Austurland - 28.06.1979, Blaðsíða 4
Æusturland
Neskaupstað, 28. júní 1979.
Auglýsið f Austurlandi
Símar 7571 og 7454
Gerist áskrifendur
Þinn hagur. — Okkar styrkur.
SPARISJÓÐUR NORÐFJARÐAR
I minningu skipverjanna
af Hrönn frá Eskifirði
Jóhannes Steinsson
I hljóðum harmi drúpa menn
höfði í dag. Sorgarlag hefur sær-
inn sungið Eskifirði. Ágætir dáða-
drengir eru í einni andrá horfnir í
hafsins djúp. Heimabyggð þeirra
er slegin myrkum rúnum hryggð-
ar og trega og sá djúpi tregi berg-
málar í brjóstum manna víðs
vegar, ekki síst um Austurland
allt. Á slíkum stundum er erfitt
um orð og aðeins skal hér fáum
og fátæklegum orðum minnast
mætra drengja.
í kaupstaðnum við Eskifjörð er
nú skarð fyrir skildi. Mikið mann-
val var á Hrönn, þegar hún fórst,
mikil og hörmuleg blóðtaka ekki
stærra byggðarlagi. Ég þekkti þá
félaga mismikið, var málkunnugur
öllum, en við suma átti ég nán-
Eiríkur Bjarnason
ari kynni en aðra. í huga mér
leiftra myndir liðinna ára, ljós-
brot sem glitra frá kynnum, sem
í hvívetna voru hin bestu. Traust-
ieikinn og æðruleysið í fari
Jóhannesar skipstjóra, elskuleg
ijúfmennska Eiríks Bjarnasonar,
hlýr hressileiki Stefáns Guð-
mundssonar, hljóðiát rósemi
Sveins Eiríkssonar, hýrt bros
þess góða drengs Kjartans frá
Byggðarholti og innileikinn í fari
Gunnars Hafdals, þegar inn úr
skelinni var komið. Allt mun
þetta og ótalmargt fleira merla í
minningunni um þessi horsku
hraustmenni, hali vammi firrða.
Hér er ekki ætlunin að rekja
æviferil hvers einstaks, en allir
höfðu þeir að baki dagsverk gott
Stefán Guðmundsson
Sveinn Eirfksson
og giftudrjúgt, þó hinsta dægur
bæri að svo alltof, alltof fljótt.
í ómældri þakkarskuld stendur
þjóðin öll við íslenska sjómenn,
þess skyldi minnast oftar og betur,
ekki sfst varðandi aðbúnað allan,
öryggi og almenn lífskjör. Þar
Kjartan Ólafsson
Gunnar Hafdal Ingvarsson
duga hvergi háfleyg orð á hátíðis-
dögum eða harmatár hryggðar á
sorgarstund, heldur átök og bar-
átta fyrir bættum hag og lífsskil-
yrðum öllum sjómannastéttinni
til handa.
Framhald á 3. síðu
Afram verður unnið
í uppbyggingu
mínjasafnanna
Á undanförnum árum hefur
verið gert stórt átak í söfnun
muna frá eldri tíma og horfnum
búskaparháttum á vegum SAL og
einstakra minjasafna á Austur-
landi. í sumar er enn ráðgert
framhald á þeirri söfnun, einkum
i þeim byggðarlögum sem afskipt
hafa verið til þessa.
Minjasafnið á
Burstafelli
Samhliða upphitun og þeim
enduxbótum ,sem gerðar verða á
gamla bænum, gefast betri skil-
yrði fyrir varðveislu á heillegu
safni búsmuna er tilheyrðu slíku
stórbýli og sem um leið hafa
nokkra sérstöðu fyrir Vopnafjörð.
Til þess að svo megi verða, þarf
frekari söfnun að koma til, en
safnið vanhagar tilfinnanlega um
ýmsa gripi, sem vonandi má enn
fyrir finna í héraði. í þessu skyni
mun undirritaður verja um viku-
tíma í Vopnafirði í sumar. Jafn-
framt eru áformaðar nokkrar end-
urbætur á bæjarhúsum, en safnið
verður opið almenningi til sýnis
yfir sumarmánuðina.
Sjóminjasafn Austur-
lands á Eskifirði
Eins og kunnugt er var Sjó-
minjasafn Austurlands formlega
stofnað á Eskifirði í desember sl.
í sumar verður fram haldið við-
gerð á Gömlu-Búð og komið hita
og ljósum í húsið. Styttist þannig
óðum sá tími uns hægt verður að
hefja uppsetningu á safninu þar.
Stjórn safnsins hefur jafnframt í
huga kaup á Randulffs-sjóhúsi
ásamt nokkru landssvæði, sem
gæfi safninu stórkostlega mögu-
leika. — Á Eskifirði hefur þegar
verið dregið saman álitlegt safn
sjóminja, en ennþá vantar mikið
á að heilsteypt safn minja frá
fyrri skeiðum sjósóknar sé fyrir
hendi, einkum frá öðrum byggð-
arlögum á Austurlandi. — í Nes-
kaupstað hefur þó verið safnað
töluverðu magni góðra muna og
auk þess hefur þar verið unnið í
vetur að viðgerð á elsta mótor-
báti Austfirðinga, Hrólfi Gaut-
rekssyni NK 2. Þórður Sveinsson
frá Barðsnesi hefur annast þá við-
gerð, en Þjóðhátíðarsjóður og
ýmis fyrirtæki í Neskaupstað lagt
til fjármagn.
