Morgunblaðið - 04.04.2011, Blaðsíða 2

Á VELLINUM
Kristján Jónsson
kris@mbl.is
Valur og Fram mætast annað árið í
röð í úrslitum Íslandsmótsins í hand-
knattleik kvenna. Það skýrðist end-
anlega þegar Valur vann Fylki öðru
sinni, 28:20, í Fylkishöllinni í Árbæ á
laugardaginn. Úrslitaeinvígi Vals og
Fram hefst á föstudagskvöldið en
þau léku einnig til úrslita í fyrra og
þá vann Valur og hefur þar með titil
að verja.
Íslandsmeistararnir slógu Fylki
út úr undanúrslitunum 2:0 en Fylkir
veitti Val nokkra keppni í síðari
leiknum. Valskonur náðu reyndar
góðu forskoti í fyrri hálfleik þar sem
3-3 vörn liðsins virkaði vel. Árbæing-
um tókst hins vegar að vinna sig inn
í leikinn í síðari hálfleik en komust
ekki nær Valsliðinu en fjögur mörk,
aðallega þar sem leikmenn Fylkis
fóru illa með góð marktækifæri.
Anna Úrsúla meiddist
Anett Köbli var markahæst hjá
Val með sjö mörk. Íris Ásta Péturs-
dóttir skoraði sex mörk eins og
Hrafnhildur Skúladóttir. Camilla
Transel skoraði fjögur mörk.
Sunna Jónsdóttir skoraði fimm
mörk fyrir Fylki og nafna hennar
Sunna María Einarsdóttir skoraði
fjögur mörk. Nataly Valencia og
Tinna Soffía Traustadóttir skoruðu
þrjú mörk hvor.
Línumaðurinn öflugi Anna Úrsúla
Guðmundsdóttir fór meidd af leik-
velli í fyrri hálfleik en kom aftur inn
á í síðari hálfleik. Axlarmeiðsli eru
að plaga Önnu og óljóst hversu mik-
ið hún getur beitt sér í fyrsta leikn-
um á móti Fram.
Allir leikmenn þurfa að leggja
sitt af mörkum
Íris Ásta Pétursdóttir segir
breiddina í leikmannahópnum skipta
miklu máli hjá Val. „Við erum með
allt annað lið en í fyrra. Við misstum
marga leikmenn en fengum mjög
góða leikmenn í staðinn. Í rauninni
erum við með ágæta breidd og mjög
gott lið. Við erum alls ekki verra lið
en við vorum í fyrra og erum líklega
betri ef eitthvað er. Breiddin skiptir
rosalega miklu máli í úrslitakeppn-
inni. Þar þurfa allir leikmenn að
leggja sitt af mörkum. Við erum með
fjórtán leikmenn og þeir vita allir að
þeir þurfa á einhverjum tímapunkti
að fara inn á völlinn og spila. Hvort
það eru tíu mínútur eða fimmtíu
mínútur, það skiptir engu máli og
það er frábært að hafa slíka breidd.
Ég hef alltaf sagt að Valur og Fram
séu tvö bestu liðin á landinu og það
er alltaf gaman að spila á móti
þeim,“ sagði Íris í samtali við Morg-
unblaðið á laugardaginn.
 Á mbl.is/sport/handbolti er að
finna myndskeið með viðtölum við
Stefán Arnarson, þjálfara Vals, og
Finnboga Grétar Sigurbjörnsson,
þjálfara Fylkis.
Fylkir úr leik
Morgunblaðið/Golli
Línusending Íris Ásta reynir línusendingu á Önnu Úrsúlu en óvíst er hvort
þeirrar síðarnefndu njóti við á næstunni þegar Valur mætir Fram.
