Morgunblaðið - 01.09.2011, Blaðsíða 6

Létt og leikandi er það sem er vinsælt hjá fólki í dag.
fasteignir
Til leigu skrifstofuhúsnæði
Bláu húsunum Faxafeni, 3. hæð + ris
Frábær staðsetning
4 Skrifstofur + móttaka 88 m2.
Ris / fundar- og kaffiaðstaða 64 m2.
Sameign og wc 28 m2.
Samtals 180 m2. Tölvulagnir og
símstöð m. 8 tækjum. Laust strax .
Uppl. Sverrir 824 7550 - sigfusson@isl.is
Safnahúsið við Hverfisgötu í Reykjavík var tekið í
notkun 1907. Þar var Landsbókasafnið
og raunar flest söfn landsins.
Um aldamót var húsinu svo
breytt og í dag eru fundarsalir og
sýningar á höfuðdjásnum Íslend-
inga í Þjóðmenningarhúsi.
Íslensk hús
Þjóðmenningarhús
„Við þurfum að fjölga valkostum í húsnæðis-
málum,“ segir Eygló Þóra Harðardóttir, þing-
maður Framsóknarflokksins. Hún hyggst í
haust leggja fram á Alþingi
frumvarp um sparnaðar-
reikninga til íbúðarkaupa
skv. norskri fyrirmynd.
Grunntónn í frumvarpinu
er sá að fólk undir 34 ára
aldri fengi 20% skattaaf-
slátt af sparnaði til hús-
næðiskaupa fyrir allt að
þremur millj. kr. Mætti þá
einu gilda hvort fólk keypti
sér eign eða festi sér hana
í búseturéttarfélögum.
Eygló bendir á að um 1990 hafi sérstakir
sparnaðarreikningar eyrnamerktir fasteigna-
kaupum boðist almenningi. Síðar hafi þeir
verið lagðir af og þess í stað boðin húsnæð-
islán sem gátu numið allt að 90% af kaup-
verði. Sú stefna hafi ekki reynst sem skyldi,
enda nauðsyn að hafa eigið fé þegar farið sé í
fjárfestingar. Því geta sparnaðarreikningar
verið góð leið, segir Eygló sem auk þessa vill
draga úr áhrifum verðtryggingar.
Þingmaður vill nýja húsnæðisstefnu
Morgunblaðið/Sigurður Bogi
Húsnæðissparnaður
veiti skattaafslátt
Eygló
Harðardóttir
Eigendur fallegustu
garða á Akureyri fengu
viðurkenningu um
helgina. Meðal þeirra
voru Óli Austfjörð og
Elsa Heiðdís Hólm-
geirsdóttir í Holtagötu
11. Við hús þeirra er, að
sögn dómnefndar, fal-
legur garður sem fellur vel að húsinu. Hæð-
armunur á lóð hefur verið tekinn af og tré
endurnýjuð svo útkoman er vel hirt og
smekkleg lóð.
