Austurland - 01.10.1998, Blaðsíða 7

FIMMTUDAGUR 1. OKTÓBER 1998
7
Það er gaman að vinna með fðlki sem er ekki faglært
Margir hafa gífurlega hæfileika sem bíða þess bara að vera uppgvötaðir
Ingibjörg Björnsdóttir hefur verið ráðinn leikstjóri hjá Leikfélagi
Norðfjarðar. Til stendur að setja upp verkið „Rjúkandi ráð “ eftir
þá brœður Jón Múla og Jónas Arnasyni og Stefán Jónsson. Ingi-
björg hefur þó nokkra reynslu afleikstjórn og sérstaklega hefur hún
verið dugleg að fara út á land og leikstýra hjá áhugaleikfélögum.
Blaðamaður Austurlands settist að spjalli með Ingibjörgu
Hvaða menntun átt þú að
baki í leiklistinni?
„Ég útskrifaðist úr Leiklistar-
skóla íslands árið 1978, en hafði
áður stundað nám í Þjóðleikhús-
skólanum, en ég hef verið á kafi
í leiklist síðan ég var unglingur og
ég hef unnið öll hugsanleg störf
innan leikhússins. Svo lá leið mín
til Hollands þar sem ég var gesta-
nemandi í leiklistarskóla ríkisins
og lærði leikstjóm og drama-
kennslu og var ég í því námi í tvö
ár. Ég dvaldi svo í tvö ár í Hollandi
að námi loknu, en fannst það
frekar dauflegt og ástríðuli'tið.“
Hefur þú unnið mikið við
leikstjórn?
„Já, ég hef unnið mikið við
leikstjón. Reyndar hef ég fyrst
og fremst starfað sem aðstoðar-
leikstjóri í Reykjavík, en ég hef
einnig farið víða um land og
leikstýrt fyrir áhugaleikfélög og
þeim sýningum hef ég stjómað
frá a til ö. Einnig hef ég auðvitað
unnið sem leikari og í rauninni
er ekki til það starf innan leik-
hússins sem ég hef ekki fengist
við og fundist þau öll jafn
skemmtileg. Ég kann afar vel við
mig í þessari „farandleikstjórn".
Maður fær tækifæri til að kynn-
ast nýju fólki og ólíkum bæjar-
félögum og virkilega reyna á sig.
Það er lfka afskaplega gaman að
vinna með fólki sem er ekki fag-
lært og að mörgu leyti ómótað
og hjálpa því að uppgvöta eigin
hæfileika. Margir hafa gífúrlega
hæfileika sem bíða þess bara að
vera uppgvötaðir. Hjá áhuga-
leikfélögunum vinnur maður
líka með fólki sem hefur virki-
lega ástríðu til leiklistarinnar og
er að sinna henni ofan á allt
annað sem það er að gera. Þetta
er því ákaflega þakklát vinna
sem ég hef mikla ánægju af og
ég fer yfirleitt á hverju ári
eitthvað út á land dl að vinna
með áhugaleikfélögum. Það er
afaskaplega góð tilfinning að
finna hversu rnikið er stólað á
mann og maður fær tækifæri til
að vera allt í öllu, gefa af sér og
uppskera ríkulega í staðinn“
Hvernig leggst þetta verkefni
hér í Neskaupstað í þig?
„Það leggst mjög vel í mig.
Þetta bar reyndar mjög brátt að,
en ég held ég hafi verið alveg
rétt innstillt á að koma hingað.
Ég ætlaði reyndar ekki að fara út
á land fyrir áramót, en ég ákvað
að grípa þetta verkefni þegar það
bauðst. Það var ekki mikill tími
til að ákveða hvaða verk ætti að
setja upp en ég er mjög ánægð
með stykkið sem varð fyrir
valinu"
Um hvað fjallar „Rjúkandi
ráð “ í stuttu máli?
„Það má segja að það fjalli
um óreglu á öllum sviðum, vín-
hneigð, fjármálaóreiðu og spill-
ingu. Leikritið fjallar um ungan
mann sem strýkur úr fangelsi og
fremur myrkraverk fyrir háttsett-
an mann í Reykjavík. Einnig
Glatt á hjalla hjá liluta þeirra sem munu taka þátt í starfi leikfélagsins í vetur.
Ljósm. as
Nei, ekki diskótek heldur
námskeiði um síðustu helgi.
kemur fegurðarsamkeppni við
sögu, en á þeim árum sem sagan
gerist, þ.e.a.s. rétt fyrir 1960,
voru fegurðarsamkeppnir sam-
eiginlegt áhugamál allrar þjóðar-
innar. Það er sennilega best að
segja ekkert meira um
söguþráðinn. Það er mikil tónlist
í verkinu, en um ágæti þeirra
bræðra í því fagi þarf ekki að
fjölyrða, þeir eru löngu lands-
þekktir fyrir lög sín og söngtexta
og fólk ætti að kannast við mörg
af lögunum, t.d. lagið „Fröken
Reykjavík“.“
Hversu umfangsmikið er
verkið?
„Það eru um 14 persónur í
leikritinu og þar af er einn hund-
ur. Það er hins vegar rúm fyrir
talsvert fleiri leikara og svo
verður hljómsveit líka.“
Nú varst þú með
leiklistarnámskeið um síðustu
helgi. Hvernig tókst það?
