Austurland - 17.02.1956, Blaðsíða 4
4
AUSTURLAND
Neskaupstað, 17. feb'rúar 1956.
Fréiiir af Héraði
Hallormsstað, 29. janúar.
Veðrið og samgöngurnar
Að íslenzkum sið byrjar maður
auðvitað á að tala um veðrið,
þegar segja skal. fréttir!
Við Héraðsbúar höfum nú í
janúar fengið að kenna á Vetri
konungi eins og aðrir landsbúar.
Eftir þíðviðriskaflann um áramót-
in gekk hér í norðlæga átt með
allmikilli snjókomu og verulega
miklu frosti. Svo mikið snjóaði,
að bílaumferð tepptist að heita
alveg. Kom sér nú heldur vel, að
snjóbíll er til á Egilsstöðum,
enda mun eigandi hans, Bergur
Ölason, lítt hafa staðnæmzt heima
hjá sér, nema yfir blánóttina. Var
hann ýmist í ferðum með lækna
eða flutningum með rjóma til
Rjómabús K.H.B. á Egilsstöðum
oS vöru- og farþegaflutningum
um Héraðið.
En um miðjan mánuðinn kom
þar, að snjóbíll Bergs bilaði, Þá
fannst bezt, hve háðir við erum
orðnir farartæki þessu. Mátti
heita, að samgöngur legðust með
öllu niður á Héraði. Raunar eru
til snjóbílar bæði á Seyðisfirði og
Reýðarfirði, en þeir eru báðir
bundnir í flutningum yfir Fjarð-
arheiði og Fagradal.
Samhliða fannfergi þessu komu
frost meiri en um langt skeið.
Hér á Hallormsstað komst það
hæst í 18.2 stig eina nóttina, og er
hið mesta, sem mælzt hefur síðan
veðurathuganir hófust hér árið
1937. Enda fór svo, að Lagarfljót
lagði í byrjun síðustu viku, Nokkra
síðustu daga fyrri viku hafði ver-
ið látlaus norðanstormur, og
myndaðist þá að lokum íshrönn
út á mitt Fljót hér efra, en það
mun mjög sjaldgæft. Strax og
storminn lægði, lagði ís á það, sem
eftir var.
Fyrir þremur dögum brá svo
til þíðviðris og hefur asahláka
verið síðan. Mestan snjó hefur
tekið og ísinn á Lagarfljóti er
farinn að brotna. upp. Verður nú
væntanlega bílfært aftur, a. m. k.
ef frýs.
Framkvænulir við
Grímsárfoss
Fleiri almælt tíðindi segi ég
ekki að sinni, en sný mér að því
efni, sem millifyrirsögnin greinir.
Fyrir jól lauk fyrstu skorpu
verksins við virkjun Grímsár.
Vinna hófst þar aftur um miðjan
þennan mánuð og starfa þar nú
fáir menn að sprengingum að- og
frárennslisganga rafstöðvarinnar
27—8 m undir yfirborði jarðar.
Verður einkum unnið við þetta til
vors. En þá hefst af fullum krafti
bygging hinnar miklu stíflu virkj-
unarinnar (sem verður 12 m há í
árfarveginum) og hafin verður
gerð stöðvarhússins sjálfs.
Um miðjan desember komi ég
að Grímsárfossi og hitti þá Rögn-
vald Þorláksson verkfræðing,
stjórnanda verksins. Hann sýndi
mér framkvæmdir og skýrði frá
gangi þeirra fyrsta áfangann. Fer
hér á eftir í megindráttum það,
sem hann sagði mér.
En fyrst skulu rifjuð upp örfá
atriði varðandi framkvæmd þessa.
Virkjunin á að framleiða 2400
kílówatta raforku. Allar mælingar
og áætlanir hefur Sigurður Thor-
oddsen verkfræðingur gert. en
Sigvaldi Thordarson húsameistari
hefur teiknað hús, sem reist
verða í samfoandi við virkjunina.
