Morgunblaðið - 02.11.2010, Blaðsíða 1

SUND
Ívar Benediktsson
iben@mbl.is
Sundsamband Evrópu, LEN, hefur
óskað eftir því við sundsambönd að-
ildarríkja sinna að þau ýti undir
áhuga sundmanna á að taka þátt í
Evrópumeistaramótinu í 25 m laug
sem fram fer í Eindhoven í Hollandi
25. – 28. nóvember. Ástæða óskar
LEN er almennt áhugaleysi evr-
ópskra sundmanna fyrir mótinu.
Helgast það fyrst og fremst af því að
heimsmeistaramótið í 25 m laug fer
fram í Dubai 15. – 19. desember.
Þátttaka á heimsmeistaramótinu
virðist frekar freista sundmanna en
keppni á Evrópumeistaramóti. Að
minnsta kosti er ljóst að fáir sund-
menn, alltént úr hópi þeirra bestu,
ætla að taka þátt í báðum mótunum
þar sem svo stutt er á milli þeirra.
Vegna óskar LEN ákvað stjórn
Sundsambands Íslands að gera sitt
til þess að fleiri íslenski sundmenn
sæju sér fært að taka þátt í EM.
Þjálfarar og fararstjórar
fjármagnaðir af SSÍ
„Þeir sundmenn sem ná meðfylgj-
andi lágmörkum á Íslandsmeist-
aramótinu í 25 metra laug, ÍM25
2010, hafa unnið sér inn keppnisrétt
á EM25 2010. Sundsamband Íslands
fjármagnar ferðir og uppihald þjálf-
ara og fararstjóra að fullu. SSÍ fjár-
magnar 40 – 60% af ferða- og dval-
arkostnaði hvers sundmanns sem
öðlast keppnisrétt á þennan hátt, en
það þýðir að keppendur og félög
þeirra þurfa að fjármagna verkefnið
um 40 – 60% á móti,“ segir m.a. í
samþykkt stjórnar Sundsambands
Íslands frá því í síðustu viku.
Ennfremur segir þar um skilyrði
þau sem sett eru fyrir keppnisrétti:
„Sundfólk þarf að ná að minnsta
kosti einu A lágmarki til að öðlast
keppnisrétt og mega þá einnig
keppa í þeim greinum sem þeir ná B
lágmörkum í. Sundfólk sem nær A
lágmörkum í bak-, bringu- og/eða
flugsundi öðlast keppnisrétt í 50
metra greinum sömu aðferðar.“
Þrjú höfðu náð lágmarkinu
Áður en ósk barst frá LEN barst
höfðu þrír íslenskir sundmenn náð
tilskildum árangri til þátttöku, bæði
á EM og HM. Það eru Hrafnhildur
Lúthersdóttir, Jakob Jóhann
Sveinsson og Ragnheiður Ragn-
arsdóttir. Ragnheiður hyggst taka
þátt í báðum mótum en Hrafnhildur
og Jakob Jóhann stefna eingöngu á
HM.
Ekki náðist í formann Sund-
sambands Íslands í gær. Ingigerður
Einarsdóttir, framkvæmdastjóri
SSÍ, segir það vera von stjórnar SSÍ
að með samþykktinni fjölgi íslensku
þátttakendunum á EM. Það skýrist
þó ekki fyrr en að loknu Íslands-
meistaramótinu sem haldið verður í
Laugardalslaug 11. - 14. nóvember
Þar mun eflaust hópur sundmanna
freista þess að ná lágmarksárangri
til þátttöku í mótinu.
Morgunblaðið/hag
Ákveðin Ragnheiður Ragnarsdóttir ætlar að keppa á báðum mótum, EM í 25 metra laug og heimsmeistaramótinu.
Óskað eftir fleiri Íslend-
ingum á EM í sundi
 Sundsambandið ýtir undir að sem flestir nái að nýta sér það og keppi í Eindhoven
VIÐTAL
Víðir Sigurðsson
vs@mbl.is
„Það er ekkert sjálfgefið að ég spili gegn
Barcelona. Strákurinn sem kom í staðinn fyr-
ir mig þegar ég meiddist hefur staðið sig
mjög vel, en auðvitað vonast ég eftir því að
fá að spreyta mig á móti Messi og félögum,“
sagði Sölvi Geir Ottesen, landsliðsmaður í
knattspyrnu og leikmaður FC Köbenhavn í
Danmörku, við Morgunblaðið í gær.
