Morgunblaðið - 20.01.2011, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 20. JANÚAR 2011
ÚR BÆJARLÍFINU
Skapti Hallgrímsson
skapti@mbl.is
Bryndís Rún Hansen úr sundfélag-
inu Óðni er íþróttamaður Akureyrar
2010. Kjörinu var lýst í hófi í Ket-
ilhúsinu í gærkvöldi. Þetta er annað
árið í röð sem Bryndís Rún hlýtur
nafnbótina.
  
Oddur Gretarsson úr Akureyri -
handboltafélagi varð annar í kjörinu
að þessu sinni en þriðji árið áður.
Mjög mjótt var á mununum; Bryn-
dís Rún hlaut 118 stig nú en Oddur
115. Þriðji í kjörinu að þessu sinni
varð Jón Benedikt Gíslason, fyrirliði
SA-Víkinga, sem urðu Íslandsmeist-
arar í íshokkí. Jón fékk 91 stig.
  
Hvorki Bryndís Rún né Oddur
voru viðstödd. Hún flutti á dögunum
til Noregs og er sest á mennta-
skólabekk auk þess að æfa af krafti
en Bryndís Rún hefur sett stefnuna
á Ólympíuleikana á næsta ári. Oddur
er með landsliðinu á HM í Svíþjóð.
  
Skrifað var undir styrktarsamn-
inga vegna sex íþróttamanna í hóf-
inu gærkvöldi. Afreks- og styrkt-
arsjóður bæjarins greiðir alls tæpar
2 milljónir króna á árinu.
  
Systurnar Íris og María Guð-
mundsdætur úr Skíðafélagi Ak-
ureyrar, ásamt Bryndísi Rún, fá alls
420.000 kr. hver, en skíðamaðurinn
Sigurgeir Halldórsson og frjáls-
íþróttamennirnir Bjartmar Örnuson
og Bjarki Gíslason 240.000 kr. hver.
  
Fjórir hlutu heiðursviðurkenn-
ingu Akureyrarbæjar vegna starfa
að íþrótta-, æskulýðs- og tómstunda-
málum í áratugi. Það voru Árni
Jónsson, Golfklúbbi Akureyrar,
Gunnar Viðar Eiríksson, Sundfélag-
inu Óðni, Skjöldur Jónsson, Knatt-
spyrnufélagi Akureyrar, og Stefán
Jónasson, Skíðafélagi Akureyrar.
  
Trúðanámskeið verður haldið í
Hofi í næstu viku, í tengslum við
barna- og fjölskyldusýninguna Bláa
gullið. Örugglega skemmtilegt! Allir
trúðar bæjarins hljóta að vera
spenntir, en rétt er að vekja athygli
á því að aðeins komast fáir að …
  
