Austurland


Austurland - 08.03.1979, Blaðsíða 1

Austurland - 08.03.1979, Blaðsíða 1
iUSTURLAND Nauðsyn á hœkkun olíustyrksins 29. árgangur Neskaupstað, 8. mars 1979 10. tölublað Gallar í olíumölinni í ljós hefur komið að olíumöl, sem lögð var á götur á Eskifirði, Reyðarfirði og í Neskaupstað síð- astliðið sumar, uppfyllir ekki þær gæðakröfur sem til hennar voru gerðar. Viðloðun efnisins er ekki næg- anleg og „ullast" því olíumölin upp undan umferðinni og er því óeðlilegá mikið slitin miðað við umferð og þann tíma sem hún hefur verið á görunni. Samkvæmt upplýsingum Loga Kristjánssonar, bæjarstjóra í Nes- kaupstað var efnið þar undir eft- irliti bæjarverkfræðings og Rann- sóknarstofntmar byggingariðnað- arins og kom þá fljótlegá í ljós, að helmingur prufanna sem tekn- ar voru stóðst ekki suðuprófskröf- Félagslíf Hornfirðinga Eftir að vertíð byrjaði eftir ára- mót hefur verið frekar dauft yfir menningarlífinu fyrir utan hefð- bundin þorrablót og þess háttar. Þó eru einstaka félög alltaf með einhverja tilbreytni. Kvenfélagið Tíbrá hefur ætfð verið mjög lif- andi í starfi. Það heldur til dæmis basar og hlutaveltu og hefur með tekjum sínum fjármagnað ýmiss konar framkvæmdir í líknarmál- um hér. Líklega má þakka Kven- félaginu Tíbrá og Kvenfélagasam- bandi sýslunnar að hér er kominn góður vísir að elliheimili. Hér eru tvær slysavarnadeildir, karla og kvenna. Þær eru einnig mjög virkar. Karlmennirnir beita sér einkum að björgunarmálum en konurnar að fjáröflun. Þessi félög hafa í samstöðu lyft grettis- taki á sínu sviði. Svo er hér sæg- ur annarra félaga t. d. var ég á skátavígslu í fyrradag þar sem 20 nýir skátar voru vígðir á afmælis- degi Baden Powells. í félaginu á Höfn eru um 50 skátar og í ný- stofnuðu félagi í Nesjum nokkuð færri. — H. Þ. G. NESKAUPSTAÐUR 1929, 1979 Nú þegar kyndingarkostnaður þeírra, sem hita þurfa hús sín með olíu, æðir upp úr öllu valdi, er eðlilegt að spurt sé, hvers stuðn- ings sé að vænta af opinberri hálfu til viðbótar núverandi oliu- styrk. Við gerð fjárlaga beitti rík- isstjórnin sér fyrir því, að olíu- styrkurinn yrði tvöfaldaður frá því sem verið hefur en það var áður en hinar miklu hækkanir voru í sjónmáli. Þessi mál munu nú vera í at- hugun hjá ríkisstjórn og hefur nú komið fram hjá einstókum ráð- herrum, að þeir telji brýnt að deila byrðunum pg að hlaupið verði myndarlega undir bagga hjá þeim sem búa við olíukyndingu. Einnig virðist full ástæða til að endurskoða þau tengsl f verðlagn- ingu á raforku til húshitunar við olíuverð, sem nú eru í gildi, og hafa myndu í för með sér mikla og sjálfvirka hækkun á raforku til húshitunar á næstunni í kjölfar olíuverðshækkunar. Fáir Iands menn eiga jaf n mikið í húf i í þess- um efnúm og Austfirðingar og því vænta menn hér almennt aðgerða í þessum efnum. Fjölskyldu- skemmtun Fjölskylduskemmtun á vegum afmælisnefndar Neskaupstaðar verður í Egilsbúð þ. 16. þ. m. Skemmtunin er liður í hátíðar- höldum afmælisársins. Fjölbreytt efnisskrá, m. a.: einsöngur, Baldur Karlsson, Leik- félag Neskaupstaðar með þætti úr verkum Jónasar Árnasonar, Lions- kórinn