Framsóknarblaðið - 19.04.1983, Blaðsíða 2

FRAMSÓKNARBLAÐIÐ
SAMVINNA EN EKKI UPPLAUSN
Framhald af 1. síðu
sunnlenskir kjósendur eru.
Ætla þeir að hlýða Eggert
Haukdal, sem nú skipar bar-
áttusæti D-listans, hvort sem
hann biður þá að kjósa með eða
á móti lista Sjálfstæðisflokksins
— hvort sem hann fylgir
Gunnari Thoroddsen í dag eða
styður Geir Hallgrímsson á
morgun — þó að hann sé á móti
ríkisstjórninni í dag, sem hann
áður átti stóran þátt í að
mynda. Það draga margir í efa
að það eitt nægi til lengdar að
hann hói í kjósendur af bæjar-
hólnum og þá geti hann sent þá
út og suður eftir sínu höfði.
ÚR ÖSKUNNI f ELDINN
Hver sem úrslit kosninganna
verða, þá er það augljóst að
upplausnin í liði sjálfstæðis-
manna á Suðurlandi er ekki á
enda. Ennþá síður á það þá við
hjá forystuliði flokksins, þar
sem átökin munu halda áfram
að magnast, enda þótt Gunnar
Thoroddsen sé ekki lengur í
framboði til Alþingis. Það kom
skýrt fram í sjónvarpsviðtalinu,
þar sem hann sagði frá þeirri
ákvörðun sinni, en neitaði jafn-
framt að svara spurningunni
um það, hvort hann mundi
hvetja stuðningsmenn sína til
að kjósa lista Sjálfstæðis-
flokksins. Kjörorð sjálfstæðis-
manna um að hverfa frá upp-
lausn í eigin liði er því ennþá
aðeins fróm ósk, sem augljós-
lega á langt í land með að
rætast. Hljóta menn ekki að
íhuga það hvaða afleiðingar
það hefði fyrir þjóðfélagið að
fela slíku upplausnarliði for-
ystu um málefni þess.
En upplausn ríkir því miður
víðar en í Sjálfstæðisflokknum.
Sundrungin í Alþýðuflokknum
er orðin slík, að menn velta því
fyrir sér, hvaða frambjóðandi
hans muni tryggja flokknum
þingsæti í komandi kosningum.
Og þeir, sem fylgdust með
þeirri spennu, sem ríkti milli
formanns þingflokks Alþýðu-
bandalagsins og ráðherra þess
að síðustu starfsdögum Al-
þingis, þeim er ljóst að þar er
ekki um neitt kærleiksheimili
að ræða.
Það er því að sumu leyti
skiljanleg spurning fjölmargra
fyrrverandi kjósenda þessara
flokka, hvað þeir eigi nú að
kjósa. Því miður virðist það
hvarfla að sumum þeirra að
fara úr öskunni í eldinn með þvi
að láta sér detta í hug að kjósa
Iista Bandalags jafnaðarmann.
En fæstir munu í alvöru vilja
trúa því sundurleita liði fyrir
forsjá þjóðfélagsins eða að það
ráði við þau verkefni, sem
flestir eru sammála um að bíða
á vettvangi þjóðmálanna.
EFLUM ÁBYRGA FORYSTU
Það er stefna Framsóknar-
flokksins, að með samstarfi og
samvinnu sem flestra þurfum
við að leysa okkar vandamál en
ekki með upphrópunum og
öfgafullum kennisetningum.
Framsóknarflokkurinn legg-
ur áherslu á, að þegar að lokn-
um kosningum 23. apríl verði
mynduð meirihlutastjórn, sem
geti haft íörystu á nýkjörnu Al-
þingi, þegar það kemur saman.
Framsóknarflokkurinn er
því andvígur bandalagi hinna
flokkanna þriggja um stutt
MIÐIER
MÖGULEIKl
Fjöldi stórvinninga á nýju happdrættisári
Mánaðarlega verður dregið um íbúðarvinning; 8-10
bílavinninga; 25 ferðavinninga og hundruð húsbúnaðar-
vinninga.
Aðalvinningurinn sem jafnframt er stærsti vinningur á einn
miða hérlendis er húseign að eigin vali fyrir 1.5 millj. króna
(dregið út í apríl '84).
600 húsbúnaðarvinningar
á 7.500 kr. hver
og 6188 húsbúnaðarvinningar
á 1.500 kr. hver.
HAPPDRÆTTI '83-84
HAFIN ER SALA Á NÝJUM MIÐUM
Endurnýjun ársmiða og flokksmiða stendur yfir
Umboðið Skólavegi 6 er opið daglega kl. 14-17
þinghald þegar að loknum
kosningum til þess eins að stað-
festa breytingar á stjórnar-
skránni og afgreiða kosninga-
lög en sinna ekki aðkallandi
málefnum atvinnulífsins.
Framsóknarflokkurinn er
þannig eina aflið, sem hefur
vilja og getu til að hafa forystu
um að sameina þjóðina til
nauðsynlegra átaka. Til þess
þarf hann öflugan stuðning
kjósenda, sem hafa valdið í sín-
um höndum þann 23. apríl n.k.
—Jón Helgason.
X
Kjósum
ábyrga
menn
á þing
Það
geri
ég
Uppbygging
fiskiskipaflotans
Framhald af 1. síðu
vinnslu í gegnum árin og hafa
fært verulegar tekjur í þjóðar-
búið, með dugnaði sínum. Því
ber okkur að leggja höfuð-
áherslu á enn frekari uppbygg-
ingu og þróun þessara greina.
