Austurland - 28.07.1984, Blaðsíða 2

2
LAUGARDAGUR, 28. JÚLÍ 1984.
----------Austurland--------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Kristinn V. Jóhannsson, Þórhallur Jónasson og Smári Geirsson.
Ritstjóri: Birgir Stefánsson.
Auglýsingar og dreifing: Aðalbjörg Hjartardóttir - Pósthólf 31
- 740 Neskaupstað.
Ritstjórn, afgreiðsla, auglýsingar: Egilsbraut 11, Neskaupstað
©7571.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Sjávarútvegurinn auðsuppspretta,
ekki vandamál
Vandi sjávarútvegsins er nú á hvers manns vörum,
enda mörg fyrirtæki í atvinnugreininni að komast í
þrot. En því fer fjarri, að hér sé eitthvað nýtt á ferð.
Á undanförnum árum hefur verslun og milliliðastarf-
semi ýmiss konar blómgast í landinu, á meðan erfið-
leikar hafa steðjað að fyrirtækjum í frumatvinnu-
greinum þjóðarinnar. Ástandið í þessum efnum á
fyrsta valdaári núverandi ríkisstjórnar hefur þó keyrt
um þverbak. Ríkisstjórninni er að takast að leggja
undirstöðuatvinnuveg landsbyggðarinnar í rúst og
eru afleiðingarnar farnar að koma í ljós. Þegar er
skollin á bylgja fólksflótta frá landsbyggðinni til höf-
uðborgarsvæðisins, gósenlands brasks og alls konar
milliliðagróða.
Fréttir af atvinnumálum á höfuðborgarsvæðinu
hljóma í eyrum landsbyggðarmanns eins og fréttir
frá öðru landi. Þaðan er greint frá stórgróða verslun-
ar- og þjónustufyrirtækja, gegndarlausum yfirborg-
unum á launamarkaði og framkvæmdum í byggingar-
iðnaði, sem eiga engan sinn líka. Sagt er t. d. að
iðnaðarmenn af landsbyggðinni streymi nú tugum
eða jafnvel hundruðum saman í framkvæmda- og
þensludýrðina syðra.
Á meðan höfuðborgarsvæðið baðar sig í gróðanum
upphefja þar hinir undarlegustu fuglar raust sína og
ræða um nauðsyn þess að draga saman segl í sjávar-
útvegi og vara við áframhaldandi offjárfestingu á því
sviði. Ekki heyrist eitt einasta orð um offjárfestingu
annars staðar. Allt virðist t. d. eðlilegt og þarft í
bankakerfinu eða á sviði verslunar.
í umræðum um þessi mál virðist mikilvægasta
staðreyndin ærið oft gleymast, sú staðreynd að sjáv-
arútvegurinn stendur undir hvorki meira né minna
en 75% gjaldeyrisöflunar þjóðarinnar. Þessi stað-
reynd ein og sér ætti ótvírætt að sýna, að sjávarútveg-
urinn er ekki vandamál, heldur þvert á móti auðs-
uppspretta. Vandamálið er hins vegar kolvitlaus
efnahagsstjórn.
Á ráðstefnu, sem Alþýðubandalagið á Austurlandi
efndi til í lok síðasta mánaðar, var ályktað ítarlega
um atvinnu- og byggðamál. Þar var m. a. hvatt til
nýrrar sóknar í atvinnumálum landsbyggðarinnar og
bent á nauðsyn þess að stöðva tilfærslu fjármagns frá
sjávarútvegi til verslunar og þjónustu. Þetta eru ein-
mitt verkefni, sem landsbyggðarmenn verða að
standa saman um að hrinda í framkvæmd. Aðrir
verða ekki til þess.
5. G.
Frá Bæjarstjórn Neskaupstaðar
Bæjarstjórn kom saman til
fundar 10. júlí sl. Þar voru
reikningar bæjarsjóðs og hinna
ýmsu stofnana fyrir árið 1983
teknir til fyrri umræðu, en af
öðrum málum má nefna:
Ráðning bæjarstjóra
Ásgeir Magnússon iðnráð-
gjafi var ráðinn bæjarstjóri í
Neskaupstað frá 1. október nk.,
en þá lætur Logi Kristjánsson af
störfum. Ásgeir er rafmagns-
tæknifræðingur að mennt og
hefur nú á annað ár starfað sem
iðnráðgjafi Austurlands með
búsetu á Seyðisfirði.
- Valur Þórarinsson sagði upp
starfi sínu 1. júlí. Starfið var
auglýst og sóttu tveir. Sveinn
Árnason frá Finnsstöðum
hefur verið ráðinn í starf Vals
frá 1. okt. að telja.
