Birtingur - 01.01.1962, Síða 10

slenskap í leðjunni, það er ekki nema
fyrir vana menn að sjá hann þá. Til þess
að bæta úr því hefur Vísindastofnunin til
Aðstoðar við Fiskveiðar tekið það upp að
sleppa þar með stuttu millibili gífurlegum
fjöida fiskseiða með rauðri stjörnu festri
við sporðinn og hefur það komið þegar
að miklum notum við uppbyggingu hag-
felldra fiskveiða öldum og óbornum til
blessunar í bráð og lengd sem mikilshátt-
ar atvinnuvegur með nýtízku sniði. Því
rauða stjarnan sem leiðarljós sést allvel í
sjó þegar hægt er farið. Og hefur dugað
einkar vel til að leiða saman veiðimann
og fórnardýr. Kunna og fiskimenn þar
um slóðir vísindafrömuðum alþýðulýð-
veldisins þakkir fyrir hlut þeirra að
skapa hinar ótrúlegu framfarir sem orðið
hafa í atvinnuafrakstursafkomulegu tilliti
sem og í öðrum efnum.
Skal nú ekki orðlengt að ekki leið á löngu
áður en menn þessir komu aftur á báti
sínum, og höfðu þá fangað fisk einn und-
arlega langan og mjóan sem hlykkjaðist
allur í greip þeirra og sýndist vilja vefja
sig um hvaðeina sem kom nærri, gulur á-
litum og blástirndi á siðuna þegar hann
spriklaði í höndum hinna sigurglöðu
veiðimanna sem höfðu nú enn á ný sýnt
að þeir voru verðugir þess trausts sem
skipstjóri frú Bam-tse bar til þeirra. Síð-
ar kom í ljós að annar þeirra, smávaxinn
maður með hvítt skegg, Bam-hú-hah að
nafni, er eiginmaður frú Bam-tse. Var
hann sá sem fór út úr bátnum og átti
sinn drjúga þátt að því hve vel hafði til
tekizt. Enda er hann sagður skylduræk-
inn maður og hinn traustasti til alls á-
ræðis.
En á meðan höfðum við þegið veitingar
frú Bam-tse skipstjóra og hlýtt á kafla
úr æviminningum hennar fyrir milligöngu
túlks okkar frú Te, þær hyggst hún gefa
út í áföngum í blaði rauða alþýðuflug-
hersins.
Nú var fiskurinn tekinn og verkaður af
kunnáttufólki, var okkur gefinn kostur á
að fylgjast með aðgerðinni. Kunnum við
félagar hlutaðeigandi hinar beztu þakkir
fyrir þá alúð og raunar alla fyrirgreiðsl-
una. Síðan var hann snæddur með hrís-
grjónavíni og luku allir viðstaddir upp
einum munni um að þvílíkt hnossgæti
hefðu þeir ekki lagt sér til munns áður.
Vorum við Islendingar þó með öllu óvanir
að eta slíkan fisk sem þennan. Var þarna
hinn bezti fagnaður og tóku ýmsir til
máls og var gerður góður rómur að öll-
um ræðunum. Allir urðu ásáttir um að
brýna nauðsyn bæri til að vinna að varð-
veizlu friðar í heiminum. Lét Eskíel það
í ljós fyrir okkar hönd að við myndum
við heimkomuna beina þeim tilmælum til
hlutaðeigandi stjórnarvalda að dregið
yrði með öllum tiltækum ráðum úr kalda
stríðinu sem væri þrándur í götu fyrir
eðlilegum viðskiptum þjóða í milli. Af-
henti hann síðan gestgjafa okkar frú
Bam-tse vandaðan silfurskjöld áletraðan
til minningar um ferð okkar til þessa
fagra lands með þeim ummælum að hann
þættist þess fullviss að á þennan skjöld
myndi aldrei falla neinn blettur sem ekki
yrði máður af fremur en hingað til. Var
ræðu hans vel tekið.
Nú var liðið að kvöldi og mál að halda
aftur til lands. Var nú siglt sem leið ligg-
ur til eyjarinnar Tong þar sem skilaboð
4 Birtingur