Framsóknarblaðið - 20.01.1983, Blaðsíða 4

4
FRAMSÓKNARBLAÐIÐ
TEKST SJÁLFSTÆÐISFLOKKNUM
AÐ BJÓÐA FRAM FYRIR KOSNINGAR?
I Suðurlandskjördæmi sé ég I
miklar væringar vegna framboðs |
I sjálfstæðismanna og veröur ekki
útséð hvernig því lyktar fyrr en
undir vorið.
„Það er spurning um það
hvort flokkurinn verður áfram
flokkur eða leysist upp í frum-
eindir sínar”, sagði eldri maður
er rætt var um væntanlegt próf-
kjör sjálfstæðismanna er fer
fram um næstu helgi.
Mikil spenna hefur verið í
herbúðum Sjálfstæðisflokksins
vegna prófkjörsins, við skulum
Iíta aðeins nánar á hvemig að-
stæður eru á kærleiksheimili
Sjálfstæðisflokksins.
Tekst Árna að
sigra flokks-
eigendafélagið?
V estmannaeyjar
Óhætt er að fullyrða að
mesta spennan er einmitt hér
þar sem þeir takast á Guð-
mundur Karlsson, Kristján
Torfason og Árni Johnsen.
Lítið hefur farið fyrir Guð-
mundi Karlssyni þann tíma sem
hann hefur setið á Alþingi og
það svo að einn samflokks-
maður hans, bæjarfulltrúinn
Georg Þór Kristjánsson, sá
ástæðu til að rita grein í Fylki og
minna Eyjabúa á að Guð-
mundur hafi nú setið á þingi
þrátt fyrir allt.
Viðtekin venja er þegar
menn eru í slíkum vandræðum
að þá er látið í það skína að þeir
starfi vel í nefndum, minna gat
það nú varla verið sem bæjar-
fulltrúinn gefur þingmanninum
sínum.
Kristján Torfason bæjar-
fógeti hefur lítið verið viðriðinn
pólitík, en maðurinn lipur og
vinsælt yfirvald. Ómögulegt er
að segja til um hve mikið fylgi
Kristján hefur, en þegar að mál
eru skoðuð þá er margt sem
gæti bent til þess að hann gæti
orðið keppinautum sínum
skeinuhættur. Sá mikli bardagi
sem mun víst verða á milli
stuðningsmanna Guðmundar
og Árna gæti hæglega sópað
hinum þögla meirihluta yfir á
miðjuna þar sem Kristján er
staddur.
Árni Johnsen er stóra
spurningamerkið. Tekst Áma
með harðfylgi og dugnaði að
sigrast á flokkseigendafélaginu
sem styður Guðmund. Flokks-
eigendafélagið er harðsnúið lið
sem gerir allt til að fá sinn mann
kjörinn. Eyjamenn hafa vafa-
laust tekið eftir því er þeir lásu
Fylki í síðustu viku. Þar voru
greinar frá kandídötunum
þrem plús ein aukagrein til
stuðnings Guðmundi skrifuð af
Guðlaugi Gíslasyni fyrrverandi
þingmanni. Það má telja víst að
slíkt er vart að skapi Eyja-
manna. Eyjamönnum líkar vel
heiðarleg keppni eins og t.d.
fótbolti, en þegar að línu-
vörðurinn er farinn að hlaupa
inn á, þá púa áhorfendur.
Verdur
úllen-dúllen-doff
útkoma í
V-Skaftafellssýslu?
„Árni er heiðarlegur og góður
drengur”, sagði gömul kona,
„og mér mislíkar hvernig er
farið að honum, t.d. þegar að
þeir ætluðu að útiloka hann frá
því að geta tekið þátt í próf-
kjörinu”.