Bið þurfum að leggja enn frek-
ari áherslu á aukna nýtingu og
vinnslu úrgangsefna í fisk-
vinnslu og styðja þannig og efla
það athyglisverða starf sem hér
hefur verið unnið á þessu sviði
og auka þannig fjölbreytni at-
vinnulífsins. Við þurfum að
huga að því hvort viss friðun
heimamiðanna, fyrir aðkomu-
bátum, komi ekki til greina.
Sem ferðamannastaður hafa
Vestmannaeyjar upp á mikið
að bjóða og við þurfum að
styðja við bakið á þeim sem
vilja auka ferðamannastraum-
inn hingað og bæta aðstöðuna
til að taka á móti ferðamönrt-
um.
Verkefnin blasa því allstaðar
við og við Vestmannaeyingar
getum þess vegna horft björt-
um augum til framtíðarinnar.
En að lokum vil ég segja þetta:
Framsóknarflokkurinn er eini
flokkurinn sem hefur heill og
óskiptur stutt öfluga atvinnu-
uppbyggingu út um hinar
dreifðu byggðir og þess bið ég
ykkur að minnast n.k. laugar-
dag. —Guðmundur Búason.
Blaðstjóm:
Andrés Sigmundsson (ábm.) - Sigurgeir Kristjánsson
Jón Eyjólfsson - Georg Stanley Aðalsteinsson
Sigurður Gunnarsson - Jóhann Bjömsson
Oddný Garðarsdóttir - Bima Þórhallsdóttir
Guðmundur Búason
Mikilvægi réttrar
efnahagsstefnu
Framhald af 1. síðu
stjómina í Bretlandi. Þá þykist
flokkurinn varpa þessari stefnu
sinni fyrir borð og birtir nú í 50
liðum efnahagsstefnu sem
hvorki hefur haus né hala og er
svo aum að meira að segja
Garðar Sigurðsson lýsti því yfir
á framboðsfundi í Vík að hann
gæti persónulega skrifað undir
43 af 50 atriðum stefnuskrár-
innar. En því miður er málið
ekki svo einfalt að Sjálfstæðis-
flokkurinn hafi horfið frá
leiftursókninni. Svo óheppilega
vildi til seinni hluta mars-
mánaðar að hugmyndabanki
Sjálfstæðisflokksins, sem
gengur undir nafninu Versl-
unarráð íslands, hélt ráðstefnu
þar sem saman voru komnir
flestir máttarstólpar Sjálf-
stæðisflokksins utan þings. Þar
voru reifaðar þær aðgerðir er
æskilegar voru taldar að kosn-
ingum loknum og var þá að
sjálfsögðu gert ráð fyrir því að
Sjálfstæðisflokkurinn hefði tögl
og hagldir í landsstjórninni.
Kjósendum er hollt að íhuga
nokkur eftirtaldra atriða sem
fram komu í hinni leynilegu
leiftursókn og ígrunda hvaða
áhrif framkvæmd þessara atr-
iða kunni að hafa á lífsafkomu
sína.
Tillögurnar samkvæmt
leyniskýrslunni
Lækkun á framlögum til
sjóða á fjárlögum 1983 (í þús.
króna).
Byggðasjóður 69.825
Lánasj. ísl. námsm. 226.943
Aflatryggingasjóður 15.515
Fiskveiðasjóður 26.600
Byggingasj. ríkisins 141.514
Byggingasj. verkam. 158.050
Lánasj. sveitarfél. 5.510
Iðnrekstrarsjóður 16.564
Sérstaklega er athygli vakin á
þeim niðurskurði sem áætlaður
er á lánsfé til íbúðabygginga en
það annast byggingasjóðirnir
en samkvæmt leyniskýrsluni þá
á að tæma þá. Hin opinbera
efnahagsstefna Sjálfstæðis-
flokksina í 50 liðum gerir hins-
vegar ráð fyrir því að allir sem á
þurfi að halda fái 80% bygg-
ingakostnað lánað til nokkurra
áratuga.
Höfnum leiftursóknarliðinu
og atvinnuleysinu og kjósum
Framsóknarflokkinn sem þorir
að standa við stefnu sína. X-B.
—Böðvar Bragason.
AÐALSKOÐUN
bifreiða 1983, í lögsagnarumdæmi Vestmanna-
eyja, höfst þriðjudaginn 1. mars og fer fram
við lögreglustöðina, Hilmisgötu, alla virka daga
nema laugardaga frá kl. 09:00-12:00 og frá kl.
13:00-17:00.
Dagana 11. apríl - 15. aprílverða skoðaðar bifr.:
V-1301 - V-1600
Dagana 18. apríl - 22. apríl verða skoðaðar bifr.:
V-1601 -V-1800
Dagana 25. apríl - 29. apríl verða skoðaðar bifr.:
V-1801 - V-2000
Dagana 2. til 6. maí skal koma með til skoð-
unar bifhjól, létt bifhjól og tengivagna.
Við skoðun skulu ökumenn bifreiðanna leggja
fram fullgild ökuskírteini. Sýna ber skilríki fyrir
því að bifreiðaskattur sé greiddur og vátrygging
bifreiðanna sé í gildi.
I skráningarskírteini skal vera áritun um það að
ljós hafi verið stillt eftir 31. júlí 1982.
Athygli skal vakin á því, að vanræki einhver að
koma bifreið sinni til skoðunar á auglýstum tíma,
verður hann látinn sæta sektum samkvæmt um-
ferðarlögum og bifreiðin tekin úr umferð, hvar
sem til hennar næst.
Þetta tilkynnist hér með ölium, er hlut eiga að
máli.
Lögreglustjórinn í Vestmannaeyjum
Kristján Torfason.