 Veitti meisturunum mótspyrnu í síðari leiknum  Valur
sigraði þó 2:0  Valur og Fram mætast eina ferðina enn
Á VELLINUM
Ívar Benediktsson
iben@mbl.is
„Þetta var örugglega ekki fallegasti
handboltaleikur sem fram hefur far-
ið. Mikið var um tæknimistök á báða
bóga en okkur tókst að vinna og
tryggja okkur sæti í úrslitunum, það
skipti meginmáli þegar upp var
staðið,“ sagði Stella Sigurðardóttir,
markahæsti leikmaður Fram með
sex mörk, eftir að hún og liðsfélagar
hennar unnu Stjörnuna öðru sinni í
undanúrslitum N1-deildar kvenna í
handknattleik á laugardaginn, loka-
tölur: 22:21. Fram vann fyrri viður-
eignina á heimavelli á síðasta mið-
vikudag, 38:30, og leikur þar með til
úrslita við Val um Íslandsmeistara-
titilinn og hefst rimma liðanna á
föstudag.
Eins og Stella sagði var viður-
eignin ekkert sérstök fyrir augað.
Talsverða spenna var í leikmönnum
og hver mistökin ráku önnur. Nærri
30 tæknimistök, aðallega rangar
sendingar, voru í fyrri hálfleik, og
hætti undirritaður hreinlega að telja
þegar komið var fram í síðari hálf-
leikinn, slíkur var fjöldinn. Bæði lið
eiga að geta leikið mikið betur.
Miklar sveiflur voru í leiknum,
sem e.t.v. var afleiðing margra mis-
taka. Fram-liðið var með frum-
kvæðið í leiknum lengst af og náði
oft tveggja til þriggja marka og
stundum fjögurra marka forskoti en
hélst illa á því. Baráttuglaðir leik-
menn Stjörnunnar voru svo sann-
arlega ekki tilbúnir að gefa mögu-
leikann á hugsanlegum oddaleik frá
sér átakalaust.
Stjarnan lék lengst af 5/1 vörn
með Hönnu Guðrúnu Stefánsdóttur
sem fremsta mann. Fram-liðinu
gekk illa, einkum framan af leiknum
að finna leiðir til þess að opna fyrir
Stellu, aðalskyttu sína.
Varnarleikur beggja liða var í
góðu lagi og markverðirnir, Íris
Björk Símonardóttir hjá Fram og
Sólveig Björk Ásmunardóttir,
Stjörnunni, voru með á nótunum.
Einkum varði Íris Björk jafnt og
þétt allan leikinn og sennilega reið
framganga hennar baggamuninn
fyrir Fram að þessu sinni.
Jafnt varð að loknum fyrri hálf-
leik, 11:11. Fram byrjaði síðari hálf-
leikinn af krafti og komst í 15:11 og
virtist ætla að taka völdin í leiknum.
Sú varð ekki raunin. Stjarnan jafn-
aði metin, 17:17, og eftir það var
mikil barátta á báða bóga. Stjarnan
náði í fyrsta sinn forystu, 20:19, þeg-
ar sjö mínútur voru eftir. Liðið bætti
síðan marki við, 21:19, og virtist ætla
að hafa sigur. Sú varð ekki raunin.
Fram-liðið var sterkara á enda-
sprettinum og skoraði þrjú síðustu
mörkin. Sigurmarkið skoraði Karen
Knútsdóttir úr vítakasti þegar ein
mínúta var eftir. Eftir að ruðningur
var dæmdur á Stjörnuna 14 sek-
úndum fyrir leikslok rann síðasti
möguleiki liðsins á að jafna metin og
knýja út framlengingu, út í sandinn.
Eigum harma að hefna
„Það verður gaman að takast á við
Val í úrslitunum. Við eigum harma
að hefna fyrir síðasta ár þegar við
töpuðum fyrir Valsliðinu í úrslit-
unum. Við erum staðráðnar í að
mæta af fullum krafti í einvígið við
Val og hefna fyrir síðasta ár. Við
ætlum okkur að vinna að þessu
sinni,“ sagði Stella Sigurðardóttir,
stórskytta Fram-liðsins.
 Á mbl.is/handbolti er að finna
myndskeið með viðtölum við Einar
Jónsson þjálfara Fram og Gústaf
Adolf Björnsson, þjálfara Stjörn-
unnar.
