30. júní - 28.06.1968, Page 8

8
30. JÚNl
„Ég treysti því að samband mitt við
fólkið þurfí ekki að rofna "
— Viðtal við dr. Kristján Eldjárn —
Nú llður senn að lokum þessarar Jcosningabaráttu, og
virðist þá réttmœtt að llta til baka og meta, hversu striðið
hefur verið háð af beggja hálfu. En þó skal einkum horfa
fram, i bjartsýnni trú og von um sigur, og skyggnast eftir
þvi, sem við muni taka að kosningum loknum.
f þessu skyni hefur blaðamaður frá 30. júni komið að
máli við forsetaefni, dr. Kristján Eldjárn, og lagt fyrir
hann fáeinar spurningar.
Hvað vilt þú i fáum orðum segja um kosningaundirbún-
inginn? Hefur hann orðið með nokkrum hætti á annan
veg en þú vœntir l upphafi?
Dr. Kristján Eldjárn er hér með Haraldi ríkisarfa Norómanna,
sem er aó skrifa í gestabók Þjóðminjasafns.
Að miklu leyti hefur þetta gengið likt og ég bjóst við.
Þó hafði ég ekki vænzt þess, að undirbúningurinn mundi
hefjast svona snemma af fullum krafti. Mér finnst hann
hafa orðið of langur, umsvifamikill og kostnaðarsamur.
Ég hafði til dæmis ekki gert ráð fyrir því, að stuðnings-
menn mínir gæfu út jafn-mörg blöð og raun hefur orðið.
Ekki hafði ég heldur gert ráð fyrir fundahöldum svo víða
um land, né heldur þremur dagskrárþáttum í sjónvarpi og
útvarpi. En þess er að gæta, að keppinautar okkar hafa
jafnan gengiö á undan í þessum efnum. Þeir byrjuðu blaða-
útgáfu miklu fyrr en við höfðum vænzt, og þeir hafa einn-
ig gefið út fleiri blöð en við. Svipað er að segja um funda-
höldin. Dr. Gunnar Thoroddsen og stuðningsmenn hans
hófu kynningarfundi víða um land, og var þá tæpast um
annað að ræða fyrir okkur en feta sömu slóð að nokkru
leyti. En ég gat ekki brugðiö strax við, og þess vegna vannst
mér ekki tími til að koma á alla þá staði, sem ég hefði
viljað heimsækja. Fundur, sem ákveðinn hafði verið i Vest-
mannaeyjum núna á sunnudaginn var, féll niöur sökum
þess að ekki var hægt að fljúga til Eyja. Allt þetta vil ég
biðja stuðningsmenn mína á þessum stöðum að skilja og
virða á betri veg.
En hvað vilt þú segja um málflutninginn i blöðum þeim,
sem út hafa verið gefin til stuðnings þér, og einnig í hin-
um, sem styðja dr. Gunnar Thoroddsen?
Um blöð þau, sem styðja dr. Gunnar Thoroddsen, hef ég
ekki ástæðu til að fara mörgum orðum. Þar hefur að vísu
ýmislegt rangt verið um mig sagt eða gefið i skyn, og
ýmsar hrakspár komið fram, sem ég vona að muni af-
sannast, ef ég næ kosningu. En þetta er engin nýjung 1
kosningabaráttu, og ég sé enga ástæðu til aö barma mér
yfir því. Mér hefur stundum virzt engu likara en greina-
höfundar hafi vitað, að þeir fóru ekki með rétt mál, — og
þá ætla ég, að lesendur hafi fundið þetta eigi síður.
Á blöð ykkar stuðningsmanna minna vil ég leyfa mér að
ljúka miklu lofsorði. Þau hafa verið vel skrifuð og myndar-
leg á allan hátt. Sérstaklega vil ég þakka ykkur þann hóf-
semdar- og menningarbrag, sem verið hefur á öllum ykk-
ar skrifum. Eftir því sem ég veit bezt, hefur þar ekki verið
um að ræða neinar persónulegar árásir, enda á slíkt ekkl
að sjást í kynningarblöðum frambjóðenda til forsetakjörs.
Ég hef einnig orðið var við, að þessi blær á blöðum ykkar
hefur mælzt mjög vel fyrir, og mér þykir sú skoðun al-
mennings bera vitni um þroska þjóðarinnar.
Eitt af þvi sem menn spyrja um og ihuga fyrir þessar
forsetakosningar, er það, hvort þú hyggist gera einhverjar
breytingar á forsetaembœttinu og forsetastarfinu — og þá
hvaða breytingar —, ef þú verður kjörinn. Hvað vilt þú segja
um það efni?
Tveir afbragðsmenn hafa setið hér á forsetastóli, og
þeir hafa mótað forsetaembættið á marga lund, skapað