Austurland - 19.01.1984, Blaðsíða 5
FIMMTUDAGUR, 19. JANÚAR 1984.
5
Konur
Gleðjið bóndann með blómum á föstudaginn 20. janúar
Opið til kl. 19 Verslunin Myrtan Hafnarbraut 22 Neskaupstað S7179
BREYTTUR
AFGREIÐ SLUTÍ MI
Opið alla daga
frá kl. eitt til níu — 1 — 9
Nýjar og
ferskar
myndir í
hverri viku
VERSLUN
S7707
VIDEO
Nýjar bækur
Mál og menning er bókmenntafélag sem hefur það að
markmiði sínu að gera almenningi kleift að eignast vandaðar
baekur á viðráðanlegum kjörum. Félagar greiða ákveðið
árgjald (sem 1983 nemur 370 kr.) og öðlast við það réttindi
til frjálsra kaupa á öllum útgáfubókum félagsins með 15%
afslætti frá almennu markaðsverði (nema á kennslubókum
og kiljum), en eru ekki skyldugir til aðkaupa neinabók. Auk
þess er innifalin í félagsverðinu áskrift að tímariti Máls og
menningar sem kemur út fimm sinnum á ári og er samanlagt
ein stærsta bók ársins.
Umboðið í Neskaupstað verður opið frá kl. 1300 — 1600
næstkomandi laugardag í Nesprénti.
Sendi ykkur öllum sem glöddu mig með
gjöfum og skeytum á áttræðisafmæli mínu
þann28. des. sl. mínar bestu þakkir ogkveðjur
Lilja Víglundsdóttir
frá Heiðarbýli Neskaupstað
Þökkum heilshugar hlýhug 'og samúð okkur
sýnda við fráfall og útför
Stefaníu G. Jónsdóttur
frá Kirkjubóli í Norðfirði
til heimilis að Heiðargerði 51, Reykjavík
Stefanía Hrönn Guðmundsdóttir
Aðalbjörg Guðmundsdóttir
Sveinn Guðmundsson
Sigríður Davíðsdóttir
Páll Dagbjartsson
Friðrik Halldórsson
Bjarni Sigurðsson
Ólína Jónsdóttir
Gissur Eggertsson
Guðrún Magnúsdóttir
barna- og barnabarnabörn
h þrótti r mmmm
Fréttir af
skíðaráði UÍA
Þar sem snjór er orðinn nægur
hér fyrir austan til skíðaiðkun-
ar, lék AUSTURLANDI nokk-
ur forvitni á að vita, hvað liði
skipulagi skíðamála og skíðaiðk-
un hér í fjórðungnum. Blaða-
maður AUSTURLANDS sneri
sér því til Jóhanns Tryggvasonar
í Neskaupstað og innti hann
frétta, en Jóhanner formaður
skíðaráðs UÍA, auk þess sem
hann er formaður skíðaráðs
Þróttar.
Hverjir eru í skíðaráði UÍA
auk þín, Jóhann? - Það eru þeir
Ólafur R. Ólafsson, Seyðisfirði,
Jón Margeirsson frá Fáskrúðs-
firði og til vara eru þeir apótek-
ararnir Hjálmar Jóelsson Egils-
stöðum og Vigfús Guðmunds-
son, Neskaupstað.
Hvert telur þú vera hlutverk
skíðaráðs UÍA? - Segja má að
það sé í stórum dráttum það, að
standa fyrir sem flestum þáttum
skíðastarfseminnar á Austur-
landi, hvort heldur sem við
erum að hugsa um skíðaíþrótt-
ina sem almennings- eða keppn-
isíþrótt.
Hvernig hafið þið hagað starf-
semi ráðsins nú í haust? - Það
helsta sem gert hefur verið í
haust, var skipulagning ráð-
stefnu um skíðamál á Austur-
landi og var þessi ráðstefna
haldin þann 12. nóverhber á Eg-
ilsstöðum. Á þessari ráðstefnu
voru gerðar margar stefnumark-
andi ályktanir, sem sendar hafa
verið félögunum sem og sveit-
arstjórnum og eftir þeim leitast
ráðið við að starfa nú.
