Eyjablaðið - 21.11.1985, Blaðsíða 3
EYJABLAÐIÐ
3
Landsfundur Alþýðubandalagsins 1985
Stjórnmálaályktun
Framhald
I sjávarútvegi eru forsendur
til að auka á skömmum tíma
verðmæti svo nemur mörgum
milljörðum króna. Meðal
brýnna aðgerða í tengslum við
sjávarútveg má nefna:
— Að hækka þarf laun í fisk-
vinnslu verulega og tryggja að
þar haldist vel þjálfað starfsfólk
sem njóti fyllsta atvinnu-
öryggis.
— Að unnt er að auka gæði
framleiðslunnar verulega m.a.
með betri meðferð afla. bættu
skipulagi veiða og vinnslu og
nýrri verðlagsstefnu.
— Að nýta má hráefni mun
betur en gert hefur verið. m.a.
til framleiðslu nýrra afurða.
— Að unnt er að auka sókn í
fiskistofna sem lítið sem ekkert
eru veiddir og ná meiri verð-
mætum úr öðrum stofnum með
skilvirkari stjórnun veiða.
— Að þekking og margháttuð
reynsla sem skapast hefur í
sjávarútveginum getur orðið
verðmæt útflutningsvara, ef að
slíkri starfsemi er hlúð.
— Að verulega verði dregið úr
útflutningi á ferskum fiski.
í iðnaði eru skilvrði til að ná
miklum efnahagslegum árangri
og fjölga störfum sem tengjast
nýrri tækni og upplýsingum. Til
þess að örva vöxt í þessum
greinum þarf ríkisvaldið að
hafa forgöngu um rannsóknir
og þróunarstarf og ýta undir
slíka viðleitni á vegum stofnana
og fyrirtækja. Ef vel tekst til
gætu störf í iðnaði af þessu tagi
orðið allt að 20 þúsund um
næstu aldamót. Þá ber að leggja
sérstaka áherslu á nýjar greinar
eins og loðdýrarækt og fiskeldi,
og skapa skilvrði til þess að
fullvinnsla afurða í þessum
greinum geti orðið gildur
þáttur í atvinnulífi þeirra
bvggðarlaga þar sem slík starf-
semi fer fram. Sýnt hefur verið
fram á að fiskeldið eitt geti
skilað að minnsta kosti ellefu
milljörðum í þjóðarbúið um
næstu aldamót.
Koma þarf á kerfisbundnum
stuöningi við ný fyrirtæki smá
og stór. Sá stuðningur getur
verið fólginn í ráðgjöf varðandi
framleiðslu og tækni, en einnig
í beinum stuöningi við
markaðs- og þróunarstarfsemi.
Taka þarf upp nýja bvggða-
stefnu þar sem áhrif heima-
byggða á þróun efnahagslífs
aukist meðal annars við ráð-
stöfun fjármagns til samfélags-
legra verkefna og með jöfnuði í
útgjöldum vegna opinberrar
þjónustu.
Til að ná þeim árangri að
stórauka verðmæti hefð-
bundinna atvinnugreina. koma
á fót nýjum greinum sem
byggjast öðru fremur á ís-
lenskum auðlindum, aðstæðum
og hugviti. þarf íslenska
atvinnustefnu — stefnu Al-
þýðubandalagsins í atvinnu-
málum.
Það er því eitt af höfuð-
verkefnum flokksins nú og á
næstu árum að ná samstöðu í
þjóðfélaginu um þá stefnu, og
skapa með því aðstæður til að
nýta m.a. þá möguleika sem hér
hafa verið nefndir. Það gerist
best í eðlilegu samspili margra
aðila, svo sem ríkisins, sam-
vinnufélaga, sveitarfélaga,
verkalýðsfélaga og einstakra
fyrirtækja. Hafna ber kreddum
frjálshyggjunnar um að útiloka
ríkið frá hvers konar þátttöku í
atvinnulífinu, um leið og varað
er við oftrú á að ríkið leysi allan
vanda. Frumkvæði fólksins og
samtaka þess er að mati
Alþvðubandalagsins grund-
vallarforsenda fyrir þróun og
sókn í atvinnumálum.
Stóriðja og
frjálshyggja
Vonir hægri aflanna um er-
lenda stóriðju sem allsherjar
lyftistöng framfara hafa ger-
samlega brugðist. Samningur-
inn við Alusuisse hefur reynst
íslenskum raforkunotendum
dýr. jafnt heimilum sem fyrir-
tækjum.
Alverið hefur árum saman
einungis greitt þriðjung af
framleiðslukostnaði hverrar
kílóvattstundar sem það
kaupir. Viðskipti af þessu tagi
hafa óhjákvæmilega alvarlegar
atleiðingar í þjóðarbúinu, þar
sem auðhringurinn hefur lengi
keypt nálega helming allrar
raforku sem framleidd er í
landinu.
