Eyjablaðið - 28.02.1985, Blaðsíða 2

EYJABLAÐIÐ
Edda Tegeder ^’tnefnc^- Sveinn Tómasson
Elías Bjömsson Ragnar Óskarsson (ábm.)
Oddur Júlíusson Inga Dröfn Ármannsdóttir
Ármann Bjamfreösson Baldur Böðvarsson
Útgefandi: Alþýðubandalagiö í Vestmannaeyjum
Tölvusetning og offsetprentun: Evrún h.f. Vm.
_____________________________________/
Fjárhagsáætlun
1985 afgreidd
Á fundi bæjarstjórnar hinn 20. febrúar s.l. var fjár-
hagsáætlun fyrir bæjarsjóö og stofnanir hans fyrir árið
1985 afgreidd. Eins og oft áður voru bæjarfulltrúar
ekki sammála um afgreiðslu áætlunarinnar bæði hvað
snertir verklegar framkvæmdir og ýmsa þjónustu.
Fulltrúar minnihlutaflokkanna í bæjarstjórn höfðu
þann háttinn á við lokaafgreiðslu fjárhagsáætlunar nú
að flytja sameiginlega breytingartillögur við allmarga
liði hennar. Þessar breytingartillögur voru afrakstur
ágæts samstarfs bæjarfulltrúa minnihlutaflokkanna
sem fóru mjög nákvæmlega yfir öll gögn er vörðuðu
áætlunina. Þær breytingar sem minnihlutinn lagði til að
gerðar yrðu miðuðu fyrst og fremst að því að gera
stórátak í verklegum framkvæmdum án þess þó að
skera niður félagslega þjónustu eða aðra þjónustu á
vegum bæjarfélagsins. Sem dæmi um verklegar fram-
kvæmdir má nefna átak í varanlegri gatnagerð, undir-
búning að byggingu starfsmannaíbúða fyrir sjúkrahús,
hönnun framtíðaríþróttasvæðis, hönnun nýrrar sorp-
eyðingarstöðvar og fleira.
Tillögurnar gerðu ekki ráð fyrir auknum álögum á
bæjarbúa. í þeim var gengið útfrá því að unnt væri að ná
inn auknum tekjum meðal annars með hærra inn-
heimtuhlutfalli gjalda, sparnaði á ýmsum sviðum og
ýmsu öðru. Breytingartillögur minnihlutaflokkanna í
bæjarstjórn voru með öðrum orðum skynsamlegur
valkostur bæði hvað snerti verklegar framkvæmdir og
þjónustu.
Við afgreiðslu fjárhagsáætlunarinnar kom hins vegar
í ljós að meirihluti Sjálfstæðisflokksins var á annarri
skoðun. Tillögur minnihlutaflokkanna voru felldar ein
af annarri og fjárhagsáætlun Sjálfstæðisflokksins síðan
samþykkt. Betri konstinum var illu heilli hafnað og
fyrir vikið verða mörg góð framfaramál að bíða enn um
sinn. Sjálfstæðisflokkurinn hefur völdin og þau völd
hefur hann nýtt sér til hins ýtrasta ekki aðeins við gerð
fjárhagsáætlunar, heldur og á öðrum sviðum.
Alþjóðaár
æskunnar
Samkvæmt ákvörðun Sameinuðu þjóðanna er árið
1985 tileinkað æskunni. Pessi ákvörðun felur í sér
tilmæli til þjóða heimsins um að þær vinni sérstaklega að
ýmsum verkefnum er tengjast æskunni, verkefnum sem
meðal annars miða að því að gera ungt fólk hæfara til að
takast á hendur þá ábyrgð sem það verður að bera.
Verkefnin eru mörg, sum eru auðveld en önnur erfið,
sum eru ekki mjög aðkallandi en önnur afar brýn.
Það verkefni sem hvað brýnast er er því miður afar
erfitt viðfangs en það er svo brýnt að ekkert má til spara
við að leysa það. Hér er átt við fíkniefnavandamálið
svonefnda.