í sumar verður varið um hálfs
mánaðar tíma í söfnun sjóminja
í sjávarkauptúnum sunnan Eski-
fjarðar á vegum Sjóminjasafnsins.
Með því að standa saman að þessu
safni, hlotnast Austfirðingum
vonandi sú gæfa að geta á verð-
skuldaðan hátt varðveitt í einum
sjóði minjar tengdar austfirskri
útgerðarsögu.
Minjasafn Austurlands
í tengslum við fornminjaskrán-
ingu á Héraði verður í sumar
safnað munum og myndum fyrir
safnið. í eigu safnsins eru nú hátt
á annað þúsund munir frá fyrri
tíðar landbúnaðarháttum og
sveitamenningu auk gamalla ljós-
mynda. Jafnframt hefur mikið
verið skráð af munum á fjölmörg-
um heimilum og von til að ein-
hver hluti þess berist safninu,
þegar það kemst úr geymslum í
framtíðarhúsnæði. Sér nú loks
rofa fyrir nýjum degi í húsnæðis-
málum safnsins, þar sem í vetur
var mörkuð sú stefna að hefja ný-
byggingu á safnahúsi á Egilsstöð-
um eða í nágrenni með tilstyrk
hins opinbera í skiptum fyrir þá
aðstöðu sem samningsbundin var
á Skriðuklaustri, en ekki hafa
fengist efndir á. Hefur í þessu
skyni verið farið fram á myndar-
lega fjárveitingu til byggingafram-
kvæmda á næsta ári og munu end-
anlegar línur í þessu máli skýrast
á næstu vikum og mánuðum.
Á vegum safnsins hefur í vetur
eins og í fyrra þjóðhagasmiður-
inn Guðmundur Þorsteinsson frá
Lundi stundað viðgerðir á munum
safnsins um þriggja mánaða skeið.
Telja verður það einstakt happ fyr-
ir safnið að fá að njóta starfs-
krafta Guðmundar og kunnáttu
í meðferð þeirra gömlu hluta, sem
fæstir nútímamenn bera þekkingu
til að meðhöndla og lagfæra.
Bindum við safnamenn hér eystra
sérstakar vonir við að eiga Guð-
mund að til viðgerða fyrir fleiri
minjasöfn á svæðinu á næstu ár-
um. — G. H.
Myndlistar-
sýningar
Um helgina var opnuð í
Barnaskólanum í Neskaupstað
myndlistarsýning á úrvali lista-
verka í eigu Norðfirðinga og
yfirlitssýning á verkum tóm-
stundamálara í Neskaupstað.
Sýningin verður opin til 3. júlí.
Laugardaginn 30. júní kl. 16
e. h. verður opnuð í Egilsbúð
yfirlitssýning á verkum hinnar
fjölhæfu listakonu Gerðu
Helgadóttur.
Það sem þér
viljið að
aðrirgjöri...
Þátttaka Norðfirðinga í fegr-
un umhverfis nú í vor hefur
verið til fyrirmyndar.
Full ástæða er til að ætla að
framhald verði á því en rétt er
að vera vakandi fyrir t. d.
plastboxum og öðrum umbúð-
um sem fleygt er á götur.
En á sama tíma og menn
sýna slíkan skilning á gildi
umhverfisins er hart að sjá
athafnasvæði Steypusölunnar
við Strandgötu líta út eins og
eftir loftárás. Ættu þó bæjar-
fulltrúar sem standa að sam-
þykktum um umhverfismál að
ganga á undan með gott for-
dæmi fremur en vera eftirbát-
ar annarra. Auðvitað er víð-
ar pottur brotinn en þetta er
samt það svæði í bænum sem
nú stingur sárast í augu.
Egill rauði
Jógúrt út á
lyfseðil?
I nýútkomnu Fréttabréfi frá
upplýsingaþjónustu landbúnað-
arins er frétt um að hægt sé að
lækka blóðfituna á einni viku
með því að neyta jógúrt dag-
lega. Þetta er samkvæmt nið-
urstöðu vísindamanna frá
iveimur vel þekktum banda-
rískum háskólum og ætti að
vera einföld iausn til að draga
úr líkunum á æðakölkun, seg-
ir í blaðinu og ennfremur, að
gott sé þá að vita af því, að
í kæliskápnum megi fá lyfið,
sem dugi gegn of mikilli blóð-
fitu.
Nú er það svo, að jógúrt
sprettur því miður ekki í kæli-
skápum, ef svo væri, þá
fyndist það vafalaust í fleiri
kæliskápum hér austanlands.
Það hefur nefnilega verið sjald-
gæfur hlutur sl. ár í austfirsk-
um kæliborðum og skápum, a.
m. k. þar sem undirrituð þekk-
ir til. Sagt er að flutningserfið-
leikar séu orsökin og heyrst
hefur, að Flugfélagið (þ. e.
flugfélag landsmanna allra)
neiti að flytja þetta mikilvæga
lyf út á landsbyggðina. Ekki
veit ég, hvort satt er en ef
til vill rætist úr þessu þegar
farið verður að selja jógúrt f
apótekunum út á lyfseðil -Ó.Þ.