Alþýðubandalagið varar við
einföldum lausnum í atvinnu-
málum. Slíkar lausnir eru ekki
til. Leggja ber áherslu á jafna
Tanginn
auglýsir:
*
A kjarapöllum þessa viku
Okkar Venjulegt
verð verð
Ajax þvottaefni, 80 dl. askja ....... 27700 35290
Prana þvottaefni, 70 dl. askja ........ 232°° 2944,)
Botaniq taumýkir, 2 lítrar ............. 9850 1 2490
Dún let taumýkir, 2 lítrar ............. 903° I 1490
Vel uppþvottalögur, I lítri ......... 62so 7940
Ajax hreingerningarl., 1250 ml. flaska 8370 10660
og markvissa þróun. þar sem
allir möguleikar eru nýttir með
eðlilegum hætti.
A grundvelli atvinnustefnu
Alþýðubandalagsins sem lýst
hefur verið hér að framan og
byggir á tveimur meginþáttum,
breyttri tekjuskiptingu og
auknum framleiðsluverðmæt-
um í þjóðarbúinu. telur tlokk-
urinn unnt að bæta lífskjör á
íslandi á komandi árum. Til
þess þarf pólitískan vilja í sam-
félaginu, fylgi við pólitíska
stefnu sem hefur það að mark-
rniði að lífskjör hér á landi verði
sambærileg við það sem gerist í
grannlöndunum.
Alþýðubandalagið hafnar
afdráttarlaust stefnu frjáls-
hvggjunnar. Flokkurinn hafnar
þeirri fráleitu kenningu að
efnahagsvandi þjóðarinnar
verði eingöngu rakinn til rým-
andi þjóðartekna. Alvarlegasta
meinsemdin í þjóðfélaginu er
sívaxandi misskipting auðsins.
Ört lækkandi tekjur, vinnu-
þrælkun, stöðugt öryggisleysi í
félagslegri þjónustu og ófull-
komið menntakerfi er af-
rakstur stjórnar íhaldsaflanna,
bein afleiðing þeirrar mis-
skiptingar auðs og valda sem nú
á sér stað í þjóðfélaginu undir
forystu Sjálfstæðisflokksins
með atbeina t'ramsóknarmanna
og ríkisstjórnar Steingríms
Hermannssonar.
Alþýðubandalagið telur
brýna nauðsyn að snúa þessari
þróun við, snúa af braut stans-
lausrar styrjaldar við samtök
launafólks, af vegi lágra launa
og stöðugrar kjaraskerðingar
til þess að skapa aðstæður fyrir
samkomulag um batnandi lífs-
kjör. Skapa þarf skilyrði fyrir
bættum lífskjörum til lengri
tíma sem byggist á þeim póli-
tíska ásetningi að breyta tekju-
skiptingunni, auka framleiðslu-
verðmæti þjóðarbúsins og bæta
lífskjör launafólks. Þessar að-
stæður eru ekki til undir nú-
verandi rikisstjórn. Hún hefur
aftur og aftur svikið gerða
samninga við verkalýðshreyf-
inguna. Þess vegna þarf nýja
ríkisstjórn sem lýsir sig reiðu-
búna til samkomulags við
verkalýðshreyfinguna.
I þessum efnum Ieggur AI-
þýöubandalagið sérstaka
áherslu á:
Megináherslur AI-
þýðubandalagsins
1. Að bæta í áföngum kaup-
mátt launa og vega upp kjara-
rán sem orðið hefur á undan-
förnum árum. Stefna verðurað
því samhliða auknum tekjum
að 40 stunda vinnuvikan verði
sem fyrst að veruleika fyriralla.
Treysta þarf félagsleg réttindi
verkafólks og bæta sérstaklega
kjör kvenna á vinnumarkaði.
2. Að ákveða skatthlutfall og
opinber gjöld á almenning,
meðal annars greiðslur fyrir
h vers konar opinbera þjónustu.
3. Tafarlaust verði sett veru-
legt fjármagn í skattaeftirlit.
rannsóknarstörf auðvelduð og
sektir við skattsvikum marg-
faldaðar. Lagaákvæði sem sett
hafa verið að undanförnu í því
skyni að ívilna fyrirtækjum
verði afnumin.
4. Stuðlað verði að samstarfi
bænda og neytenda. Búvöru-
verð verði ákveðið til lengri
tíma og lögð áhersla á að skera
niður milliliðakostnaðinn og
þannig skapaðir möguleikar til
Iækkunar búvöruverðs.
5. Okurlánastöðvarnar verði
bannaðar með lögum og hert
öll lagaákvæði um bann við
okri. Reynt verði að ná heildar-
samningi um annan verð-
tryggingarmæli en þann sem
beitt hefur verið með afar rang-
látum hætti.
