Eining - 01.01.1948, Page 9

E I N I N G
9
' *

s
V

En tala þú það, sem sæmir hinni heilnæmu kenn- ingu, að aldraðir menn séu bindindissamir, siðprúð- ir, hóglátir, heilbrigðir í trúnni, kærleikanum og þolgæðinu; svo eiga og aldraðar konur að vera virðu- legar í háttalagi sínu, ekki rógberar og ekki heldur í ánauð ofdrykkjunnar, heldur kenni gott frá sér, til þess að þær laði hinar ungu til að elska menn sína, elska börn sín, vera hóglátar, skírlífar, heim- ilisræknar, góðlátar, eiginmönnum sínum undirgefn- ar, til þess að orði Guðs verði ekki lastmælt. Svo okalt þú og áminna hina yngri menn að vera hóg- látir, og sýn þig sjálfan í öllum greinum sem fyrir- mynd góðra verka, sýn í kenningunni grandvarleik og virðuleik, — heilnæmt orð, óákæranlegt, — til þess að andstæðingurinn fyrirverði sig, þegar hann hefur ekkert illt um oss að segja . . . Tala þú þetta og áminn, og vanda um með allri röggsemi. Lát engan lítilsvirða þig. Títusarbréfið, 2. kapituli. -1
—
Borgarafundur
d Akureyri
Almennur fundur urn áfengismál var
haldinn í Samkomuhúsi bæjarins á
Akureyri 25. nóv. s. 1., að tilhlutan Um-
dæmisstúku Norðurlands og áfengis-
varnanefnd kvenfélaga á Akureyri.
Fundinum stjórnaði umdæmistemplar,
Eiríkur Sigurðsson kennari. Frummæl-
endur voru: Filippía Kristjánsdóttir
skáldkona, Brynleifur Tobiasson yfir-
kennari og Þorsteinn M. Jónsson skóla-
stjóri. Auk þeirra tóku til máls: Guð-
mundur Karl Pétursson yfirlæknir, frú
Elinborg Jónsdóttir, Áskell Snorrason
tónskáld og Jón Jakobsson.
Allir voru ræðumenn á einu máli um
það, að hin geigvænlega áfengisneyzla
þjóðarinnar ógni framtíð hennar og
menningu, og að mótmæla beri ölfrum-
varpi því, sem flutt hefur verið á Al-
þingi.
I fundarlok sýndi Edvarð Sigurðsson
íslenzka kvikmynd. Á fundinum voru
samþykktar eftirfarandi tillögur.
1. Fundurinn telur núverandi ástand í
áfengismálum, einkum vaxandi áfengisnautn
æskumanna, svo geigvænlegt fyrir framtíð og
menningu þjóðarinnar, að brýna nauðsyn ber
til þess, að breytt verði almenningsálitinu með
þróttmikilli bindindisboðun, strangari lög-
gæzlu og markvissu starfi til útrýmingar á-
fenginu úr landinu með algeru áfengisbanni.
Jafnframt minnir fundurinn á það, að núver-
andi drykkjutízka, er afleiðing af afnámi bann-
laganna, þó að andbanningar lofuðu minkandi
áfengisnautn, ef farið yrði að þeirra ráðum.
2. Fundurinn mótmælir eindregið fram-
komnu frumvarpi á Alþingi um bruggun og
sölu á áfengu öli, og skorar á Alþingi að
fella það.
3. Fundurinn telur að nokkrar tillögur til
þingsályktunar, sem fram eru komnar á Al-
þingi, séu spor í rétta átt, og skorar á Al-
þingi að samþykkja tillögu nr. 31 um afnám
vínveitinga á kostnað ríkisins og tillögu nr.
32 um afnám sérréttinda í áfengismálum.
4. Fundurinn skorar á Alþingi að gera þá
breytingu á áfengislögunum, að áfengisverzl-
anir megi ekki afhenda sama manni nema
takmarkað magn áfengis á dag gegn eigin-
handar kvittun. Þessi ráðstöfun ætti að geta
komið í veg fyrir leynisölu sumra bifreiðar-
stjóra og annarra, sem nú veldur mikilli spill-
ingu í þjóðfélaginu.
5. Fundurinn skorar á Alþingi að verja
tekjum áfengissölunnar til byggingar sjúkra-
húsa og skóla, en láta þær ekki verða eðslu-
eyri ríkissjóðs.
G. Fundurinn skorar á Alþingi að hafa
áfengismálaráðunaut á föstum launum, svo að
hann geti ferðast um landið og fylgst með
