Morgunblaðið - 10.10.2011, Side 8

8 ÍÞRÓTTIR
MORGUNBLAÐIÐ MÁNUDAGUR 10. OKTÓBER 2011
HANDBOLTI
Guðmundur Hilmarsson
gummih@mbl.is
Íslandsmeistarar FH mörðu belg-
íska liðið Initia Hasselt, 29:28, í
fyrri viðureign liðanna í 2. umferð
EHF-keppninnar í handknattleik
en liðin áttust við í Belgíu í gær.
Síðari leikur liðanna fer fram í
Kaplakrika á sunnudaginn.
FH-ingar höfðu sex marka for-
skot, 18:12, eftir fyrri hálfleikinn
en Íslandsmeistararnir slökuðu
heldur mikið á því Belgunum tókst
að jafna metin, 20:20, þegar um tíu
mínútur voru til leiksloka. Ólafur
Gústafsson, stórskytta Hafnfirð-
inga, fékk að líta rauða spjaldið
um miðjan seinni hálfleik en hann
fékk þá sína þriðju brottvísun í
leiknum.FH-ingar náðu góðum
kafla á ný og komust í 25:21, en
leikmenn Initia Hasselt gáfust ekki
upp og tókst að minnka muninn
niður í eitt mark undir lok leiksins.
Gerðust kærulausir
„Við unnum leikinn og það var
aðalatriðið. Fyrri hálfleikurinn hjá
okkur var mjög góður en í seinni
hálfleik gerðust menn heldur
kærulausir. Strákarnir slökuðu á
og Belgarnir voru fljótir að ganga
á lagið. Þeir náðu að komast inn í
leikinn og fyrir vikið var leikurinn
erfiðari en mér fannst sigur okkar
þó aldrei í hættu. Þetta var góð að-
vörun fyrir síðari leikinn,“ sagði
Kristján Arason, þjálfari FH-inga,
við Morgunblaðið í gær.
Andri Berg Haraldsson, leik-
stjórnandi FH-liðsins, gat ekki
leikið vegna meiðsla í baki og þá
var vinstri handar skyttan Ragnar
Jóhannsson hvíldur mikið í leikn-
um.
Góð reynsla fyrir strákana
„Það má ekki vanmeta þetta lið.
Við renndum blint í sjóinn áður en
við héldum út en það var gott að
ná sigri þó svo að hann hafi verið
tæpari en hefði átt að vera. Í
þessu liði Initia Hasselt eru sjö
landsliðsmenn Belgíu og það þarf
að taka þetta lið alvarlega. Ef við
spilum sem ein góð liðsheild í
Krikanum á sunnudaginn eigum
við slá belgíska liðið út. Við verð-
um að mæta einbeittir til leiks og
taka vel á þeim. Það er gaman að
taka þátt í Evrópukeppninni og
mikil reynsla fyrir marga af strák-
unum að taka þátt í svona leikj-
um,“ sagði Kristján en FH-ingar
tóku þátt í undankeppni Meist-
aradeildarinnar í síðasta mánuði í
Ísrael þar sem þeir töpuðu fyrir
sænska liðinu Haslum og ísraelska
liðinu Maccabi Rishon Lezion og
fyrir vikið fengu þeir keppnisrétt í
EHF-keppninni.
Ólafur Gústafsson var marka-
hæstur FH-inga með 6 mörk,
Baldvin Þorsteinsson skoraði 5 og
Magnús Magnússon 4.
Aðvörun fyrir seinni leikinn
Morgunblaðið/Ómar
Markahæstur Ólafur Gústafsson skoraði sex mörk fyrir FH en hann fékk rautt spjald um miðjan seinni hálfleik.