Hver eru ykkar helstu verkefni
nú í vetur? - Ein af niðurstöðum
ráðstefnunnar sem ég greindi frá,
var sú að ráða bæri kennara til
starfa á vegum sambandsins sem
færi um svæðið og væri jafnframt
starfsmaður skíðaráðs UÍA.
Þetta hefur verið gert nú þegar.
Sveinn Ásgeirsson frá Neskaup-
stað hefur verið ráðinn til þessa
starfs, en Sveinn hefur verið
keppnismaður, bæði í göngu og
alpagreinum undanfarin ár.
Hugmyndin er sú, að Sveinn
fari fyrst og fremst á minni stað-
ina til kennslu og til þess að
koma skíðastarfinu af stað á
sem flestum stöðum.
Einnig er starf ráðsins fólgið
í niðurskipan móta innan fjórð-
ungsins í vetur. Ráðið sér einnig
um ferðir unglinga á mót út úr
héraði.
Skipulagning á almennings-
trimmi er einnig í höndum
okkar og má geta þess að nú
fer fljótlega af stað keppni
milli héraða og er hún með lík-
um hætti og Norræna fjöl-
skyldulandskeppnin var í
fyrra.
Nokkuð að lokum? - Þar sem
unga skíðafólkið okkar skortir
hvorki dugnað né áhuga á að
sinna sinni íþrótt, þarf það ekki
sérstakrar hvatningar við. Hins
vegar vil ég hvetja foreldra þess
og áhugafólk til aukinnar þátt-
töku í störfum með okkur, hvort
heldur sem um er að ræða fyrir
UÍA eða félögin sjálf.
Blak:
Þróttarar í forystu
. Þróttarar bættu heldur betur
stöðu sína í 2. deild íslands-
mótsins í blaki um síðustu helgi
og skutust upp í efsta sætið.
Blaklið Samhygðar, sem var
í öðru sæti í deildinni, kom hing-
að til Neskaupstaðar og lék tvo
leiki við Þrótt. Fyrri leikurinn
var háður sl. föstudagskvöld kl.
11 um kvöldið og lauk honum
með léttum sigri Þróttar 3:0
(15:8, 15:3, 15:9).
Seinni leikurinn var háður á
laugardeginum kl. 13 og var
hann bæði skemmtilegur og
spennandi. Þróttur vann tvær
fyrstu hrinurnar en síðan fór
róðurinn að þyngjast. Samhygð
vann þriðju hrinuna 16:14 og
fjórða hrinan var hnífjöfn og
æsispennandi, en svo fór að
Þróttur vann hana 16:14. Loka-
tölur urðu því 3:1 fyrir Þrótt
(15:8, 15:10, 14:16, 16:14).
Lið Þróttar sýndi oft
skemmtilega takta og er greini-
lega í framför undir stjórn Ólafs
Sigurðssonar, en hann myndar
ásamt hinum „gamlingjanum“
Grími Magnússyni kjölfestuna
í Þróttarliðinu. Auk þeirra eru
mjög ungir og bráðefnilegir 2.
og 3. flokks strákar, sem eiga
eftir að ná langt ef þeir halda
sér við efnið.
Blakdeil Þróttar heldur nú
uppi umtalsverðu unglinga-
starfi, æfingar eru reglulegar
hjá 3. aldursflokki, en flestir
piltanna þar mynda ásamt 2.
flokks piltunum meistaraflokk-
inn. Auk þess eru nú hafnar
æfingar fyrir 4. aldursflokk und-
ir stjórn Gríms Magnússonar.
Einnig er kvennablak komið
af stað.
Staðan í 2. deild íslandsmóts-
ins í blaki er nú þessi:
Leikir Stig
1. Þróttur ... 6 8
2. H. K......... 6 6
3. Samhygð . 5 4
4. Breiðablik . 5 4
í byrjun febrúar fara Þróttar-
ar síðan suður og leika þar 3
leiki.
Fyrst verður leikið í Reykja-
vík við í. S., í bikarkeppninni,
næsta dag verður leikið við Sam-
hygð á Selfossi og þriðja daginn
verður leikið við Breiðablik í
Kópavoginum. Verður fróðlegt
að fylgjast með gengi Þróttar í
blakinu í vetur. P. J.
IÞROTTIR