Rangárvallasýsla
Þar er nú ekki friðvænlegt
frekar en fyrri daginn. Það er
enn í fersku minni, er Eggert
Haukdal bauð fram sérlista við
síðustu kosningar. Þá var sagt
að Sjálfstæðisflokkurinn hefði
boðið fram „klofið” í Suður-
landskjördæmi. Eggert studdi
ríkisstjórnina framan af, en
hætti stuðningi við hana á
síðasta ári (og fór í fýlu eins og
sagt er) og gekk í bandalag við
Geir (sjöunda). Talið er
nokkuð öruggt að þrátt fyrir öll
axarsköftin þá muni Eggert
sigra í Rangárþingi, en víst má
telja að ekki verður á vísan að
róa eftir prófkjör á Bergþórs-
hvoli frekar en endranær. Áðrir
sem þátt taka í prófkjörinu þar
eru þeir Jón Þorgilsson og Óli
Már Aronsson.
Y-Skaftafellssýsla
Þar bjóða fram þeir Siggeir
Björnsson, Einar Kjartansson
og Björn Þorláksson. Skaft-
fellingar studdu Eggert Hauk-
dal í síðustu kosningum, en
óvíst er hvað þeir gera nú.
Mikið plott mun vera á milli
svæða og er ógerningur að spá
nokkru. Einhver úllen-dúllen-
doff mun ráða röðinni þar.
Árnessýsla
Svipuð saga er þar og hér þar
sem flokkseigendaklíkan í
Reykjavík býður Þorstein Páls-
son fram á móti heima-
mönnum. Maður á skrifstofu
sagði „að nóg væri ef amma
hans væri ættuð úr Árnessýslu
og hann hefði keyrt Þingvalla-
hringinn einu sinni, þá væri
hann heimamaður”.
í blaði Þorsteins sagði maður
úr Vík í Mýrdal „að það væri
betra að Þorsteinn væri að-
komumaður, því þá hefði hann
betri yfirsýn yfir kjördæmið”.
Já, það er margt skrýtið í próf-
kjöri.
Staða Þorsteins er ótrygg þar
sem hann mun fylgja Geirs-
arminum í Sjálfstæðis-
flokknum, en talið er að
Gunnar Thoroddsen eigi
hvergi fleiri stuðningsmenn en
einmitt í Suðurlandskjördæmi.
Óli Þ. Guðbjartsson hefur lengi
verið í forustusveit Sjálfstæðis-
manna á Selfossi og í Árnes-
sýslu. Maðurinn duglegur og
fylginn sér og mun ábyggilega
hvergi láta sinn hlut. Oli mun
hafa harðsnúið lið sér við hlið
sem ekki vill taka öllu sem
flokkseigendaklíkan í Rvík
sendir þeim og mun verða hart
barist í Árnessýslu milli þeirra.
Brynleifur H. Steingrímsson
er óþekkt stærð í Sjálfstæðis-
flokknum. Það gæti hugsast að
eins færi í Árnessýslu og hér að
þriðja aflið færi með sigur af
hólmi og þá Kristján hér.
Eins og er þá mun vera ill-
mögulegt að spá nokkru svo
víst sé.
Úrslitin
Erfitt er að spá, en Völvan í
Vikunni spáði: „í Suðurlandi
sé ég miklar væringar vegna
framboðs sjálfstæðismanna og
verður ekki útséð hvernig því
lyktar fyrr en undir vorið”. Það
skyldi þó aldrei fara svo að
sjálfstæðismenn bjóði fram sinn
lista eftir kosningar. Það er
aldrei að vita. Ef þeim aftur á
móti tekst að bjóða fram fyrir
kosningar þá verða það spurn-
ingar sem allir hljóta að spurja:
Velja Ámesingar heima-
mann og hafna Þorsteini sem
flokkseigendaklíkan í Reykja-
vík sendi þeim?
Verður úllen-dúllen-doff út-
koma í V-Skaftafellssýslu?
Verður Eggert Haukdal
áfram þingmaður?
