Morgunblaðið - 20.11.2010, Blaðsíða 4

4 ÍÞRÓTTIR
MORGUNBLAÐIÐ LAUGARDAGUR 20. NÓVEMBER 2010
Kristján Jónsson
kris@mbl.is
Eftir mikla velgengni á þessari öld eru Hauka-
konur orðnar vanar því að vera í toppbaráttu og
berjast um titla. Ekki verður breyting á því í ár
ef marka má spá forráðamanna liðanna í haust
en Haukum var spáð 3. sæti í deildinni. Liðið
byrjaði leiktíðina þó ekkert sérstaklega vel en
ein ástæða þess var sjálfsagt sú að liðið lék þá
án erlends leikmanns um tíma en Alysha Har-
vin var látin fara í byrjun október. Auk þess
missti fyrirliðinn Telma Björk Fjalarsdóttir úr
nokkra leiki. Þegar þetta er skrifað er staðan
viðunandi hjá Haukum, fjórir sigrar í húsi og
þrjú töp en liðið á væntanlega eftir að sækja í
sig veðrið. Á síðustu leiktíð lék liðið í B-deildinni
á síðari hluta tímabilsins og féll út á móti KR í
úrslitakeppninni sem síðar fór alla leið og vann
titilinn. Flest bendir til þess að Haukar verði
aftur í þeirri stöðu að berjast um eitt sætanna
fjögurra í A-deildinni. Hamar og Keflavík hafa
skorið sig nokkuð úr en Haukar eru með jafn
mörg stig og KR og spútniklið Njarðvíkur.
Í tapleikjunum þremur hjá Haukum töpuðu
Hafnfirðingar með miklum mun fyrir Keflavík
og Hamri og með fimmtán stiga mun gegn
Njarðvík. Þessi úrslit benda til þess að liðið eigi
nokkuð í land með að ná bestu liðunum að
styrkleika. Henning hefur hins vegar ágætan
tíma ennþá til þess að finna réttu formúluna en
körfuboltaspekingar eru á einu máli um að
Haukar séu með meiri breidd í leikmannahópn-
um en oft áður. Sérstaklega býr félagið vel þeg-
ar kemur að hávöxnum leikmönnum en í leik-
mannahópi Hauka eru sex leikmenn sem ná
1,80 m á hæð. Haukar verða því sterkir undir
körfunni þar sem Ragna Margrét Brynj-
arsdóttir hefur bætt sig með hverju árinu sem
líður og hefur Telmu, Maríu Lind og Helgu
Jónasdóttur með sér. Ef eitthvað vantar hjá
Haukum er það afgerandi sóknarmaður sem
tekur af skarið þegar á þarf að halda. Spurn-
ingin er því hvort Kathleen Snodgrass sé sá
leikmaður?
Morgunblaðið/hag
Þjálfarinn Henning Henningsson er þraut-
reyndur þjálfari.
Hauka vantar afgerandi sóknarmann
Bandarískileikmað-
urinn Heather
Ezell hefur lagt
körfuboltaskóna
á hilluna þrátt
fyrir ungan aldur
og mikla hæfi-
leika og ætlar að
hasla sér völl í
þjálfun í heimalandinu. Eins og fram
kemur í viðtalinu hér til hliðar sýndi
Ezell snilldartakta og verður skarð
hennar í Haukaliðinu vandfyllt. Kiki
Lund er einnig horfin á braut en hún
kom á miðju tímabili í fyrra. Þá er
Helena Hólm farin til Danmerkur en
faðir hennar, Hrannar Hólm, var
kjörinn þjálfari ársins í kvennabolt-
anum þar í landi á síðustu leiktíð.
Auk þeirra þriggja fór Rannveig
Ólafsdóttir til Bandaríkjanna og
Árnína Lena Rúnarsdóttir til
Njarðvíkur.
  
Haukar hafa fengið nokkra leik-menn til liðs við sig. Þar ber
helst að nefna Írisi Sverrisdóttur
sem kom frá Grindavík. Hún hefur
byrjað leiktíðina vel hjá Haukum og
er stigahæst með tæplega 15 stig að
meðaltali í deildinni. Fjórir leik-
menn til viðbótar gengu í raðir
Hauka í sumar. Helga Jónasdóttir
kom frá Njarðvík, Unnur Lára Ás-
geirsdóttir og Gunnhildur Gunn-
arsdóttir frá Snæfelli og Þórunn
Bjarnadóttir frá Val.