„Það væri nú kannski nær að
spyrja þá sem voru á námskeið-
inu, en mér fannst afskaplega
gaman og námskeiðið ganga vel.
Þetta var mjög góður og sam-
stilltur hópur, allt fólk í yngri
kantinum, en mér finnst gaman
að vinna með fólki á öllum aldri.
Þau voru ótrúlega dugleg. Ég lét
þau gera erfiða hluti og þau stóð-
ust álagið afar vel og lögðu sig
öll fram. Það eru mjög efnilegir
einstaklingar í þessum hópi.“
leiklistarnámskeið. LN stóð fyrir
Ljósm. J.A.Þ.
Nú er Leikfélag Norðfjarðar
að vakna af löngum dvala og
nýtt fólk að vinna í þessu.
Hvernig finnst þér að taka þátt í
svona endurreisn ?
„Mér finnst alveg frábært að
fólk skuli vera að endurreisa
leikfélagið og ég vona bara að ég
standi undir þeim væntingum
sem til mín eru gerðar í þeirri
endurlífgun. Ef vel tekst til þá
hefur það vonandi sýnt sig og
sannað að leikhússtarf er eitt-
hvað sem á að vera til staðar í
bæjarlífinu. En það verður að
vera góð verkaskipting í þessu.
Það gengur eiginlega ekki að
það sé sama fólkið að leika,
vinna leikmynd og stjóma öllu
batteríinu því þá fá menn nóg.
Það má ekki gleyma því að fólk
er að bæta þessu ofan á allt
annað sem það er að fást við.
Þess vegna verður að dreifa
störfunum við svona sýningu á
marga einstaklinga svo að þetta
verði ekki leiðinleg kvöð, heldur
að menn geti notið þess að vera
saman og skapa eitthvað. Það
eru öll störfin í leikhúsinu jafn
mikilvæg og það skipti öllu máli
að allir sem taka þátt í starfinu
séu að vinna af ástríðu."
Hvaða máli heldur þú að
leiklistarstaif skiptifyrir smábœi
eins og þennan ?
„Mér finnst það vera algjör-
lega lífsnauðsynlegt. Við lifum
ekki á fiskinum einum saman.
Ég held að það sé algjör vítamín-
sprauta fyrir svona bæi að hafa
öflugt menningarstarf, sama af
hvaða tagi það er. Skapandi
starfsemi hleypir orku út í bæjar-
félagið. Menn sofna ekki í kaffi-
tímunum af því að allt í einu
hafa menn eitthvað annað að tala
um en nágrannann og allt í einu
hafa menn eitthvað annað að
gera en að horfa á sjónvarpið á
kvöldin. Ég veit að hér í bæ
hefur verið mjög öflugt tónlistar-
líf og gróska í myndlisdnni og
því ætti að vera grundvöllur fyrir
öflugt leiklistarlíf því þessir
þættir fara mjög vel saman og
vonandi geta leikfélagið, tón-
listarmennirnir og myndlistar-
fólkið í bænum sett upp verk í
sameiningu í framtíðinni. Mér
finnst að það mætti gera miklu
meira af því að blanda saman
ólíkum listformum. Mönnum
hættir svo mikið til að lokast inni
að kynna sér aðrar listgreinar en
sínar eigin og listamenn úr ólík-
um greinum ættu að gera meira
af því að vinna saman. Ég held
að stofnun nýs listaháskóla ætti
að verða spor í rétta átt.“
Hvaða gildi heldur þú að
þátttaka í menningarstatfsemi
haft fyrir einstaklingana?
„Ég held að það sé afskaplega
hollt og þroskandi fyrir fólk að
taka þátt í menningarstarfsemi.
Það eru svo margir sem eru að
vinna einhæfa og óskapandi
vinnu og því er eiginlega nauð-
synlegt að fara ekki heim á
kvöldin og halda áfram að gera
eitthvað einhæft og óskapandi
eins og að horfa á sjónvarpið.
Sjónvarpið veitir okkur engan
möguleika á þátttöku í því sem
fram fer á skjánum, við erum
óvirkir móttakendur og ég held
að það sé ekki hollt í of miklu
magni. Það er reyndar svo að
margir vinna svo mikið að þeir
Leikstjórinn Ingibjörg Björnsdóttir mun stjórna uppfœrslu LN á
„Rjúkandi ráði“ í vetur.
í þeirri listgrein sem þeir eru að
starfa í. Leikarar gera t.d. ekki
endilega mikið af því að fara á
tónleika eða myndlistarsýningar,
en við megum ekki vanmeta það
sem aðrar listgreinar gera fyrir
okkur. Maður getur komið end-
umærður úr af góðum tónleik-
um, fullur af sköpunar- og tján-
ingarþörf. Því finnst mér að
menn ættu að gera meira af því
Ljósm. as
hafa ekki orku til að gera neitt
annað á kvöldin en að hlamma
sér niður á stól og horfa á sjón-
varpið. Hins vegar megum við
ekki gleyma því að skapandi
áhugamál fyllir mann af orku og
gerir vinnuna auðveldari og lífið
skemmtilegra og yfirleitt hefur
hver einstaklingur miklu meiri
hæfileika en hann grunar sjálfan.
Það þarf bara að kafa eftir þeim.“