6. Fylgt verði strangri aðhalds-
stefnu í gengis- og peninga-
málum. Forréttindi verslunar-
innar til bankalána verði af-
numin.
7. Mótuð verði ný húsnæðis-
stefna sem felur m.a. í sér eftir-
farandi:
Hver einstaklingur þurfi ekki
að verja meiru en fjórðungi
dagvinnutekna til þess að
standa straum af húsnæðis-
kostnaði.
Þáttur félagslegra íbúða-
bygginga í húsnæðiskerfinu
verði stóraukinn og innan þess
fái að þróast mismunandi hús-
næðisform: Leiguíbúðir, bú-
seturéttaríbúðir, verkamanna-
bústaðir og byggingarsam-
vinnufélög. Komið verði á sam-
ræmdu kerfi opinberra bygg-
ingarsjóða, lífeyrissjóða, al-
mennra lánastofnana og spam-
aðar einstaklinga þannig að
fjármögnun húsnæðis sé
tryggð. Nauðungaruppboð
verður að stöðva og koma
undanbragðalaust til aðstoðar
við það fólk sem er að missa
húsnæði sitt vegna þess að við-
varandi lífskjaraskerðingu og
vaxtaokur hafa fyrirgert áætl-
unum þess.
8. Skólakerfið og aðstaða
uppeldisstéttanna verði strax
bætt.
9. Hafið verði þegar í stað
skipulegt átak til þess að hraða
uppbyggingu dagvistarstofn-
ana.
10. Undirbúningur veröi haf-
inn að framkvæmd áætlunar
um lýöræði í atvinnulífinu þar
sem skref fyrir skref verði
opnuð leið fyrir launafólk til
þess að hafa áhrif á atvinnu-
lífið. Byrjað verði á ríkisfyrir-
tækjunum.
1 I. Samið verði um að koma á
launamannasjóðum sem meðal
annars trvggi skynsamlega ráð-
stöfun hagnaðar og gefi fólki
kost á eignaraðild að fyrir-
tækjunum.
12. Endurnýjunaraðferð verði
strax tekin upp við ráðningu
allra æðstu embættismanna
ríkisins. Gerð verði úttekt á
ríkiskerfinu með það að mark-
miði að hluti af verkefnum þess
verði fluttur til byggðarlaga
víðs vegar á Iandinu.
13. Þegar í stað verði tekin
ákvörðun um að endurskoða
öll áform um erlend lán ein-
staklinga og fvrirtækja.
14. Dregið verði úr fjárfest-
ingu sem hlutfalli af þjóðar-
framleiðslu með niðurskurði
verslunarfjárfestinga, fjárfest-
ingar í bönkum, olíufélögum og
hjá öðrum milliliðum. Dregið
verði úr fjárfestingu í orku-
verum.
Barátta framundan
Framundan eru sveitar-
stjórnarkosningar. Þar verður
tekist á um stefnu Alþýðu-
bandalagsins annars vegar og
stefnu íhaldsaflanna hins vegar,
tekist á um málefni byggðanna
og um stöðu ríkisstjórnarinnar
og verkalýðshreyfingarinnar,
því sterkara sem Alþýðu-
bandalagið verður í þeim
kosningum þeim mun auð-
veldari verður baráttan við
íhaldsöflin á öðrum vettvangi.
Aðeins 15 ár eru þar til ný
öld gengur í garð. Næstu ár
munu ráða úrslitum um það
hvernig þjóðin verður undir
það búin að takast á við verk-
efni nýrrar aldar.
Þá skiptir sköpunt hvort fylgt
verður stefnu Alþýðubanda-
lagsins um nýja sókn eða stefnu
íhaldsins um niðurskurð og
afturhaldssjónarmið í atvinnu-
málurn.
Nauðsynlegt er að unga kyn-
slóðin geri sig mjög gildandi í
sveitarstjórnarkosningunum
næsta vor og í komandi al-
þingiskosningum. Þannig fær
unga fólkið kost á því að skapa
sjáíft þau lífsskilyrði sem þjóð-
inni veröa búin á næstu ára-
tugum.
I Vestur-Evrópu er hægri
bylgjan að réna og vinstrimenn
eru í sókn. Þessi nýja vinstri-
bylgja mun einnig ná til fslands
eins og greinilega verður vart
þessa dagana.
Næsta kosningasigur verður
að nýta til þess að breyta þjóð-
félaginu í átt til jafnréttis, betri
lífskjara og aukins lýðræðis.
Föstudaginn 1. nóv. s.l. varð Kaupfélag Vestmannaeyja 35 ára. Á þessum tímamótum var ný og
glæsileg verslun að Goðahrauni vígð. Eyjahlaðið óskar Kaupfélagi Vestmannaeyja og Vestmanna-
eyingum til hamingju í tilefni þessara tímamóta.