(Þeir önnuðust líka þessa hluti
við nýju Laxárvirkjunina). Sjálf
rafstöðin verður neðanjarðar og
er fyrsta slík stöð, sem teiknuð
hefur verið af íslendingum. Verk-
fræðifirmað Verklegar fram-
kvæmdir h. f. hefur tekið verkið
að sér.
Vinna hófst við Grímsárfoss 3.
ágúst s. 1. Var fyrst lagður 700
m langur vegur frá þjóðvegi nið-
ur að fossi. Síðan hafa verið reist-
ir tveir timburskálar yfir verka-
menn og eiga þeir að hýsa 50
manns til borðs og sængur. Flat-
armál hvors þeirra er um 140 fer-
metrar. Skálar þessir eru einkar
vistlegir. Þá hefur verið reist tré-
smíðaverkstæði og járnsmiðja,
steyptir grunnar undir tvö íbúðar-
hús starfsmanna stöðvarinnar og
annað þeirra reist í mótumi. Lokið
er við að grafa fyrir stíflunni, en
eftir að sprengja fyrir undirstöð-
um hennar. Ótalið er þá aðalverk-
ið til þessa,, sem er vinna við að
sprengja fyrir stöðvarhúsinu.
Þessu verki lauk fyrir jólin og
gefur nú að líta skammt frá foss-
inum holu eina mikla, sem er 27
m djúp, 8 m í þvermál — eða tæp-
ir 1400 teningsmetrar að rúmtaki.
I haust unnu þarna flest um 40
manns. Um % hlutar þeirra ófag-
lærðir menn. Flestir Austfirðing-
ar.
Rögnvaldur Þorláksson gat
þess aðspurður, að verkið hefði
til þessa gengið eftir áætlun
þeirri, semi verktökunum var snið-
in. Sig. Blöndal.
Goðanes
kom af veiðum á þriðjudag með
mikinn afla, 346 tonn og mun
ekki áður hafa komið með svo
mikinn fisk í einu. Nær allur afl-
inn var þorskur fremur smár, ekki
ósvipaður færafiskinum við
Langanes. Allur þessi afli fékkst
á Austurlandsmiðum og er sum-
part frystur og sumpart saltaður.
Goðanes fór aftur á veiðar í
fyrrinótt.
Vinstri sigur í Járn-
iðnaðarmannafél.
Til skamms tíma var það svo,
að í Félagi járniðnaðarmanna í
Reykjavík tókust á mjög jafn-
sterkar fylkingar vinstri og hægri
manna, en þó hafði afturhaldið
haft yfirhöndina um nokkur ár
með örlitlum atkvæðamun og var
íhaldsmaðurinn Sigurjón Jónsson
formaður.
Árið 1953 er síðasta árið, sem
afturhaldið stjórnaði félaginu og
hafði þá 4 atkvæði fram yfir
vinstri menn. En 1954 kemst fé-
lagið undir stjóm vinstri manna
mieð 19 atkvæða meirihluta og
1955 bæta þeir aðstöðu sína stór-
lega, fá 61 atkv. meirihluta.
Úrslitin í stjórnarkosningunum
í ár eru nú kunn orðin. Hlutu
vinstri menn 184 atkv. en hægri
menn 103.
Sigrar vinstri manna í verklýðs-
félögunum benda eindregið til þess
hvert straumurinn liggur. Þeir
benda til þess, að það sé vilji
fólksins, að efnt sé til vinstri
samvinnu í landinu gegn þeim
spillingaröflum, sem nú drottna
og virðast vera að leiða algjört
öngþveiti yfir þjóðina.
ðr bænum
Af mæli:
Hildur Jónsdóttir, kona Eiríks
Elíssonar, trésmiðs, varð 65 ára
í gær, 16. febrúar. Hún fæddist í
Miðhúsum í Mjóafirði en hefur átt
hér heima frá tveggja ára aldri.