  
Eftir að leik-tíðin hófst
bættist hin
bandaríska Kat-
hleen Patricia
Snodgrass við
leikmannahópinn.
Snodgrass verður
í hlutverki leik-
stjórnanda hjá Haukum en hún hef-
ur leikið undanfarin ár í Þýskalandi.
Hún lék með Sothern Nazarena
University í Oklahoma í bandaríska
háskólakörfuboltanum á sínum tíma
og var þar með um 10 stig að með-
altali í leik. Til stóð að Snodgrass
léki með Oberhausen í Þýskalandi í
vetur en vegna sparnaðaraðgerða
hjá þýska félaginu var Snodgrass
skyndilega laus allra mála.
  
Henning Henningsson er á öðruári sem þjálfari meistaraflokks
kvenna hjá Haukum og stýrði liðinu
til sigurs í bikarkeppninni á síðasta
tímabili. Auk þess að hafa þjálfað
landsliðið hefur Henning þjálfað tvö
önnur lið í efstu deild kvenna. Henn-
ing gerði KR að tvöföldum meist-
urum árið 2001 og haustið 2004 tók
hann við liði Grindavíkur eftir aðeins
þrjár umferðir í deildinni. Henning
hefur einnig unnið fjölmarga titla
sem þjálfari yngri flokka hjá Hauk-
um.
KÖRFUBOLTINN
Kristján Jónsson
kris@mbl.is
„Mér finnst við vera með
sterkari hóp af íslenskum leik-
mönnum en við misstum hins
vegar besta Kana sem ég hef
séð spila hérlendis. Hún skilur
náttúrlega eftir sig risaskarð
og það er eðlilegt að það taki
tíma að finna aðra möguleika
varðandi hennar stöðu. Það
hefur gengið frekar erfiðlega
að þjappa okkur saman og ná
takti en ég hef fulla trú á því
að það eigi eftir að koma,“
sagði Telma Björk Fjalars-
dóttir, fyrirliði bikarmeistara
Hauka, þegar Morgunblaðið
ræddi við hana um veturinn í
körfuboltanum.
Ezell var fáránlega góð
Telma á þar að sjálfsögðu
við Heather Ezell sem stjórn-
aði leik Hauka í fyrra og var
langbesti leikmaður deild-
arinnar. Telma segir Hauka
hafa reynt að fá Ezell aftur til
liðsins í sumar. „Við von-
uðumst eftir því að fá hana til
að vera áfram, því undanfarin
ár höfum við oft þurft að skipta
um leikstjórnanda og sú staða
er afar mikilvæg. Hún stjórn-
aði eins og hershöfðingi í fyrra
og við erum hálfvængbrotnar
án hennar. Ezell var fáránlega
góð og mikill karakter. Við
reyndum eins og við gátum að
halda henni en hún er hætt að
spila og það er mesta syndin í
þessu. Hún er byrjuð að þjálfa
sem aðstoðarþjálfari í Banda-
ríkjunum og hana langar að
hasla sér völl á því sviði,“ út-
skýrði Telma en bætti við að
henni lítist ágætlega á Kat-
hleen Snodgrass sem nýlega
kom til liðsins frá Þýskalandi.
„Það er ekki komin mikil
reynsla á hana og mér finnst
ekki rétt að dæma hana strax.
Hún er fínn liðsfélagi og ætti
að geta komið sterk inn í þetta
þegar líður á veturinn. Hún
virðist geta stjórnað leiknum
vel og er góður alhliða leik-
maður. Þetta þýðir að við erum
aftur að byrja upp á nýtt til að
freista þess að ná takti. Við lít-
um á þetta sem langtímaverk-
efni.“
Styrkur liðsins
undir körfunni
Telma er ein af nokkrum há-
vöxnum leikmönnum í liði
Hauka og almennt telja körfu-
boltaspekingar að styrkur
Hauka liggi undir körfunni og
inni í teignum. „Við erum
naggar þarna undir og reynum
að berjast og standa okkur vel.
Það skiptir hins vegar máli að
vera með sterka leikmenn í öll-
um stöðum því maður vinnur
ekki leiki með því að spila ein-
göngu inni í teig. Það þarf að
vera jafnvægi til staðar. Við
erum vel staddar hvað varðar
hávaxna leikmenn og það er
óalgengt á Íslandi. Hérlendis
hafa lið oft á tíðum verið í
vandræðum með þessar stöð-
ur. Við ættum því að geta nýtt
okkur það til góðs,“ útskýrði
Telma.
