Austurland - 12.12.1985, Blaðsíða 3
FIMMTUDAGUR, 12. DESEMBER 1985.
3
Kaupfélag Héraðsbúa
auglýsir
Otrúlegt úrval leikfanga og gjafavöru
Fatnaður á börn og fullorðna — gott úrval
Kakó og kökur á aðeins kr. 98
í Söluskála Egilsstöðum
og
Hóteli KHB, Reyðarfirði
Opið alla laugardaga í desember
Verið velkomin
Kaupfélag Héraðsbúa
Oflugt starf blakdeildar Þróttar
Öflugt starf blakdeildar Þróttar
hefur vakið athygli víða um land.
Frá því síðast var á blak minnst
hér á síðunum hefur margt á daga
blakara drifið. Meistaraflokkur
karla hefur leikið 4 leiki, tapað
þremur, fyrir Prótti R 0 : 3 hér
heima, fyrir ÍS 1 : 3 og Víkingi 0 :
3 í Reykjavík. Hins vegar vann
Þróttur lið Fram hér sl. laugardag
3 : 1 og er það vonandi merki þess,
að liðið sé að ná áttum í harðri bar-
áttu 1. deildar. Næstkomandi laug-
ardag fæst e. t. v. úr því skorið, því
að þá fer fram síðasti heimaleikur-
inn og er það lið HK, sem við er að
etja.
í leiknum við Fram var oft mjótt
á mununum framan af og víst er,
að áhorfendur áttu mikinn þátt í að
fleyta liði Þróttar yfir erfiðustu
hjallana. Vonandi láta þeir ekki sitt
eftir liggja þann 14. des.
Yngri flokkar Þróttar tóku þátt í
árlegu hraðmóti í Rvík á dögunum
og vakti frammistaða þeirra og góð
framkoma mikla athygli.
Ferðalög sem þau, sem blakiðk-
endur leggja á sig til að halda kostn-
aði niðri, eru trúlega einsdæmi hér-
lendis og þótt víðar væri leitað. Far-
ið er með rútu og eins og t. d. í
þessu tilviki ekið nóttina fyrir fyrsta
leik, keppni hafin að nýju um kl. 9
næsta morgun, keppt linnulítið til
kl. 19 og þá lagt af stað heim. I
stuttu máli: Eknir u. þ. b. 1650 km
og leiknir 12 leikir á rétt rúmum 2V5
sólarhring. Það má svo gjarnan
fylgja, að bílstjórinn er jafnframt
þjálfari þriggja flokka og svo auð-
vitað leikmaður í meistaraflokki og
fær ekki krónu fyrir neitt af þessu
frekar en aðrir í blakdeildinni.
Urslit í mótinu urðu annars þau,
að af fjórum flokkum, sem frá
Þrótti komu, sigruðu tveir og tveir
urðu í öðru sæti. II og III flokkur
drengja sigraði og II og III flokkur
stúikna urðu í öðru sæti. Alls 10
leikir, 8 sigrar, 2 töp. Allir þessir
flokkar munu taka þátt í íslands-
mótinu, sem hefst eftir áramót og
markmiðið er íslandsmeistaratitill
í þeim öllum!
Enda þótt allt sé gert eins og að
framan getur til að spara, eru út-
gjöld blakdeildarinnar gríðarleg.
Margt er einnig gert til fjáröflunar
og enginn fær að stunda æfingar
nema taka möglunarlaust þátt í fjár-
öflun á vegum deildarinnar, þegar
boð koma um slíkt. Það heyrir til
algerrar undantekningar, að menn
reyni að koma sér undan slíku, enda
vita flestir, að það myndi ríða deild-
inni að fullu á nokkrum vikum, ef
ekki væru allir angar úti til öflunar
peninga til starfsins.
Dæmi um fjáröflunarleiðir, sem
blakdeild hefur notað og mun nota
eru að tveir skúrar hafa verið
„smassaðir í klessu“, blakarar ann-
ast dyravörslu og skúringar í Félags-
miðstöðinni, lukkumiðasala er að
hefjast á vegum deildarinnar, blak-
deildin annast útgáfu Mótaskrár
BLÍ, og nú fyrir jólin munu blakar-
ar halda basar, sem vonandi gefur
talsvert í aðra hönd, a. m. k. ef
menn koma á hann með réttu hug-
arfari!
NESKAUPSTAÐUR
KOSNING
Á fundi bæjarstjórnar Neskaupstaðar, sem
haldinn var þriðjudaginn 3. desember 1985,
var samþykkt, að laugardaginn 28. desember
1985 skuli fara fram almenn atkvæðagreiðsla
um, hvort heimilt skuli að opna áfengisútsölu
í Neskaupstað
Kjörskrá liggur frammi á bæjarskrifstofunni
frá og með mánudeginum 9. desember og
kærufrestur er til föstudagsins 20. desember
1985 Bæjarstjóri
Vísnahom Austurlands
Eitthvað hefir lífsamstrið eða annað þjakað huga Sverris Har-
aldssonar á Borgarfirði, er hann kvað:
Einhvern tíma að því kemur,
að ég kafni,
í það minnsta undir nafni.
Grafskrift nefnir Sverrir eftirfarandi vísu.
Liðinn sá, er liggur hér,
lítið gat en vildi betur,
því að manninn eftir er
aðeins nokkur vísutetur.
Fyrir nokkrum árum kom út umtöluð bók eftir Guðlaug Arason,
rithöfund og bar hún nafnið Eldhúsmellur. Þetta skal haft í huga
við lestur þessarar vísu eftir Hjálmar Jónsson, prófast á Sauðár-
króki, sem hann gerði um Guðlaug Arason.
Hans er brellið hugarþel,
haus af dellu bólginn.
Annars fellur okkur vel
við eldhúsmelludólginn.
Látum þá vera nóg kveðið í dag.
B. S.
3. flokkur Próttar í blaki. Ljósm. Karl Hjelm.
Aðlokummátakaframþað,sem inu og þó ekki síst Nesvali. í
aldeilis ekki er minnst um vert: „brauðstriti" íþróttastarfsins í bæn-
Blakdeildin hefur notið beinna og umerslíktómetanlegtogseintfull-
óbeinna styrkja frá t. d. Kaupfélag- þakkað. G. M.
NESPLAST HF.
til sölu
Höfum verið beðnir að selja allar eignir
NESPLASTS HF. í Neskaupstað
Hér er um að ræða 1.050m3 verksmiðjuhús,
auk véla, áhalda og tækja
Auk framleiðslu á einangrunarplasti, þá hefur
fyrirtækið á hendi viðamikla framleiðslu á
böndum fyrir frystiiðnaðinn í landinu
Miklir framleiðslumöguleikar
Tilboð óskast í framangreindar eignir fyrir 20.
desember nk.
Allar frekari upplýsingar veitir:
FASTEIGNA FF
MARKAÐURINN
Óðinsgötu 4, tfmar 11540 — 21700.
Jón Guðmundss. söiustj.,
Lsó E. Lövs lögfr.