Dánarfregnir.
Halldór Einarsson trésmiður
andaðist að heimili sínu, Ekru,
aðfaranótt sunnudags eftir löng
og erfið veikindi. Hann fæddist í
Seldal í Norðfjarðarhreppi 10. júlí
1885, en fluttist hingað 1889.
Foreldrar hans voru hjónin Einar
Jónsson, sem lengi var hreppstjóri
hér á Nesi, og Jónína Halldórs-
dóttir. Einar var ættaður úr
Reyðarfirði, en Jónína var af
merkum, þingeyskum ættum.
Halldór var lengi byggingar-
fulltrúi bæjarins.
Kvæntur var Halldór Emmu
Jónsdóttur og lifir hún mann sinn
ásamt tveim dætrum þeirra hjóna,
Jónínu, konu Ármanns Eiríksson-
ar útgerðarmanns og Guðrúnu,
konu Axels Magnússonar vél-
stjóra.
María Jónatansdóttir andaðist í
gær á heimili dóttur sinni Laufeyj-
ar Arnórsdóttur og tengdasonar
Bjarna Lúðvíkssonar. Hafði hún
í vetur hlotið slæma byltu á svelli
og steig ekki á fætur eftir það.
María var fædd á Borgarfirði
eystra 10. ágúst 1874 og var því
á 82. ári, er hún lézt, Hingað til
bæjarins fluttist hún 1920.
Níræð á morgun:
María Hjálmars-
dóttir, Mjóaíirði
Á morgun — 18. febrúar —
verður María Hjálmarsdóttir,
Sandhúsi í Mjóafirði níræð. Hún
fæddist á Reykjum í Mjóafirði og
þar í sveit hefur hún átt heima
alla ævi og í Sandhúsinu bjó hún
allan sinn búskap.
María er af þekktum og kjarn-
miklum austfirzkum ættum. Föð-
urfaðir hennar var Hermann
Jónsson í Firði, hinn nafnfrægi
höfðingi Mjófirðinga og í móður-
ætt er hún einnig komin af Her-
manni í 4. lið, því foreldrar hennar
voru náskyldir. I móðurætt er
hún einnig 4, maður frá Skúla
Sigfússyni á Brimnesi, sem Skúla-
ætt er frá talin. Eru ættir Maríu
auðraktar langt í aldir aftur.
Móðir hennar hét Jóhanna Sveins-
dóttir. Eignuðust þau Hjálmar og
Jóhanna 12 börn, en með fyrri
konu sinni eignaðist Hjálmar a.
m. k. 6 börn.
Meðal albræðra Maríu voru hin-
ir þekktu athafnamenn Konráð og
Gísli Hjálmarssynir, en Vilhjálm-
ur á Brekku var hálfbróðir henn-
ar.
María giftist 21. okt. 1888 Larsi
Kristjáni Jónssyni, en hann and-
aðist 12. maí 1941 78 ára að aldri.
Eignuðust þau 6 börn og eru 5 á
lífi.
María ber sinn háa aldur vel og
er hin ernasta.
Leiðrétting
Vestmannaeyjum, 9.-2.-’56.
Herra ritstjóri,
Ég vil leyfa mér að leiðrétta
misskilning, sem var í grein Magn-
úsar Guðmundssonar í blaði yðar
Austurlandi 23. des. 1955.
Þar ssgir að Högni Sigurðsson
hafi flutzt aftur til Vestmanna-
eyja og andazt þar fyrir fáum
árum.
Þetta er ekki rétt. Högni Sig-
urðsson er enn lifandi við góða
heilsu og ern vel.
Virðingarfyllst,
Högni Sigurðsson (yngri).
Austurland
Málgagn sósíalista á Austur-
landi.
Ritstjóri:
Bjarni Þórðarson.
Kemur út einu sinni í viku.
Lausasala kr. 2.00.
Árgangurinn kostar kr. 60.00.
Gjalddagi 1. apríl.