Framsóknarblaðið - 20.01.1983, Blaðsíða 2
2
FRAMSÓKNARBLAÐIÐ
Ábm.: Einar Steingrímsson
Filmuvinna, umbrot og offsetprentun:
Prentsmidjan Jíyrún h.f.
ÁRAMÓTA
ÞANKAR
Árið 1982 er liði og heyrir sögunni til. Það á við um
sögu heimsbyggðarinnar, sögu íslensku þjóðarinnar og
veraldarsögu einstaklingsins hvar sem hann er staddur
á byggðu bóli. Svo fer nú að halla á tuttugustu öldina,
öld tækninnar, öld tveggja heimsstyrjalda, atómöldina.
Einmitt um áramót, erum við minnt á, og komumst
ekki hjá að hugleiða, hversu við erum á margan hátt
orðin tengd þróun alþjóðamála, enda þótt við búum á
hjara veraldar. Óvissa á mörgum sviðum blasir við, og
ótti gagnvart allsherjar tortímingu lífsins á jörðinni
grúfir eins og skuggi yfir öllu mannkyni. Gagnvart þeim
ósköpum er hver einstaklingur smælingi, sem fyrst og
fremst aðeins getur beðið og vonað, að slíkur heims-
glæpur verði aldrei framinn.
RÖDD ÍSLANDS
í þrátefli heimsveldanna fáum við litlu um þokað. Pó
er rödd íslensku þjóðarinnar farin að heyrast á al-
þjóðavettvangi. Rödd, sem ætíð mun leggja sitt lóð á
vogarskál lífstefnunnar, og betur er ekki hægt að gera.
I áramótahugleiðingum er ekki fjarri, að minnast
þess, að þeir rúmlega átta áratugir, sem liðnir eru af
öldinni hafa skilað okkur íslendingum nokkuð vel fram
á veginn. Það mun láta nærri, þjóðin hafi þrefaldast að
mannfjölda, og hagsæld einstaklinga og þjóðarauður
margfaldast á sama tíma. Þjóðin hefur á tiltölulega
skömmum tíma rifið sig upp úr örbirgð til hagsældar,
sem er með því besta sem þekkist um víða veröld. Peir
sem nú eru komnir á efri ár þekkja þessa þróun af eigin
raun. Peir lögðu hönd á plóginn bæði að vilja og verki,
og sáu draumana rætast. Margir eru að sjálfsögðu
horfnir af sjónarsviðinu, og sannast þar eins og oftar, að
,,fáir njóta eldanna, sem fyrstir kveikja þá”.
VIÐ ÆGISDYR
Hin ágæta bók Haraldar Guðnasonar, Við Ægisdyr,
sem áreiðanlega hefur verið mikið lesin nú um jól og
áramót, bregður upp glöggum myndum, af þjóðfélags-
byltingu lífsgæðanna síðustu áratugina. Saga heil-
brigðismálanna og skortur á hreinlætisaðstöðu er
næstum hrollvekja miðað við það sem er í dag. Baráttan
við vatnsskort og eldiviðarleysið var langvinn og þrot-
Iaus, og hvíldi eins og mara á flestum heimilum. Árs-
tíðabundið atvinnuleysi, sem leiddi fátækt og skulda-
söfnun á fjölda heimila, var þó sennilega versta bölið.
Mér finnst ekki fjarri að rifja þetta upp fyrir sér, enda
minnir bókin hans Haraldar okkur á mikla framþróun
til betri tíma, sem við njótum í dag. Það er einfalt mál,
að meta velferðarþjóðfélagið eins og sjálfsagðan hlut.
En við skulum ekki gleyma því, að lífskjarabyltingin
kostaði harða baráttu, og framfaramálin komust heldur
ekki í höfn af sjálfu sér. Vitur maður hefur sagt, að hér á
Vesturlöndum, sé tíminn líkur streng í vatnsfalli, sem
sópar á braut mörgu því er var í kyrrstöðu og staðnað.
Því er kyrrstaða í framfaramálum afturför. Það verður
ekki beðið eftir okkur.
Því verður framþróun mála að halda áfram, og að
mörgu leyti er staðan góð, þar sem stórum málum hefur
verið lokið. Forysta í bæjarmálum hefur þar mikið að
segja, eins og lesa má milli línanna í bókinni hans
Haraldar, Við Ægisdyr.
Sigurgeir Kristjánsson.
Frá landnytjanefnd
Þeir eigendur hesta og kinda í Eyjum, sem ekki
hafa fengið leyfi frá landnytjanefnd til búfjár-
halds, skal bent á að allt búfjárhald í Vm. er
óheimilt nema með leyfi landnytjanefndar.
Þeir aðilar sem ekki sóttu um leyfi til nefnd-
arinnar fyrir 1. des. s.l., eru eindregið hvattir til að
sækja um leyfi nú þegar og í síðasta lagi fyrir 1.
febrúar n.k. Af gefnu tilefni vill nefndin taka
fram, að ekki verða veitt leyfi nema að við-
komandi geti sýnt fram á að hann hafi aðstöðu til
heyöflunar og afnot af beitarlandi.
Þeir sem halda búfé án leyfis eftir 1. febrúar
1983, skal bent á 37. gr. lögreglusamþykktar Vm.
Haldi maður án heimildar búfé, sem samþykkt
þessi tekur til, eða brjóti gegn skilyrðum leyfis-
veitingar, skal lögreglustjóri hlutast til um að það
sé tekið úr vörslu hans og er heimilt að selja það á
uppboði, eða slátra því. Allan kostnað þessu
samfara skal hinn brotlegi greiða.
Landnytjanefnd.
Þjóðin hefur á tiltölulega
skömmum tíma rifið sig upp úr
örbirgð til hagsælda sem er með
því besta sem þekkist um víða
veröld.
STJÓRNMÁLA-
FUNDUR
verður haldinn laugardaginn 22. jan.
kl. 17 (fimm) á Gestgjafanum (uppi)
Gestir fundarins:
Þórarinn Sigurjónsson
alþingismaður
Jón Helgason
forseti Sameinaðs alþingis
og Böðvar Bragason sýslumaður
Framsóknarfélag Vestmannaeyja
AÐALFUNDUR
Aðalfundur Framsóknarfélags Vm. verður
haldinn laugardaginn 29. janúar í Gestgjafanum
(uppi) kl. 17.00."
Dagskrá:
Venjuleg aðalfundarstörf o.fl.
Stjórnin
Frá
V estmannaeyjabæ
Hér með tilkynnist það að dagvistunargjöld við
dagvistunarstofnanir Vestmannaeyjabæjar
hækka frá 1. febrúar 1983 og verða eftirfarandi:
Dagheimili ...........kr. 2120 á mán.
Dagheimili f/einst. foreldra . kr. 1440 á mán.
Leikskóli .............kr. 925 á mán.
Leikskóli f/einst. foreldra .kr 720 á mán.
Félagsmálaráð.