Á síðari árum hefur notkun fíkniefna færst mjög í
vöxt. Fórnarlömb fíkniefnanna verða yngri með hverju
árinu sem líður og víða úti í hinum stóra heimi er
fíkniefnaneysla ungs fólks líkt við faraldur enda verða
hundruð þúsunda ungmemid fíkniefnunum að bráð
árlega.
Hérlendis er e.t.v. ekki unnt að tala um faraldur í
þessu sambandi. Hitt er þó engu að síður staðreynd að
ríkniefnaneyslan er orðin stórfellt vandamál og við því
þarf að bregðast með viðeigandi hætti og það tafarlaust.
Leita þarf orsaka fyrir þessari óheillaþróun og vinna
með markvissum aðgerðum að því að snúa henni við.
Á alþjóðaári æskunnar væri þetta verkefni vel við
hæfi. —R.Ó.
Gullgæsin og
sjómannaverkfall
mills. „Færi nú að vænkast
hagur strympu”. Fasteignaverð
myndi rjúka upp úr öllu valdi
vegna velgengni hér heima.
Jafnt sem það lækkaði í hinni
gjaldeyrislausu Reykjavík!
Einu sinni var gæs, sem
verpti gulleggjum, en eigandi
hennar var svo óforsjáll, að
slátra henni til þess að ná sér í
gæsasteik. Og þar með hætti
þessi verðmæta framleiðsla.
Fyrir 2 vikum hélt spekingur
mikill af Reykjavíkursvæðinu
erindi í þættinum um daginn og
veginn, í gamla gufuradíóinu.
Sá var á því, að það væri óráð
hið mesta að halda við byggð
hringinn í kringum Iandið. Þar
sem fólkið sveitist blóðinu við
fiskvinnslu, landbúnað og ann-
an óarðbæran fávitahátt. Nær
væri að flytja heila klabbið af
þessum dreifbýlislýð á mölina
við Faxaflóa. Þar færi hin sanna
verðmætasköpun fram, enda
væru það Reykvíkingar sem
héldu uppi með skattpeningum
sínum allri þessari óráðsíu. í
beinu samhengi af þessari rök-
semdafærslu mannsins, vildi
hann fleiri herstöðvar (radar-
stöðvar voru skotmark númer 1
að áliti þjóðverja í loftorrust-
unni um Bretland 1940) og
fleiri álver. Það verður að
viðurkennast að það var
dásamlegt samhengi í þanka-
gangi þessa manns. Talsmaður
þess að leggja af helming
heimila landsins og skilja eftir
verðlaus. Talsmaður frjáls-
hyggjunnar og frumskógar-
lögmáls í mannlegum skiptum.
Talsmaður aukins hernáms
(enda pottþéttir 3 stjórnmála-
flokkar á bak við það að hans
áliti, kratar, íhald og fram-
sókn). Fari maður að heil-
ræðum þessa manns myndum
við feðgar kaupa okkur stress-
tösku með krómlistum, flytja
suður, og færum að selja ilm-
skeini, Svissneskt konfekt,
ásamt myndböndum og fleiru
virkilega gjaldeyrisskapandi,
rápandi upp og biður Laugar-
veginn ásamt öðrum í tösku-
liðinu. Sjálfsagt yrðum við
hreinni um hendurnar af þeirri
„vinnu”. En því að gera við
skítugan fiskiflotann og draga
afla úr sjó.
Hitt býður mér í grun að
skerbúar og krummaskuðs-
menn um allt land haldi uppi
heila helv.... klabbinu í
Reykjavík. Myndi fljótt sneið-
ast um gull í pyngju þeirra þétt-
býlismanna væri þeirra gullgæs
fargað, þar sem eru sjávar-
þorpin landið um kring. Má ske
að Jóhannes allranefnda Nor-
dal myndi bjarga gjaldeyris-
hungraðri Reykjavík með því
að selja meiri raforku undir
framleiðslukostnaði?
Með bessaleyfi, vil ég tala
fyrir tungu okkar skermanna,
og bjóða þeim þéttbýlis-
mönnum að aflétta þeirri
ómegð sem við höfum verið á
þeim, þessari óbærilegu byrði.