Íris Björk frábær
Morgunblaðið/Kristinn
Áfram Ásta Birna Gunnarsdótir, fyrirliði Fram, og samherjar eru komnir í
úrslit eftir að hafa unnið Stjörnuna í tvígang í undanúrslitum.
 Fram skoraði síðustu þrjú mörkin gegn Stjörnunni og
tryggði sér sæti í úrslitum þriðja árið í röð
2 ÍÞRÓTTIR
MORGUNBLAÐIÐ MÁNUDAGUR 4. APRÍL 2011
Íþróttir Morgunblaðsins Hádegismóum 2, 110 Reykjavík, sími 5691100, netfang sport@mbl. is
Útgefandi Árvakur hf. Umsjón Víðir Sigurðsson, vs@mbl. is Auglýsingar sími 5691111 netfang
augl@mbl. is Bréfsími 5691110 Prentun Landsprent ehf.
Mýrin, undanúrslit kvenna í hand-
knattleik, N1-deildin, annar leikur
laugardaginn 2. apríl 2011.
Gangur leiksins: 0:1, 1:1, 1:3, 3:3,
5:9, 9:9, 9:11, 11:11, 11:15, 14:15,
19:19, 21:19, 21:22.
Mörk Stjörnunnar: Jóna Margrét
Ragnarsdóttir 6/3, Hanna Guðrún
Stefánsdóttir 4, Gunnur Sveinsdóttir
3, Solveig Lára Kjærnested 3, El-
ísabet Gunnarsdóttir 2, Hildur Harð-
ardóttir 1, Kristín Jóhanna Clausen 1.
Varin skot: Sólveig Björk Ásmund-
ardóttir 11/1 (þaraf 3 til mótherja).
Utan vallar: 10 mínútur.
Mörk Fram: Stella Sigurðardóttir 6,
Guðrún Þóra Hálfdánardóttir 5, Kar-
en Knútsdóttir 4/1, Ásta Birna Gunn-
arsdóttir 2, Hildur Þorgeirsdóttir 2,
Pavla Nevarilova 1, María Karlsdóttir
1, Sigurbjörg Jóhannsdóttir 1.
Varin skot: Íris Björk Símonardóttir
17 (þaraf 1 til mótherja).
Utan vallar: 4 mínútur.
Dómarar: Svavar Pétursson og Arn-
ar Sigurjónsson, ekkert sérstakir.
Áhorfendur: Innan við 100.
 Fram vann einvígið, 2:0.
Stjarnan - Fram 21:22
Fylkishöll, undanúrslit kvenna í hand-
knattleik, N1-deildin, annar leikur
laugardaginn 2. apríl 2011.
Gangur leiksins: 6:10, 10:16, 17:21,
20:28.
Mörk Fylkis: Sunna Jónsdóttir 5,
Sunna María Einarsdóttir 4, Nataly
Sæunn Valencia 3, Tinna Soffía
Traustadóttir 3, Unnur Ómarsdóttr
2, Anna María Guðmundsdóttir 1,
Indíana Jóhannsdóttir 1, Kristrún
Steinþórsdóttir 1.
Varin skot: Guðrún Ósk Maríasdóttir
12
Utan vallar: 10 mínútur.
Mörk Vals: Anett Köbli 7, Íris Ásta
Pétursdóttir 6, Hrafnhildur Ósk
Skúladóttir 6, Camilla Transel 4,
Anna Úrsúla Guðmundsdóttir 3,
Kristín Guðmundsdóttir 1, Rebekka
Rut Skúladóttir 1.
Varin skot: Guðný Jenný Ásmunds-
dóttir 7, Sunneva Einarsdóttir 5.
Utan vallar: 6 mínútur.
Dómarar: Brynjar Einarsson og Val-
geir Ómarsson.
Áhorfendur: 100.
 Valur vann einvígið, 2:0.
Fylkir - Valur 20:28