störfum áfengisvarnanefndanna, einnig að
auka svo framlag til bindindisstai'fsemi, að
4 eða 5 menn geti starfað stöðugt, árið um
kring, að bindindisboðun í landinu.
7. Fundurinn skorar á bæjarstjórnir í öll-
um kaupstöðum landsins, að láta ekki undir
höfuð leggjast að kjósa áfengisvarnanefndir,
eins og lög mæla fyrir, svo að þær geti litið
eftir því, að áfengisútsölur brjóti ekki áfeng-
islögin, m. a. með því að selja unglingum
innan 21 árs aldurs áfengi.
8. Fundurinn skorar á bæjarstjórn Akur-
eyrar, að veita ekki áfengi í veizlum þeim,
er hún gengst fyrir.
Fundurinn átelur þá veitingahústízku, að
afgreiða áfengisneytendur á undan bindind-
ismönnum, og fyrir það, að hafa ekki óáfenga
drykki á boðstólum, þar sem vínveitingar eru.
Blaðið hefur sannfrétt það, að hinn ágæti
læknir, Guðmundur Karl Pétursson, hafi tekið
í allt annan streng á þessum borgarafundi
Eyfirðinga viðvíkjandi öimálinu, heldur en
læknar þeir, sem lagt hafa sig niður við að
styðja ölsókn Morgunblaðsins. Munu þeir, sem
til þekkja, ekki leggja minna upp úr orðum
Guðmundar Karls læknis Péturssonar, en
hinna.
Það er alltaf veglegt hlutverk að bera sann-
leikanum vitni.
Frá Umdæmisstúku
Norðurlands
Pétur Björnsson kaupmaður á Siglu-
firði fór snemma á vetrinum för til
Skagafjarðar og heimsótti þá, meðal
annars, stúkuna á Sauðárkróki og varð
henni að góðu liði. Stúkan hóf þá vetr-
arstarf sitt með inntöku nokkurra nýrra
félaga.
Þá gekkst Umdæmisstúkan og fyrir
för til Húsavíkur og hafði í henni mann-
val. Þessir fóru: Brynleifur Tobiasson
yfirkennari, Hannes J. Magnússon
skólastjóri, Ólafur Daníelsson og Eirík-
ur Sigurðsson kennari, sem nú er um-
dæmistemplar. Á Húsavík er ágæt og
þróttmikil barna- og unglingastúka.
Gæzlumaður hennar er skólastjórinn á
staðnum, Sigurður Gunnarsson. Gest-
irnir sátu fund stúkunnar og voru þar
ýms góð skemmtiatriði. í söngtímum
barnaskólans æfa börnin söng og búa
sig þannig undir suma stúkufundina.
Þann 17. nóvember höfðu stúkurnar
á Akureyri mjög skemmtilegan, fjöl-
mennan og vel heppnaðan fund sam-
eiginlega. Þar flutti Magnús Jónsson
erindi, Eiríkur Sigurðsson sagði ferða-
sögu, en Sigríður Schiöth og Hermann
Stefánsson sungu tvísöng. Gerðu menn
að þessu mjög góðan róm.
Á öðrum stað í blaðinu er sagt frá
hinum myndarlega og fjölmenna borg-
arafundi á Akureyi'i, sem Umdæmis-
stúkan gekkst fyrir.
I sambandi við þessar fréttir frá Um-
dæmisstúku Norðurlands, má minna á
bindindismálasýninguna á Siglufirði og
útbreiðslustarf stúkunnar þar í sam-
bandi við 25 ára afmæli hennar.
Annill drsins 1847
Árferoiö, er hér haföi verið frá haust-
nóttum, breyttist ekki með nýja árinu,
heldur héldust áfram sömu frostleys-
urnar og blíðviðrin, að undanteknum
fáeinum frostdögum í góubyrjun. Þótt-
ust elztu menn ekki muna jafngóða veðr-
áttu. I apríl gerði þó frost með norðan-
næðingi og kafaldsbyljum á milli, (þó
varð kuldinn aldrei meiri en -p 3°)-
Fyrstu sumarvikurnar voru allkaldar
og norðannæðingur setti kyrking í þann
gróður, sem kominn var, en þegar leið á
maí, hlýnaði veður mjög, þó rigndi tölu-
vert og spruttu tún fljótt og vel. Frá
Jónsmessu og allan júlí var úrkoman svo
mikil, að varla þornaði af strái. En með
ágúst skipti um til hins betra, svo að
töður náðust hvarvetna óskemmdar.
Varð því heyafli manna allstaðar með
bezta móti. Haustið var fremur um-
hleypingasamt og með jólaföstu komu