Græni hatturinn og Félag tón-
skálda og textahöfunda hafa gert
samning um flutning á tónleikaröð-
inni Fuglabúrinu til Akureyrar og
verða fyrstu tónleikarnir í kvöld kl.
21.00 þegar Lay Low og Magnús
Kjartansson koma fram.
Morgunblaðið/Skapti Hallgrímsson
Best 2010 Bryndís Rún Hansen á Aldursflokkameistaramótinu á Akureyri.
Bryndís íþrótta-
maður Akureyrar
FRÉTTASKÝRING
Agnes Bragadóttir
agnes@mbl.is
Þingvörður Alþingis fann fartölvu í húsakynnum
Alþingis í Asturstræti 8-10 fyrir tæpu ári, sem
ekki var í eigu Alþingis og enginn vissi í raun hver
átti. Þetta hefur Morgunblaðið eftir áreiðanlegum
heimildum og Helgi Bernódusson, skrifstofustjóri
Alþingis, staðfesti þetta í samtali við Morgun-
blaðið í gær. Grunur lék á að tölvunni hefði verið
komið fyrir í húsnæðinu, ásamt prentara, til þess
að nota í ólöglegum tilgangi, brjótast inn í tölvur
þingmanna og fastanefnda þingsins, hlaða niður
gögnum og senda í aðra tölvu.
„Þetta er rétt. Það fannst fartölva í auðu her-
bergi í húsnæði á vegum Alþingis, á milli skrif-
stofa þingmanna Hreyfingarinnar og þingmanna
Sjálfstæðisflokksins,“ sagði Helgi Bernódusson.
„Það var búið að má öll auðkenni af tölvunni, öll
númer og þess háttar, þannig að það var ekki
hægt að rekja hver átti hana. Þetta var mjög
grunsamleg tölva, en við gátum bara ekki komist
til botns í málinu og lögreglan ekki heldur.“
Samkvæmt upplýsingum Morgunblaðsins
vöknuðu grunsemdir um að fartölvunni hefði verið
komið fyrir þarna af tölvuþrjótum sem kynnu að
vera í samstarfi við eða á vegum uppljóstrunar-
vefsíðunnar Wikileaks.
Skrifstofur þingmanna Hreyfingarinnar
Meðal þess sem þótti athyglisvert, við rann-
sókn málsins, var að fartölvan skuli hafa fundist í
auðu herbergi, sem sé við hliðina á skrifstofum
þingmanna Hreyfingarinnar. Helgi Bernódusson
segir málið mjög óþægilegt, en grunsemdir um
hver eða hverjir hafi komið tölvunni fyrir þar sem
hún fannst beinist ekki að neinum sérstökum.
Herbergið er á fimmtu hæð Austurstrætis 8-10,
það var autt, en ætlað til nota fyrir varaþingmann
Hreyfingarinnar, ef þörf krefði. Á annarri og
þriðju hæð eru skrifstofur fastanefnda Alþingis
og ritara nefndanna og á þeirri fjórðu eru skrif-
stofur þingmanna Sjálfstæðisflokksins og loks eru
einhverjir þingmenn Sjálfstæðisflokksins á
fimmtu hæðinni með skrifstofur, ásamt þing-
mönnum Hreyfingarinnar, eins og áður segir.
Það var einn af þingvörðum Alþingis, sam-
kvæmt upplýsingum Morgunblaðsins, sem fann
tölvuna og við skoðun, m.a. starfsmanna tölvu-
deildar Alþingis, vöknuðu ofangreindar grun-
semdir, þar sem stillingar tölvunnar voru með
þeim hætti, að þær bentu til þess að hún hefði
verið nýtt til þess að brjótast inn í aðrar tölvur
og að þau gögn hefðu síðan verið áframsend í
aðra og órekjanlega tölvu.
Mistök að slökkva á tölvunni
Ákveðnir starfsmenn Alþingis töldu að um
ólöglega notkun hefði verið að ræða og lögreglan í
Reykjavík var kvödd til.
Lögreglan tók tölvuna í sína vörslu, en sam-
kvæmt mati tölvusérfræðings, sem rætt hef-
ur verið við, eru það talin hafa verið mistök
að slökkva á tölvunni og taka hana úr sam-
bandi, því ekki reyndist unnt að sannreyna neitt í
sambandi við niðurhal gagna og áframsendingar.
Líklegt er talið að tölvan hafi verið þannig stillt að
gögn í tölvunni hafi eyðst við það að hún var tekin
úr sambandi.
Í ljós kom að einkenni tölvunnar höfðu verið
afmáð, m.a. framleiðslunúmer og svonefnt ID-
númer, þannig að ómögulegt var að rekja hver átti
viðkomandi tölvu. Við rannsókn á tölvunni fund-
ust engin fingraför og er það talið vera önnur vís-
bending um það hversu fagmannlega var að verki
staðið.
Gátu ekki upplýst málið
Lögreglan mun hafa rannsakað málið um
skeið án þess að verða nokkurs vísari. Lögreglan
greindi Alþingi frá því að hún gæti ekki upplýst
þetta mál og þar með var málið látið niður falla.