Metnaður í
uppbyggingarstarfi
Kvennalið Hauka hefur átt
mikilli velgengni að fagna frá
aldamótum og unnið marga
titla. Liðið hefur hins vegar
misst marga af sínum lykil-
mönnum á undanförnum árum.
Hafa Haukar burði til að vera
áfram í baráttu um titla? „Það
er metnaður í uppbyggingar-
starfinu og reynt að búa til
góðan grunn með því að hlúa
að ungum leikmönnum. Að
mínu mati á markmiðið ávallt
að vera að liðið sé í toppbarátt-
unni. Það er búið að búa til sig-
urhefð hjá Haukum og eðlilegt
að fólk geri ráð fyrir því að við
ætlum að berjast um titla. Það
var talsvert sjokk þegar tíma-
bilið hófst í fyrra en okkur
tókst samt sem áður að vinna
bikarinn. Segja má að þá höf-
um við sýnt að við værum bún-
ar að ná okkur eftir að hafa
misst sterka leikmenn. Nú höf-
um fengið nýja leikmenn til
liðs við okkur og það þarf að ná
því besta út úr öllum, sem er
náttúrlega viss kúnst.“
Fæ ekkert gefins
hjá Henning
Telma starfar sem flug-
freyja í millilandaflugi og er
auk þess í markaðsfræði í fjar-
námi. Morgunblaðinu lék for-
vitni á að vita hvernig hún læt-
ur dagskrána ganga upp hjá
sér. „Þetta er hörkupúl og ég
fæ ekki neitt gefins hjá Henn-
ing. Ég þarf að leggja mig enn
meira fram þegar ég hef verið
fjarverandi. Ég þarf oft að
velja og hafna og það er ekkert
leyndarmál að það getur verið
hálfgert púsluspil hjá mér að
láta þetta ganga upp. Einhvern
veginn gengur þetta samt upp
og það er misjafnt hvort ég
þarf mikið frí frá körfunni eða
ekki. Ég reyni þá yfirleitt að
leysa þetta í samráði við Henn-
ing og okkur hefur iðulega tek-
ist að komast að niðurstöðu.
Maður verður víst að lifa og ég
lifi ekki á körfuboltanum.
Vinnan er skemmtileg og vel
launuð og slík störf eru ekki á
hverju strái í þessu árferði.“
„Þetta er hörkupúl“
 Flugfreyja í fjarnámi í stóru hlutverki hjá bikarmeisturum Hauka
 Sterkari hópur íslenskra leikmanna en besti Kaninn skilur eftir sig risaskarð
Morgunblaðið/Golli
Í háloftunum Telma Björk Fjalarsdóttir fyrirliði Hauka hefur nóg fyrir stafni.
Auður Íris Ólafsdóttir 18 ára Bakvörður (1,73 m)
Bryndís Hanna Hreinsdóttir 20 ára Bakvörður (1,59 m)
Dagbjört Samúelsdóttir 17 ára Framherji (1,77 m)
Guðrún Ósk Ámundadóttir 23 ára Bakvörður (1,75 m)
Lovísa Björt Henningsdóttir 15 ára Miðherji (1,85 m)
Heiðrún Ösp Hauksdóttir 27 ára Bakvörður (1,67 m)
Inga Sif Sigfúsdóttir 18 ára Framherji (1,74 m)
Ína Salóme Sturludóttir 18 ára Framherji (1,74 m)
Kristín Fjóla Reynisdóttir 20 ára Bakvörður (1,75 m)
Margrét Rósa Hálfdánardóttir 16 ára Bakvörður (1,73 m)
María Lind Sigurðardóttir 21 árs Framherji (1,80 m)
Ragna Margrét Brynjarsdóttir 20 ára Miðherji (1,87 m)
Helga Jónasdóttir 18 ára Miðherji (1,85 m)
Sara Pálmadóttir 25 ára Miðherji (1,80 m)
Telma Björk Fjalarsdóttir 26 ára Miðherji (1,81 m)
Unnur Lára Ásgeirsdóttir 20 ára Framherji (1,78 m)
Gunnhildur Gunnars 20 ára Bakvörður (1,77 m)
Þórunn Bjarnadóttir 30 ára Framherji (1,73 m)
Íris Sverrisdóttir 20 ára Bakvörður (1,78 m)
Kathleen Snodgrass 28 ára Bakvörður
Leikmannahópurinn
HAUKAR VETURINN 2010-2011