syngur, nemendur Tónskól- ans leika og ýmislegt fleira. Mætum öll og eigum saman ánægjulega kvöldstund. (fréttatilkynning) Umhverjis Hlíðarskálánn á Eskifirði var lögð olíumöl og gengið jrá gangsiéitum. Skólaskákkeppni ur sem benti til þess að viðloðun olíumalarinnar væri ekki næg. Þegar þessir gallar komu í ljós beitti hann sér fyrir að haldinn yrði fundur um málið, þegar í stað, með fulltrúum sveitarfélag- anna, Olíumalar, verkfræðistofa og rannsóknarstofnunar byggingar- iðnaðarins. Rannsóknarstofnunin taldi sig ekki geta úrskurðað efnið ónot- hæft þrátt fyrir niðurstöður pruf- anna og varð því úr að ákveðið var að leggja olíumölina á 500 m langan kafla í Neskaupstað á kostnað Olíumalar hf. og reynsla látin skera úr um gæðin. Jafnframt varð að samkomu- lagi að Rannsóknarstofnunin hefði eftirlit með efninu og ef gallar kæmu í ljós léti Olíumöl annað efni af hendi eða olíumölin yrði verðlögð upp á nýtt. Fulltrúar Rannsóknarstofnunar- innar munu koma austur um leið bg snjóa léttir til að rannsaka olíumölina og gefa sinn úrskurð. Að þeim úrskurði fengnum verður hægt að hefja samninga við Olíumöl hf. að nýju. Síðastliðinn sunnudag fór fram á Eiðum sýslumót skólaskák- keppninnar. Þar voru mættir til keppni nemendur úr grunnskólum Suður-Múlasýslu, Eskifirði og Neskaupstað. Teflt var í tveimur flokkum, yngra flokki, sem í eru nemendur í 1.—6. bekk, þar mættu nemendur úr 6 skólum og eldra flokki, sem í eru nemend- ur 7.—9. bekkjar þar mættu nem- endur úr 5 skólum. Skólaskákmeistari S.-Múl. og kaupst. varð í yngri flokki Þor- valdur Logason, Neskaupstað og í eldra flokki Kristinn Bjarnason, Eiðum. Hljóta þeir verðlauna- peninga og bikar að launum. í öðru sæti í yngri flokki varð Bjarki Unnarsson, Eskifirði, og í þrlðja sæti Georg Pálsson, Reyð- arfirði. í Öðru sæti í eldra flokki varð Jón A. Kjartansson, Eiðum og í 3. sæti Þór Jónsson, Eskifirði. Þessir piltar keppa síðan á kjördæmismóti ásamt nemendum frá A.-Skaftafellssýslu og N-Múla- sýslu um titilinn skólaskákmeistari kjördæmisins. Sigurvegari þar keppir síðan á landsmóti þar sem skólaskákmeistarar kjördæmanna og 2 nemendur frá Reykjavík keppa um titilinn Skólaskákmeist- ari fslands í hvorum flokki fyrir sig. Frumvarpið enn i deiglu Frumdrög um stjórn efnahags- mála og fleira voru enn til með- ferðar í rikisstjórninni er blaðið fór í prentun og óvíst hvort og hvenær þau verða lögð fram á Alþingi. í síðustu viku bárust rík- isstjórninni umsagnir um frum- varpsdrög forsætisráðherra frá að- ilum vinnumarkaðarins með fjöl- mörgum athugasemdum og kröf- um um breytingar. Ráðherrar Alþýðubandalagsins lögðu í síðustu viku fram í ríkisstjórninni tillögur sínar um breytingar á frumvarpinu og voru margar þeirra svipaðs eðlis og athuga- semdir launþegasamtaka en höfðu einnig að geyma nokkur ný efnis- atriði og kafla til viðbótar, meðal annars um hagræðingu og áætl- anagerð í atvinnuvegunum. Þá hefur forsætisráðherra einnig kynnt hugmyndir um breytingar á fyrri tillögum sínum og koma sumar þeirra, að því er hermt er, til móts við sjónarmið Alþýðu- bandalagsins og