Morgunblaðið - 14.04.2011, Blaðsíða 6

6 14. apríl 2011finnur.is
„Skemmtilegast finnst mér að fá í
sölu vöru sem engir aðrir bjóða.
Þar nefni ég t.d. heila ísbúð sem
selst í pörtum, gínu í brúðarkjól,
uppstoppaðan fugl, billjardborð og
svo má ekki gleyma ferða-
gufubaðinu,“ segir Andrés Pétur
Rúnarsson, framkvæmdastjóri
Umboðssölunnar á Korputorgi.
Verslunin er í um 2.000 fermetra
húsnæði og veitir ekki af, svo
margt er í boði. Þar má nefna hús-
gögn í stofuna, svefnherbergið,
eldhúsið á skrifstofuna o.fl., heim-
ilistæki eins og þvottavélar, ís-
skápa, eldavélar, hljómtæki, hljóð-
færi, verkfæri, tómstundavörur og
svo mætti áfram telja.
Spara og gera góð kaup
Smáauglýsingar dagblaða og
vefsetur á borð við barnaland.is
eru helsti vettvangur þeirra sem
kaupa og selja notaðar vörur. Og
nú er Umboðssalan komin til sög-
unnar en fyrirtækið var sett á
laggirnar fyrir tæpum tveimur ár-
um. Var fyrst á Smáratorgi en ný-
lega var starfsemin flutt í helmingi
stærra húsnæði á Korputorgi.
„Í árferði eins og núna er fólk
nýtið og vill spara með því að gera
góð kaup. Reynir eftir megni að
gera sér einhvern pening úr því
sem þarf að víkja fyrir nýjum hlut-
um og sýnir sömuleiðis hagsýni í
innkaupum. Margvíslegar að-
stæður koma til þegar fólk er t.d.
að selja úr innbúum; stundum selj-
um við hluti sem koma úr dán-
arbúum, fólk er að endurnýja eða
breyta, aðrir eru að minnka við sig
og svo framvegis. Þetta er öll flór-
an,“ útskýrir Andrés Pétur og bæt-
ir við að í Umboðssölunni fái fólk
til dæmis sófasett, dekk undir bíl-
inn, eldhúsinnréttingu sem var í
eigu stórsöngvara, golfsett, reið-
hjól, hnakka, þvottavélar, sláttu-
vélar, ísskápa, rúm, ferðagufubað,
sjónvörp og sé þá fátt eitt nefnt.
„Við höfum gjarnan tekið í sölu
skrifstofuhúsgögn og búnað frá
fjármálafyrirtækjum, sem hafa
verið að draga úr umsvifum. Einn-
ig verslunartæki ýmiss konar sem
við höfum fengið frá skiptastjórum
þrotabúa. Eftir öllu slíku er tals-
vert leitað í dag þegar margir eru
að fara af stað með einhvern rekst-
ur smáan eða stóran og vilja sýna
hagsýni og gæta aðhalds, enda
óþarfi að kaupa nýtt þegar þú get-
ur fengið vörur í sömu gæðum á
25% af nývirði. Þeir sem til okkar
leita hafa auðvitað sjálfdæmi um
verðlagningu á því sem þeir setja í
sölu. Hins vegar reynum við jafnan
að fara einhvern milliveg og ráð-
leggjum fólki hvaða verð-
hugmyndir séu raunhæfar,“ segir
Andrés Pétur um Umboðssöluna
sem tekur þriðjung af söluandvirði
í sinn hlut.
sbs@mbl.is
Margt í boði hjá Umboðssölunni á Korputorgi
Morgunblaðið/Ómar
Í árferði eins og nú er fólk nýtið og vill spara með því að gera góð kaup, segir Andrés Pétur Rúnarsson hjá Umboðssölunni.
Gína í brúðarkjól og
uppstoppaður fugl
Reynir Sverrisson gerði heiðarlega
tilraun til að losa sig við frímerkja-
safnið sitt fyrir 17 árum. Hann leigði
sér bás í Kolaportinu og áætlaði að
þrjár helgar tæki að koma safninu í
verð. Raunin varð allt önnur, hann
er enn með bás og hefur meira að
segja aukið umsvifin og selur nú auk
frímerkja gömul póstkort. Fyrir tíu
árum færði Reynir út kvíarnar og
bætti við gömlum póstkortum.