Munum við þá að sjálfsögðu
halda öllum þeim gjaldeyri er
hér skapast, flytja sjálfir inn
allar okkar nauðsynjar. Og þar
sem við værum þar með orðnir
útlendingar í okkar landi
myndum við kaupa af Nordal-
inu raforku á álprís, segjum 15
Mundu það:
Þess skulum við minnast að
það eru ennþá hinir 4 þúsund
fiskimenn sem sjá um það með
sínum tækjum og áræði að þessi
þjóð getur lifað á hólmanum
norður við heimskaut. Ennþá
koma 70% gjaldeyris frá þess-
um fáu sálum. Þess vegna ber
þessum mönnum best kaup á
Islandi og útgerðinni að hún
geti endurnýjað skipin. Þegar
þessir hafa fengið sitt, má
athuga hvort hægt sé að borga út
ráðherrum og þingmönnum um
mánaðamótin.
Er nú kominn tími til að
skera niður við trog eitthvað af
þeim afætulýð sem þjakað
hefur þessa þjóð svo átakan-
lega að jafnvel skynsemdar-
menn sjá þann kost vænstan að
farga gullgæðum!
Samninga við sjómenn nú
þegar!
Sig. Sig. frá Vatnsdal.
Aðalfundur
Sparisjóðs
Vestmannaeyja
fyrir árið 1984
Aðalfundur Sparisjóðs Vest-
mannaeyja fyrir árið 1984 var
haldinn 22. febrúar s.I.
í upphafi fundarins minntist
Sigurgeir Kristjánsson for-
maður stjórnar Sparisjóðsins
fjögurra stofnenda sjóðsins sem
látist höfðu frá því síðasti aðal-
fundur var haldinn. Þessir fjórir
stofnendur Sparisjóðsins voru
Þorsteinn Víglundsson fyrr-
verandi sparisjóðsstjóri, Kjart-
an Ólafsson frá Hrauni, Bjarni
Gunnar Magnússon frá Lága-
felli og Einar Guttormsson
læknir.
Á fundinum kom fram að
heildarinnstæður Sparisjóðsins
námu í árslok 102,3 millj.
króna. Heildarútlán námu 80,8
millj. króna og bundnar inni-
stæður í Seðlabanka íslands
námu 29,4 millj. króna.
í árslok 1984 var lausafjár-
staða Sparisjóðsins mjög slænt
en hún var neikvæð um 8,4
millj. Þetta leiddi af séróvenju-
mikil vaxtagjöld til Seðla-
bankans og hefur staða Spari-
sjóðsins gagnvart Seðlabank-
anum aldrei verið eins slæm og
nú.
Hagnaður ársins nam 400
þúsund krónunr, eigið var í árs-
lok 11,8 millj.
Á aðalfundinum urðu
nokkrar umræður um stöðu
Sparisjóðsins og var það álit
fundarmanna og gesta að efla
þyrfti sjóðinn til þess að hann
yrði betur í stakk búinn til að
þjóna Eyjabúum.
Ný stjórn var kjörin og skipa
hana nú Jóhann Björnsson,
Sigurgeir Kristjánsson og Þor-
björn Pálsson sem kosnir eru af
ábyrgðarmönnum og þeir
Arnar Sigurmundsson og
Ragnar Óskarsson sem kosnir
eru af bæjarstjórn. Löggilt
endurskoðun er gerð af Endur-
skoðunarskrifstofu Sigurðar
Stefánssonar s.f. en forstöðu-
maður hennar hér í Eyjum er
Þorvarður Gunnarsson, en
kjörnir endurskoðendur eru
þeir Hermann Kr. Jónsson og
Gunnlaugur Axelsson.
í árslok voru starfsmenn
Sparisjóðsins 11 og er það sami
fjöldi og verið hefur undan-
farið. Sparisjóðsstjóri er
Benedikt Ragnarsson og skrif-
stofustjóri Guðjón Hjörleifs-
son.