- Gunnar Ólafsson hefur sagt
upp starfi sínu við veðurat-
hugun í Neskausptað. Aug-
lýst hefur verið eftir manni í
starfið.
- Nesval sækir um lóð undir
verslunarhús á hafnaruppfyll-
ingunni andspænis Hafnar-
braut 8. Leitað var álits hafn-
arnefndar. Hafnarnefnd er
samþykk beiðninni fyrir sitt
leyti, en ekki hefur verið
gengið frá úthlutun vegna at-
hugasemda frá Kaupfélaginu
FRAM, sem telur sig e. t. v.
eiga tilkall til lóðarinnar.
Málið er í könnun, en bæjar-
fulltrúar voru hlynntir því að
Nesval fengi lóðina ef könnun
leiddi í ljós að hún væri ekki
öðrum leigð.
- Skeljungi var veitt leyfi til að
byggja smábátabryggju fram-
an við þvottaplan félagsins
við Hafnarbraut 19.
- Samþykkt var að auglýsa
laust starf forstöðumanns Eg-
ilsbúðar.
- Hafnarnefnd hefur tekið til-
boði frá SVN í viðgerð á
bæjarbryggjunni. Tilboðið er
upp á kr. 1250 þús. og verkið
verður unnið á tveimur árum.
Blómlegt líf ungtemplara
á Vopnafirði
Ungtemplarafélagið
Líf á Vopnafirði hefur
nú starfað í 3 vetur. Fé-
lagið hefur leitast við að
starfa undir einkunnar-
orðum hreyfingarinnar:
bindindi - bræðralag -
þjóðarheill.
Að vísu einskorðast
starfið ekki við veturinn
og síðasta starfsár byrjaði
um miðjan ágúst með úti-
legu í Burstafellsskógi.
Þaðan gafst gott tækifæri
til gönguferða m. a. inn
að eyðibýlinu Fossi.
Félagsfundir vetrarins
hafa verið í skólanum eða
kaffistofu Saltfiskverkun-
arinnar.
Þar eru ýmis mál rædd
og brugðið á leik.
Meðal efnis má nefna
heimsókn og kynningu
tveggja AA-manna á
samtökum sínum. Hér-
aðslæknirinn kom og
fræddi félaga um getnað-
arvarnir. Sá fundur var
sérlega vel sóttur.
Félagar brugðu sér
einnig í mismunandi erf-
iðar gönguferðir og sund-
laugarútilegu.
Krossavíkurfjall var
klifið. Þá komu nokkrar
erlendar fiskvinnslustúlk-
ur með til að kynnast
landi ísa frá nýjum og
hærri sjónarhóli en kaup-
ið býður upp á.
í Árvíkurferð voru
möguleikar láglendisins
nýttir, ratleikur-matseld
við glóð og brakandi
varðeldur úr rekavið.
Hvort einhverjir hafi
dottið í sjóinn verður
ekki rakið hér.
Um síðustu helgi 22. -
24. var svo Jónsmessu
fagnað inni í Heiði.
Gangnakofi við Arnar-
vatn var fenginn að láni.
Allan laugardaginn og
fram á sunnudagsmorgun
var undurgott veður.
Verst var mýbitið. Farið
var í gönguferðir og ýmis
kennileiti skoðuð. Fannst
sérkennileg vatnsupp-
spretta þar sem sandur
bullaði upp undir 25 cm
vatnsborði. Héraðs-
læknirinn kom í heim-
sókn og til að spara sér
um stundar göngu synti
hann yfir kvísl eina er á
leið hans varð. Hann
kenndi svo undirstöðuat-
riði hjálpar í viðlögum.
Þegar liðið var fram
yfir miðnætti og dalalæð-
an læddist að, fengu 2
gestir af eldri gerðinni að
sjá, hvernig félagarnir
ærsluðust og völdu út
nokkra úr hópnum og
fengu þeir sérstaka með-
ferð (sennilega sam-
kvæmt kjörorðinu
bræðralag), sem fólgin
var í að vera kastað út í
vatnið.
Á meðan sólin hafði sig
upp yfir fjallsbrúnirnar,
gengu gestirnir upp á
þjóðveg eftir að hafa
fengið far með ferjunni,
sem smíðuð var eftir að
læknirinn hafði sannað,
að styttra var að fara yfir
kvíslina en ganga fyrir
endann á vatninu. Óðins-
hanar syntu um og tinuðu
með höfðinu og í kyrrð-
inni heyrðist í öðrum
fuglum.
Framundan er svo al-
heimsmót ungtemplara,
IGTYF. Það verður hald-
ið á íslandi að þessu sinni,
í Mosfellssveit dagana 22.
- 28. júlí.
Vopnafirði 27. júní 1984.
Guðrún Hjartardóttir,
Krossavík Vopnafirði.