launþegasamtak- anna, meðal annars varðandi greiðslu vísitölu á laun. Er þess að vænta að línur skýr- ist, varðandi stefnumörkun í efnahags- og atvinnumálum, öðru hvoru megin við komandi helgi og hvort saman gengur með stjórn- arflokkunum eftir þóf síðustu vikna. Ljóst er að Alþýðuflokkurinn unir illa sínum hlut, einkum Vil- mundararmurinn en forsprakki hans stóð fyrir tillöguflutningi á Alþingi í síðustu viku um að frum- varpsdrög forsætisráðherra skyldu borin undir þjóðaratkvæði en hann dró síðan tillögu sína til baka, eftir að hún hafði vakið furðu og aðhlátur manna í tvo daga. Hins vegar tóku þá sjálfstæðismenn upp þráðinn með tillögu um þingrof og nýjar kosningar og er það Framh. á 2. síðu Kristinn Bjarnason Eiðum Þorvaldur Logason Neskaupstað Hœkkun olíuverðsins á heimsmarkaðnum breytir viðhorfum í orkubúsk • • num Hækkun olíuverðs á heimsmark- aði að undanförnu, sem á eftir að skella á íslcnsku efnahagslífi af meiri þunga en fram er komið í verðlagi á olíu og bensíni til þessa, breytir ýmsum viðhorfum í orkubúskap þjóðarinnar ef um varanlega þróun er að ræða. Fram kom hjá Hjörleifi Guttormssyni, iðnaðarráðherra í Kastljósi Sjón- varpsins um daginn, að auk orku- sparandi aðgerða þurfi að endur- meta ýmsar áætlanir í orkumál- um og ef til vill breyta fram- kvæmdaröð og herða á fram- kvæmdum sem flýtt gætu fyrir því, að innlendir orkugjafar leysi innflutt eldsneyti af hólmi. Þetta varðar meðal annars línulagnir til að útrýma dieselkeyrslu til raf- orkuframleiðslu og endurbætur á dreifikerfi í strjálbýli, þannig að unnt sé að taka upp beina raf- hitun í stað olíukyndingar. Fundir syðra um orkumál Iðnaðarráðuneytið hefur nú boðað til fundar þar sem þessi nýju viðhorf verða rædd með tilliti til landsins í heild og einstakra landshluta. Þannig koma saman í byrjun næstu viku yfir 30 sérfræðingar til að bera saman bækur um við- brögð við olíuverðshækkunum og til að leggja á ráðin um breyttar áherslur í orkuframkvæmdum á næstunni og horft til lengri tíma. Þá hefur iðnaðarráðherra boð- að til sérstaks fundar um orkumál Austurlands og verður hann hald- inn í Reykjavík á morgun, föstu- dag. Meðal þátttakenda eru al- þingismenn kjördæmisins, formað- ur og framkvæmdastjóri SSA og orkunefnd SSA svo og fulltrúar úr orkunefnd Hafnar í Hornafirði. Á fundinum munu sérfræðingar flytja yfirlitserindi um stöðu orku- mála fjórðungsins og þá kosti sem helst eru taldir koma til greina til úrbóta á næstu árum og síðan verður skipst á skoðunum. Miklar umræður hafa verið að undanförnu um aðgerðir í orku- málum fjórðungsins, ekki síst varðandi Bessastaðaárvirkjun og hugsanlega hringtengingu sunnan jökla á næstu árum og sýnist þar sitt hverjum. Fundurinn, sem ráð- herra hefur boðað til, mun ætlaður til að fá fram hugmyndir manna og umræður um ný viðhorf, meðal annars að því er varðar-æskilega tengingu Austur-Skaftafellssýslu við raforkukerfi (andsins, fyrr en seinna. " í -¦.

x

Austurland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Austurland
https://timarit.is/publication/808

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.