FC Köbenhavn fær stórlið Barcelona í
heimsókn á Parken í kvöld en þetta er upp-
gjör tveggja efstu liðanna í D-riðli Meist-
aradeildar Evrópu. Danirnir hafa komið
skemmtilega á óvart í keppninni. Sölvi Geir
tryggði þeim sætið í riðlakeppninni með sig-
urmarki gegn Rosenborg í seinni leik um-
spilsins, og liðið vann síðan Rubin Kazan frá
Rússlandi á heimavelli og Panathinaikos í
Grikklandi. Loks vann Barcelona uppgjör lið-
anna á Camp Nou fyrir tveimur vikum, 2:0,
og er með 7 stig gegn 6 stigum Dananna.
Rubin er með 2 stig og Panathinaikos eitt
þegar riðlakeppnin er hálfnuð.
Sölvi missti af leikjunum á Camp Nou og í
Grikklandi, sem og þremur deildaleikjum og
landsleik Íslands gegn Portúgal, vegna hand-
arbrots. Hann er hinsvegar kominn af stað á
ný, hefur tekið þátt í þremur síðustu leikjum
FCK og skoraði sigurmarkið gegn Lyngby á
laugardaginn, 3:2, í úrvalsdeildinni, eftir að
hafa komið inná sem varamaður í framlínu
liðsins undir lok leiksins.
Gaman að fara í senterinn
„Já, það er alltaf gaman að fara í senter-
inn og ég hef svo sem gert það áður hjá mín-
um fyrri liðum. Það hefur stundum gengið
upp og mér tókst að skora í þetta skiptið,
sem var að sjálfsögðu fínt. En ég veit ekki
hvort það dugar mér til að fá tækifæri í byrj-
unarliðinu á ný á móti Barcelona. Það er fúlt
að hafa lent í þessum meiðslum, og þurfa að
byrja upp á nýtt að vinna sér sæti í liðinu.
En svona er fótboltinn, það er harður slagur
um stöðurnar og það þýðir ekkert að fara í
fýlu þó maður spili ekki,“ sagði Sölvi Geir
sem er ekki alveg búinn að jafna sig af hand-
arbrotinu.
„Ég er með þessa asnalegu spelku ennþá
og er aumur í hendinni. En það gleymist um
leið og í leik er komið,“ sagði Sölvi Geir
Ottesen.
„Það þýðir ekkert að fara í fýlu“
 Sölvi vonast til að spila gegn Barcelona í kvöld  Barátta um sæti í liðinu eftir meiðslin
ÞRIÐJUDAGUR 2. NÓVEMBER 2010
íþróttir
Efstur Lee Westwood hefur skákað Tiger Woods og trónir á toppi heimslistans í golfi.
Baráttan um efsta sætið er hörð og Þjóðverjinn Martin Kaymer er skammt undan 3
Íþróttir
mbl.is
Valsmenn halda
áfram að bæta
við sig ungum
leikmönnum fyr-
ir átökin í Pepsí-
deildinni í knatt-
spyrnu á næsta
ári. Pól Jóhannus
Justinussen hef-
ur samþykkt að
ganga til liðs við
félagið frá B-68 í
Færeyjum. Justinussen er vinstri
bakvörður og ansi sóknardjarfur
því hann skoraði 11 mörk í Fær-
eyjum í sumar í 29 leikjum.
Justinussen er 21 árs og leikur
með U-21 árs landsliði Færeyinga
sem náð hefur athyglisverðum úr-
slitum og sigraði til að mynda
Rússa fyrir um ári síðan. Just-
inussen mun samkvæmt heimildum
Morgunblaðsins gera tveggja ára
samning við Val.
Landsliðsmaður til skoðunar
Ekki er útilokað að annar Fær-
eyingur muni ganga í raðir Vals-
manna en Christian R. Mouritsen
verður til skoðunar á Hlíðarenda á
næstunni. Mouritsen lék með Just-
inussen í U-21 árs landsliðinu en er
nú orðinn A-landsliðsmaður. Mou-
ritsen er sókndjarfur miðjumaður
og skoraði sitt fyrsta landsliðsmark
gegn Slóvenum á dögunum. Hann
er 22 ára gamall og ef Valsmönnum
líst vel á kappann þá er gert ráð
fyrir að honum verði einnig boðinn
tveggja ára samningur.
Mouritsen lék með B-36 í Fær-
eyjum á síðustu leiktíð og skoraði 8
mörk í 30 leikjum. Kristján Guð-
mundsson, nýráðinn þjálfari Vals,
þjálfaði HB á síðustu leiktíð. Liðið
varð Færeyjarmeistari en Kristjáni
var sagt upp áður en mótinu lauk.
Kristján hefur greinilega haft aug-
un hjá sér í Færeyjum ef mið er tek-
ið af þessum fréttum. Kristján virð-
ist jafnframt ætla að byggja upp lið
til framtíðar hjá Val. kris@mbl.is
Tveir efnilegir
Færeyingar á
Hlíðarenda
Kristján
Guðmundsson