Sömuleiðis fór í gang nákvæm rannsókn á tölvu-
gögnum í Alþingi og samkvæmt upplýsingum
Morgunblaðsins fundust engar vísbendingar eða
sannanir fyrir gagnastuldi og var allt eins talið að
tölvunni hefði verið komið fyrir til þess að fylgjast
með umferð um tölvukerfi Alþingis og alþingis-
manna.
Samkvæmt upplýsingum Morgunblaðsins
var mál þetta litið mjög alvarlegum augum af
starfsmönnum Alþingis, ekki síst starfsmönnum
tölvudeildar þingsins, sem voru sannfærðir um að
þannig hefði verið búið um hnútana, að því er
varðaði prógrammeringu tölvunnar, að hún hefði
verið nýtt í ólöglegum tilgangi. En þar sem engar
beinharðar sannanir voru fyrir hendi, hvorki um
það hver ætti tölvuna né hverjum gögn hefðu ver-
ið send, varð að láta málið niður falla.
Grunsemdir um ólöglegt
athæfi á Alþingi í fyrra
 Fartölva sem öll auðkenni höfðu verið máð af fannst í auðu herbergi
Morgunblaðið/Ómar
Nefndahúsið Í Austurstræti 8-10 hafa allar fastanefndir Alþingis skrifstofur, einnig þingmenn
Sjálfstæðisflokksins og Hreyfingarinnar. Á fimmtu hæð hússins fannst tölvan í auðu herbergi.
Það varð uppi fótur og fit meðal starfsmanna
Alþingis í febrúar í fyrra, þegar þingvörður Al-
þingis fann fartölvuna.
Samkvæmt upplýsingum Morgunblaðsins
voru skiptar skoðanir um það með hvaða
hætti ætti að bregðast við þessum fundi, en
þótt menn hafi viljað bregðast misjafnlega
hart við, liggur fyrir að allir sem á annað borð
vissu um fartölvuna og það hvernig hún hafði
verið stillt, litu málið alvarlegum augum.
Helgi Bernódusson, skrifstofustjóri Al-
þingis, segir að starfsmenn Al-
þingis hafi litið tölvufundinn
mjög alvarlegum augum. „Við
fórum yfir öll okkar öryggismál í
kjölfar þessa fundar. Við höfum
gert nýja viðbragðsáætlun og
yfirfarið öll okkar öryggiskerfi,
styrkt þau og bætt,“ segir Helgi.
Hann segir að vitaskuld sé
þetta afskaplega óþægilegt
mál, en telur harla ólík-
legt að slíkt geti
endurtekið sig.
Öll öryggiskerfi
þingsins yfirfarin
ALÞINGI
Helgi
Bernódusson
„Það eru vissu-
lega erfiðir tímar
framundan, frek-
ar lítið atvinnu-
öryggi, finnst
okkur sem erum
nú að útskrifast,“
segir Garðar Örn
Þórsson, formað-
ur Curators, fé-
lags hjúkrunar-
fræðinema við
Háskóla Íslands. Hjúkrunarfræði-
nemar leggja áherslu á að kynna
fjölbreytni í störfum hjúkrunarfræð-
inga á kynningardegi.
Garðar segir að nemar sem út-
skrifast úr hjúkrunarfræði á vori
komanda hafi áhyggjur af niður-
skurði í heilbrigðiskerfinu. „Við er-
um hrædd um að víðtækar lokanir á
sjúkrahúsum, ekki síst á lands-
byggðinni, muni bitna á öryggi sjúk-
linga. Þjóðin er að eldast og sjúk-
dómar verða tíðari og ekki fækkar
slysum,“ segir Garðar.
Miklar breytingar hafa orðið á
starfsumhverfi hjúkrunarfræðinga
frá því hópurinn sem útskrifast í vor
hóf nám á árinu 2007. Ekki er hægt
að ganga að starfi á sjúkrahúsi vísu.
Garðar segir að námið sé hagnýtt og
geti nýst á öðrum vettvangi. Kynn-
ingardagur hjúkrunarfræðinema fer
fram á þessum krossgötum og því
leggja nemendur á lokaári áherslu á
að kynna ný og hefðbundin svið
hjúkrunarfræðinga, bæði hér á landi
og erlendis. Kynningin verður á
morgun, föstudag, í hjúkrunarfræði-
deild í Eirbergi og stendur frá
klukkan 11.30 til 14.
Hjúkrun-
arnámið
nýtist víðar
 Kynna hjúkrun
Garðar Örn
Þórsson
Háskólasetur
Suðurnesja í
Sandgerði hefur
rannsakað
grjótkrabbann
undanfarin ár en krabbinn er nýleg-
ur landnemi við Ísland.
Á dögunum hafði Þráinn Freyr
Vigfússon matreiðslumeistari sam-
band við setrið og spurðist fyrir um
grjótkrabba en hann vantaði nokkur
eintök til að æfa sig á fyrir mat-
reiðslukeppnina Bocuse d’Or sem
mun fara fram 25.-26. janúar í Lyon í
Frakklandi. Háskólasetrið brást að
sjálfsögðu vel við og útvegaði nokkra
stóra og stæðilega grjótkrabba úr
búrunum í Sandgerði, sem Þráinn
og félagar matreiddu svo eftir
kúnstarinnar reglum.
Æfðu sig á
grjótkrabba