 Íslandsmeistarar FH-inga mörðu Initia Hasselt í EHF-keppninni í Belgíu  Ólafur Gústafsson fékk
rautt spjald um miðjan seinni hálfleik  FH-ingar sex mörkum yfir eftir fyrri hálfleikinn
HANDBOLTI
Sindri Sverrisson
sindris@mbl.is
„Fyrri hálfleikurinn í fyrri leiknum
er mikil vonbrigði en restin af ein-
víginu gekk vel og er eitthvað sem
hægt er að byggja á,“ sagði Guð-
ríður Guðjónsdóttir aðstoðarþjálfari
kvennaliðs Fram í handknattleik
sem féll úr leik í Evrópukeppni bik-
arhafa um helgina. Liðið mætti Al-
coa FKC í Ungverjalandi í tveimur
leikjum og tapaði þeim báðum, þeim
fyrri 31:22 og þeim seinni 29:26 í
gær eftir að hafa verið yfir í hálfleik,
15:13.
„Við áttum mjög góðan leik í dag
[í gær] og spiluðum alveg rosalega
vel í rúmar 45 mínútur. Fyrri leik-
urinn tapaðist strax í fyrri hálfleik
enda gekk þá nánast ekkert upp. Við
lentum 19:11 undir en töpuðum svo
seinni hálfleiknum með einu marki
þrátt fyrir að fá nánast enga mark-
vörslu. Það var alveg skelfilegt því
að við stóðum kannski vaktina mjög
vel í vörninni en svo kom eitthvert
„lúðaskot“ sem endaði alltaf í mark-
inu. Í seinni leiknum var allt annað
uppi á teningnum,“ sagði Guðríður
en Guðrún Ósk Maríasdóttir, mark-
vörður Fram, náði sér alls ekki á
strik í fyrri leiknum og varði aðeins
um sex skot. Í seinni leiknum varði
hún átján skot þrátt fyrir að hafa lít-
ið varið síðasta korterið. Guðríður
segir að þar sé kannski um að kenna
meiðslum Guðrúnar sem greint er
frá á forsíðu íþróttablaðsins.
Elísabet Gunnarsdóttir, línumað-
urinn öflugi sem kom frá Stjörnunni
í sumar, var markahæst Fram í báð-
um leikjunum. Hún skoraði 10 mörk
í gær og 6 mörk á laugardaginn.
Elísabet yfirburðaleikmaður
„Elísabet Gunnarsdóttir er að
koma gríðarlega sterk inn hjá okkur
og var yfirburðaleikmaður í báðum
leikjunum hérna,“ sagði Guðríður.
Birna Berg Haraldsdóttir var næst-
markahæst í gær með 5 mörk líkt og
Stella Sigurðardóttir í fyrri leiknum.
Bikarmeistarar Fram hófu leik-
tíðina á því að tapa fyrir HK í N1-
deildinni og Einar Jónsson þjálfari
sagði eftir þann leik að ljóst væri að
liðið þyrfti lengri tíma til að slípast
saman. Guðríður segir Ungverja-
landsdvölina góða til slíks.
„Þetta voru góðir leikir til að slípa
liðið betur saman og það var margt
mjög jákvætt í gangi. Við spiluðum
glimrandi vel á köflum en gerðum
okkur líka sekar um mistök sem þarf
bara að laga. Frammistaðan í seinni
leiknum mun gefa liðinu byr undir
báða vængi,“ sagði Guðríður sem
var að vonum vonsvikin yfir því að
ungverska liðið skyldi ná 8 marka
forskoti strax í fyrsta hálfleik af fjór-
um, því munurinn væri ekki svo mik-
ill á liðunum.
„Þetta er ágætislið. Það eru
kannski 2-3 lið hérna í Ungverja-
landi sem eru í sérflokki, og meðal
bestu liða heims, en þetta er ekki
svoleiðis lið. Engu að síður eru
þarna margir mjög flottir leik-
menn,“ sagði Guðríður.
Morgunblaðið/Golli
Úr leik Hornamaðurinn Ásta Birna Gunnarsdóttir skoraði samtals fjögur mörk í leikjunum tveimur við Alcoa FKC
þegar Fram féll úr keppni í Evrópukeppni bikarhafa í handknattleik kvenna í Ungverjalandi um helgina.
 Fyrsti hálfleikurinn gerði útslagið
Margt mjög
jákvætt