Fallegir garðar á Akureyri
Hugguleg Holtagata
Hugmynd okkar um heimilið hefur tekið töluverðum breyt-ingum á undanförnum árum og áratugum. Staða kynjannaá heimilinu á m.a. sinn þátt í því auk þess að fólk sækistfrekar eftir því að búa miðsvæðis í minni íbúðum en í
stórum húsum í úthverfum. „Frá aldamótum hefur þessi hugs-
unarháttur verið að lauma sér inn á Íslandi. Fólk vill frekar búa í eldri
hverfum borgarinnar og þá í minni íbúðum. Það er líka meira um opin
rými og stássstofan sem börnin máttu varla fara inn í nema um jól og
páska er alveg dottin út. Hólfunin í sérherbergi er að hverfa og opna
rýmið virðist vera að ná yfirhöndinni,“ segir Þórunn Pétursdóttir, út-
stillingarstjóri Ikea, og bætir því við að staða kvenna í samfélaginu hafi
örugglega haft einhver áhrif á breytingu í þessa átt. „Hér áður var kon-
an oft ein í eldhúsinu að elda ofan í fjölskylduna. Núna er miklu meira
jafnræði í því og karlmennirnir eru búnir að sanna sig í eldhúsinu. Það
kallar líka á opnari rými sem einangrar ekki þá sem sjá um eldamennsk-
una hvort sem það er gagnvart fjölskyldunni eða gestum. Við viljum
geta spjallað við fólkið í kringum okkur þegar við erum að elda.“
Léttleikinn í fyrirrúmi
„Þungu húsgögnin með miklum íburði eru að víkja fyrir léttum og
íburðarminni í dag. Hluta af þessari sveiflu má sjá með léttum tekk-
húsgögnum sem eru að verða vinsæl aftur. Ætli margir sjái ekki eftir því
í dag að hafa hent gamla skenknum hennar ömmu?“ Hjá Ikea er Stokk-
hólmslínan að verða vinsæl aftur en hún datt út fyrir mörgum árum að
sögn Þórunnar. „Tískan gengur í hringi og við sjáum áherslur koma aft-
ur sem fyrir löngu voru horfnar og komnar í sögubækurnar. Stokk-
hólmslínan okkar er gott dæmi um þetta. Þetta er tekklína úr vönduðum
en léttum við. Hún passar mjög vel inn í hugmyndafræðina sem við er-
um að sýna í dag, þ.e. hvernig nýta má minni rými sem best.“ Þórunn
telur skýringuna á tískunni vera að finna í smærri íbúðum sem beri ekki
jafn þungar mublur. „Margir eru að minnka við sig eftir hrun, bæði hér
heima og erlendis. Þess vegna reynum við að sýna í okkar uppstillingum
hvernig nýta má hlutina sem best í minna rými t.d. undir rúminu og með
skápum upp í loft.“
Húsgögnin á heimilinu
„Þegar rými eru opnuð er minna um að fólk kaupi heilu sófasettin eins
og áður. Nú erum við að selja staka sófa sem er ætlað að passa við önnur
húsgögn og stóla sem fyrir eru í stofunni. Það er að koma aftur tímabil
þar sem fólk nýtir hlutina sem það á betur og blandar meira saman því
sem það á við nýtt.“ Að sögn Þórunnar kemur það þó einstaka sinnum
fyrir að einhver vilji fá allt heila settið. „Það gerist sjaldan að fólk biður
um alla uppstillinguna. Það er líka orðin miklu meiri fjölbreytni í dag og
við þurfum að gæta þess í okkar uppstillingum. Til dæmis eru að seljast
bæði leðursófar og tausófar í öllum litum. Áður fyrr var oft mikil sveifla í
aðra hvora áttina. Annars er með önnur húsgögn meiri sveifla í allt sem
er létt og ekki plássfrekt,“ segir Þórunn og bætir því við að þungu hæg-
indastólarnir séu ekki alveg dottnir út en eftirspurn eftir þeim hafi
minnkað töluvert. „Létt og leikandi er það sem er vinsælt hjá fólki í dag
og við erum með okkar línum að reyna að koma til móts við þá kröfu.“
vilhjalmur@mbl.is
Húsgögn í stofuna Nýr vörubæklingur IKEA fór nýlega í hús. Nýting hvers rýmis og léttleiki.
Léttleikinn
inn á heimili
landsins
Morgunblaðið/Sigurgeir S.
Tískan gengur í hringi og við sjáum
áherslur koma aftur sem fyrir löngu voru
horfnar og komnar í sögubækurnar.
Stakir sófar eiga oft að rýma við önnur húsgögn í stofunni.
Þungu húsgögnin eru að víkja fyrir léttum og íburðarminni.
„Stássstofan sem börnin máttu varla fara inn í nema um jól og páska er
alveg að detta út,“ segir Þórunn Pétursdóttir, útstillingastjóri Ikea.