Verður Eggert þingmaður
Sjálfstæðisflokksins eða býður
hann fram sér eins og síðast?
Tekst flokkseigendafélaginu
að koma sínum manni að í
Eyjum (Guðmundi)?
Tekst Árna með harðfylgi að
sigra flokkseigendafélagið?
Líklegasta útkoman
Allt í steik hjá Sjálfstæðis-
flokknum og honum tekst
sennilega ekki að koma saman
lista fyrr en eftir væntanlegar
Alþingiskosningar.
AUGLYSING
Þeir gjaldendur Vestmannaeyjabæjar, sem um
þessar mundir eru að fá send til sín útsvarsyfirlit
fyrir árið 1982 ásamt fyrirframgreiðslu 1983 og
telja fyrirframgreiðslu óraunhæfa vegna tekju-
rýrnunar milli áranna 1981 og 1982, er bent á að
hafa samband við Skattstofuna í Vestmanna-
eyjum við skil á framtali sínu vegna tekjuársins
1982. Skattstofan gerir þá viðeigandi breytingar
á álagðri fyrirframgreiðslu.
Gjaldendur eru minntir á að gera skil fyrir gjald-
daga, en þeir eru 1. febrúar, 1. mars, 1. maí og 1.
júní.
Dráttarvextir eru reiknaðir og lagðir á 15.
hvers mánaðar. Á vanskil bæjargjalda eru reikn-
aðir 5% dráttarvextir.
Gerið skil og forðist kostnaðarsamar inn-
heimtuaðgerðir.
Innheimta Vestmannaevjabæjar.
—Landkrabbi.
^aUharðuf
skeltinus
Skallharður Skelfínus óskar öllum lesendum
Framsóknarblaðsins árs og friðar um leið og hann
lofar að hressa aðeins upp á tilveruna. Af nógu er
að taka, prófkjörsraunir sjálfstæðismanna í
Suðurlandi og ekki spáir völvan þeim nú vel. Fleiri
fleiri sérframboð verða sjálfsagt hjá þeim vítt og
breitt um landið. Allaballar eru ef til vill að losa sig
við Garðar. Hjölli orðinn rafmagnslaus og Ólafur
Ragnar flúinn norður í land og mun víst ekki hafa
fengið blíðar móttökur. Vimmi búinn að stofna
nýjan flokk til höfuðs þeim gömlu af því að þeir
vildu ekki gera hann að varaformanni Alþýðu-
flokksins. Ágúst Einarsson sem verið hefur
sterkasta stoð Magnúsar H. Magnússonar er nú
stokkinn af skipi krata. Svo þið sjáið að af nógu er
að taka.
Skallharður sér að frambjóðendurnir í próf-
kjöri Sjálfstæðisflokksins segjast ekki stunda aug-
lýsingamennsku. Hver skyldi þá eiga alla þessa
bæklinga og blöð sem liggja eins og hráviður um
allt. Varla eru þeir frá Sauðfjárvarnarnefnd.
Siggeir Björnsson í Holti V.-Skaftafellssýslu
situr nú á þingi sem varamaður Eggerts Haukdal.
Hefur það komið mjög á óvart að Siggeir segist
ekkert varða um yfírlýsingar Eggerts Haukdal
varðandi stuðning við ríkisstjórnina. Er það
aldeilis makalaust að stuðningsmönnum stjómar-
innar fjölgar nú dag frá degi því Vimmi hefur tekið
upp á því að stiðja stjómina einnig. Eggert
Haukdal má nú fara að vara sig í prófkjörinu
þegar hans fyrri og bestu stuðningsmenn úr
Skaftafellssýslu hafa snúið við honum baki.
GULLKORNIÐ
Skyldu Sjálfstæðismenn ekki sakna þess nú á
þessum síðustu og verstu tímum fyrir þá, er þeir
voru skiptir í tvo flokka Frjálslynda og svo íhalds-
flokkinn.