Austurland - 19.01.1984, Blaðsíða 3

FIMMTUDAGUR, 19. JANÚAR 1984.
3
Litið við
á Bókasafni
Héraðsbúa
Það var í byrjun desember sl.
þegar frost var meira en áður í
vetur, eða heilar 16 gráður,
snjóföl yfir öllu, sem minnti
mann óhjákvæmilega á að jólin
væru skammt undan, að mér
datt í hug að líta stundarkorn
inn á bókasafnið til Kristrúnar
Jónsdóttur bókavarðar eða
Dúrru, eins og hún er nefnd í
daglegu tali, til að fræðast lítil-
lega um hana sjálfa og safnið.
Kristrún er þekkt fyrir störf sín
að félagsmálum. Hún er nú
formaður Leikfélags Fljótsdals-
héraðs, og víst hefði það verið
gaman að fara nokkrum orðum
um þá stofnun, en það verður
þó að bíða betri tíma.
Það er sagt að leiðir margra
liggi til Egilsstaða, hef reyndar
grun um að viðmælandi minn sé
aðkominn. „Það er rétt,“ segir
Kristrún, „ég er fædd og uppalin
á Siglufirði, ég réð mig hingað
austur á Hérað sumarið 1962
sem vinnukona á Skriðuklaust-
ur, - hið eina sanna klaustur, og
þó nú brosir Kristrún, það
var einmitt þar sem leiðir henn-
ar og eiginmannsins, Benedikts
Jónassonar úr Fljótsdalnum,
lágu saman. Síðan hafa þau búið
hér á Egilsstöðum. Kristrún hef-
ur verið bókavörður síðan 1973
að safnið var til staðar undir
sviðinu í Valaskjálf.
Stofnfundur safnsins var
Kristrún við störf sín á safninu.
haldinn 16. nóvember 1956 að
frumkvæði Sveins Jónssonar,
þáverandi oddvita Egilsstaða-
hrepps og Guðmundar G.
Hagalíns, þáverandi bókafull-
trúa ríksins, en hann gerði m. a.
tillögu um að safnið yrði staðsett
hér í Egilsstaðakauptúni. Enn-
fremur lagði hann til að fimm
hreppar sameinuðust um safnið.
Það er óhætt að segja að þeir
sem þarna réðu ferðinni hafi séð
ein 20 ár fram í tímann, en í
lögum um almenningsbókasöfn
sem sett voru 1976 er einmitt
Ljósm. M. M.
gert ráð fyrir svokölluðu mið-
safni hér í kauptúninu, sem
þjóni öllu Héraði. Það breyttist
því harla lítið hér við þá laga-
setningu hvað skipulag snerti.
Fyrstu stjorn safnsins skipuðu:
Þórhallur Jónasson bóndi Breið-
avaði form. Stefán Sigurðsson
bóndi Ártúni varaform. og
Guðmundur Magnússon kennar
Egilsstaðakauptúni ritari.
Það hefur, eins og gengur,
blásið úr ýmsum áttum hvað
varðar húsnæði safnsins, en
fyrstu 10 árin er það meir og
minna á flutningi milli staða,
mislengi á hverjum stað, þar til
það var flutt í Valaskjálf eins og
áður getur. Þaðan var það svo
flutt í kjallara Búnaðarbankans
og síðan hingað í menntaskól-
ann. En hér var safnið opnað
27. jan. 1981.
Það er fyrst hér á þessum stað,
sem boðið er upp á bærilegt
húsnæði. Hér er góð geymsla,
vinnuaðstaða fyrir safnvörð og
ekki síst er hér góð og vistleg
lesstofa, að vísu ætluð nemend-
um menntaskólans en er þó öll-
um gestum safnsins opin.
í safninu eru nú 5000 bindi,
sem spanna yfir allt mögulegt
efni, tímarit, uppsláttarrit, ævi-
sögur og skáldsögur svo eitt-
hvað sé nefnt.
Safngestir sl. ár voru 3957 og
útlán 9779 bindi. Töluverð
þjónusta er við lesendur utan
Egilslstaða og Fella og fer hún
vaxandi. í stjórn safnsins sitja
fimm fulltúar, þrír frá Egils-
staðahreppi, og einn frá hvorum
hreppi, Valla- og Fellahreppi.
Núverandi formaður Bókasafns
Héraðsbúa er Bjarghildur Sig-
urðardóttir Egilsstöðum.
M. M.
S
A Þorláksmessu
Sigurður Arnfinnsson gat ekki stillt
sig um að smella af nokkrum myndum
af bœjarlífinu í Neskaupstað á Þorláks-
messukvöld og hér sjáum við nokkrar
þeirra.