnaverndarnefnd-
ir og lögreglu, en þessir taldir að-
ilar eiga að vera foreldrunum til
aðstoðar.
Það þjónar engum tilgangi að
hreyta ónotum til lögreglunnar,
svo sem, að börnin fari vansvefta
í skólann, að lögreglan vísi ekki
börnum heim eftir að útivistar-
tíma þeirra lýkur eða lögreglan
hafi ekki áhuga á, að hafa upp á
þeim mönnum, sem skaffa ungling
unum áfengi. Það skal viðurkennt
þó ekki með glöðu geði, að margt
fer aflaga hjá lögreglunni og hún
á hluta að þessu máli, en ekki
,þann stærsta.
íbúð óskast
Góð íbúð óskast til leigu sem fyrst.
Upplýsingar í sima 2068.
■n Xi » ii»i i
Herbergi óskasl
(Stór stofa í nýju húsi óskast til
leigu, helst með sérinngangi ef
hægt er. Reglusemi kemur til
greina. Útborgun fyrirfram ef ósk
að er.
Upplýsingar í prentsmiðjunni.
Löreglan, skólarnir, barnavernd-
arnefnd og þá ekki síst foreldr-
arnir, eiga að standa saman í
þessu máli, en ekki deila opinber-
lega um það, hver beri mesta á-
byrgðina. ,
Sennilega hafa þessar greinar
farið í skapið á mér, þar sem ég
finn að þessi mál eru ekki í lagi
og lögreglan á þar hlut að máli og
jafnframt af því, að deilt var á
hana af þeim aðila, sem ég tel að
geti breytt hér mestu um, en það
eru foreldrarnir og þá einkum
heimilisfeðurnir, en það var einn
slíkur, sem skrifaði undir aðra
greinina.
Guðmundur Guðmundsson,
yfirlögregluþj.
TVÆR LISTSÝNINGAR
Framhald af 2. síðu.
og „Landslag”. Þessar tvær mynd-
ir eru gjörólíkar, og eiga tæplega
r.okkuð sameiginlegt.
Gaman verður að fylgjast með
ferli þessarar ungu listakonu. Von
andi hverfur hún ekki alveg til álf
heima, því þá væri hún okkur
ekki lengur sýnileg ,eða verk
hennar.
býning
Páis Steingrímssonar.
Páll Steingrímsson opnaði einn-
ig sýningu um s.l. helgi og var
hún í Félagsheimilinu við Heiðar-
veg.
Á sýningu Páls, eru 20 myndir,
allar úr grjóti.
Páll er áður kunnur fyrir grjót-
myndir sínar, og mun reyndar
vera brautryðjandi á þessu sviði.
Þessi sýning sýnir miklar fram-
farir frá fyrri sýningum. Páll hef-
ur nú náð meira valdi á efniviðn-
um. Hann hefur einnig breytt um
form, og nú bregður fyrir lands-
lagi í myndum hans, að vísu hálf-
abstrakt, en landslagi engu að
síður .
Af þeim myndum, sem ég kalla
landslagsmyndir, má nefna mynd
nr. 1 „Berg” mynd nr. 7 „Öræfi”,
og mynd nr. 14 „Jökulruðningur”,
og er sú síðasttalda sennilega
bezta myndin á sýningunni.
Mynd nr .12 „Þjóðhátíð” er
skemmtilega upbyggð, en litagleð-
in er mest í mynd nr. 5 „Glaum-
bær”.
Páll notar nú stærri steina, til
að byggja upp myndirnar, en
myndflöturinn, eða grunnurinn, er
úr smámuldu grjóti ,eins og áður.
Sú var tíðin að fólk sá litla feg-
urð í grjótinu, en ef einhverjir
eru en í vafa, þá væri hollt fyrir
þá að sjá myndir Páls. Heyrt hef
ég, að Páll ætli að senda þessar
myndir til útlanda, til sýningar
þar. Ef svo er, þá óska ég þeim
góðs gengis, þær flytja með sér
ósvikinn hluta íslands.
' J. B.
Tvítliv :
Landakirkja.
Messa n.k. sunnudag kl. 2 e.h.
Séra Jóhann Hlíðar messar
Andlát og jarðarfarir.
Auðbjörg Jónsdóttir frá Ból-
stað andaðist á Sjúkrahúsinu hinn
9. þ.m. Jarðarför hennar fer fram
frá Landakirkju á morgun kl.
2. eh.
Guðjón Péturssoon, pipulagn-
ingamaður, Heiðarvegi 45, andað-
ist hér á Sjúkrahúsinu sl mánudag
14. þ.m.
Skattrannsókn.
Dagblaðið Vísir birti í gær, for-
síðufrétt með sínu stærsta letri,
um „25 millj. kr. skattsvikamál”
hér í Vestmannaeyjum.
Þá sagði útvarpið einnig frá
þessu í fréttum. Mun rannsókn
lokið, og málið vera komið til
framtalsnefndar og liggur fyrir að
leiðrétta útsvör fyrri ára til sam-
ræmis við niðurstöður rannsóknar
innar. Mun þar vera um verulegar
hækaknir að ræða, eða eftir því,
sem útvarpið skýrði frá, allt að
9 millj. kr.
Síldin.
Dauft hefur verið yfir síldveið-
unum undanfarnar vikur. Þó brá
til hins betra um síðustu helgi, er
síldveiði var við Eldey.
Hingað komu bátarnir Gjafar og
Gídeon í fyrradag með síld af
þeim slóðum og í gær kom svo
Halkion með 800 tunnur.
Síldin er fryst.
Þá var í gær síldar vart fyrir
austan land.
LAUNAUMSLAG
tapaðist s.l. föstudag með um 1800
krónum í. — Finnandi vinsamlega
tilkynni fundinn í prentsmiðjuna.
Framsóknar-
blaðið
Ritnefnd:
Sigurgeir Kristjánsson,
Jóhann Björnsson, áb
!
Afgreiðslu annast:
Sveinn Guðmundsson.
Gjaldkeri:
Hermann Einarsson.
.
---------