„Núna er ég með tvöfaldan bás og
eftir því sem ég kemst næst selur
enginn annar hér á landi gömul póst-
kort. Mér hefur liðið óskaplega vel í
Kolaportinu, annars væri ég sjálf-
sagt ekki að þessu. Þetta er örugg-
lega stærsta félagsmiðstöð lands-
ins.“
Reynir kaupir flest frímerkin frá
Bretlandi eða Norðurlöndunum og
selur þau svo í básnum sínum í Kola-
portinu
„Útlendingar kaupa talsvert af
mér, bæði frímerki og kort, enda
hafa íslensk frímerki alltaf verið eft-
irsóknarverð. Áhuginn hér á landi er
sömuleiðis nokkur.“
Vinsælustu frímerkin eru þau sem
voru gefin út á konungstímabilinu
svokallaða, frá 1873-1944. Þetta voru
samtals 267 merki og 74 þjón-
ustumerki. „Þessi frímerki eru alltaf
eftirsóknarverð. Hjá mér eru
flugfrímerkin í uppáhaldi. Þau voru
gefin út árið 1930 og teiknuð af
Tryggva Magnússyni. Ég á nokkur
sett og þau eru auðvitað til sölu eins
og allt annað sem ég á í fórum mín-
um,“ segir Reynir sem þykir sölu-
mennskan í Kolaportinu gefandi og
er ekki á förum.
karlesp@mbl.is
Reynir Sverrisson á vaktinni í sautján ár
Frímerki og
kort í Kolaporti
Morgunblaðið/Sigurður Bogi
Mér hefur liðið óskaplega vel Kola-
porti, segir Reynir Sverrisson.
Hver kannast ekki við að sjóða að-
eins of mörg egg og gleyma afgangs-
eggjunum svo inni í kæli? Sérfræð-
ingar vara þó við því að soðin egg
séu geymd lengi, því svo merklegt
sem það er þá hafa eggin minna
geymsluþol soðin en ef þau væru
hrá.
Soðið egg ætti ekki að geyma í
kæli lengur en viku, og það sem
meira er að skurnin veitir ekki neina
vörn eftir suðu og óráðlegt að geyma
soðnu eggin við stofuhita í meira en
tvær klukkustundir, rétt eins og á
við um allan annan eldaðan mat.
Hrá egg eiga hins vegar að geym-
ast í um þrjár til fimm vikur í kæl-
inum.
Ertu ekki viss hvort eggið er í
lagi? Sama hvort um er að ræða
hrátt eða soðið egg er besta prófið
að þefa af innihaldi eggsins.
Skemmd egg gefa frá sér vondan
daun og eiga að fara rakleiðis í rusl-
ið.
Gott húsráð er svo að hafa nátt-
úruvænt og eiturefnalaust túss í eld-
hússkúffunni og merkja soðnu eggin
áður en þau eru sett í kælinn. Þann-
ig fer ekki milli mála hvaða egg geta
farið beint á samlokuna eða í salatið
næst þegar á að matbúa.
ai@mbl.is
Gagnleg húsráð og einföld matargerð
Ekki lúra
of lengi á
eggjunum
Morgunblaðið/Árni Sæberg
Eggin eru fullt hús matar, en kalla á
rétta geymslu eins og önnur matvæli.
NÝTT12 mánaðavaxtalausargreiðslur
Listhúsinu Laugardal, 581 2233 • Baldursnesi 6, Akureyri, 461 1150
Opið virka daga kl. 10.00 - 18.00 – laugardaga 12.00 - 16.00
Fermingartilboð
Gerið GÆÐA- og verðsamanburð
SAGA10.000 kr.vöruúttekt
fylgir öllum
fermingarrúmum
IQ-CARE
Stærð Verð
120x200 109.900 kr.
Stærð Verð
120x200 164.900 kr.