Eining - 01.07.1955, Blaðsíða 15

EINING
15

t
4
i
4-
4
SKÝRSLA
yfir starfsemi Æskulýðsheimilis templ-
ara á Akureyri veturinn 1954-1955
Vetrarstarfsemi Æskulýðsheimilis
templara hófst að nýju með samkomu í
stúkusal Varðborgar þann 31. október.
Formaður hússtjórnar, Eiríkur Sigurðs-
son, flutti ávarp og framkvæmdastjóri
Æskulýðsheimilisins, Hermann Sig-
tryggsson, sagði nokkur orð um fyrir-
hugaða starfsemi heimilisins. — Síðan
skemmtu þau Heiðdís Norðfjörð og Há-
kon Eiríksson með upplestri og að síð-
ustu var sýnd kvikmynd.
A eftir skoðuðu gestir leikstofur heim-
ilisins og börn og unglingar skemmtu
sér við leiktækin.
Leíkstoíurnar.
I leikstofum Æskulýðsheimilisins,
sem eru á annarri hæð Varðborgar,
voru ekki neinir fastir tímar framan af
sökum þess, að námskeiðin voru starf-
andi í svo mörgum stofum, en er á leið
urðu fastir tímar á fimmtudögum og
auk þess aukatímar, sem auglýstir voru
þá hverju sinni. Iþróttafélögin og stúk-
urnar voru ekki með neina sértíma í
Æskulýðsheimilinu í vetur. Eftir ára-
mótin voru tímar heimilisins mjög vel
sóttir og komu allt að 100 börn og ungl-
ingar suma dagana.
Ýmislegt var haft til skemmtunar
annað en leiktækin og var þá aðallega
um að ræða kvikmyndir, spurninga-
þætti, happdrætti, getraunir og ýmis
konar kappleiki. Leiktæki heimilisins
eru: borðtennis, knattborð, 2 bob, 3
kúluspil manntöfl, spil, blásturspil og
píluspil og í bókasafni heimilisins eru
um 1500 bindi. Leikstofurnar eru 8.
Vetrarstarfsemi leikstofanna lauk um
miðjan apríl. Um 14—1500 börn og
unglingar munu hafa sótt Æskulýðs-
heimilið í vetur.
Verkleg námskeið.
1. Námskeið í útvarpsvirkjun hófst 1.
október. Kennari var Haraldur
Guðmundsson rafvirki. Kennt var
þrisvar í viku kl. 8—10 á kvöld-
in. Efni til námskeiðsins útvegaði
útibú útvarpsviðgerðarstofunnar
hér á Akureyri. Nemendur voru
25 og voru búin til 28 kristaltæki
og nokkur stærri, allt upp í 5
lampa tæki. Námskeiðinu lauk 12.
desember.
2. Námskeið í föndri hófst 26. nóv-
ember. — Kennarar voru Rósa
Árnadóttir, Anna Lýðsdóttir og
Hermann Sigtryggsson. Kennt var
þrisvar í viku kl. 5—7 á kvöldin.
Efni var að mestu leyti fengið hjá
prentsmiðjunum hér á Akureyri og
sömuleiðis var notað efni, er eftir
varð af bastnámskeiðinu í fyrra. —
Nemendur voru 40 og voru búnir
til á annað hundrað munir úr basti,
pappír og gipsi. Námskeiðinu lauk
17. desember.
3. Námskeið í leirmótun hófst 12.
janúar. — Kennari var Jónas
Jakobsson myndhöggvari. Kennt
var þrisvar í viku kl. 8—10 á
kvöldin. Plastleir var keyptur hjá
Axel Kristjánssyni h.f., og vatns-
leir lánaði Jónas Jakobsson. Nem-
endur voru 11 og bjuggu til 8
standmyndir og um 20 lágmynd-
ir. Námskeiðinu lauk 21. febrúar.
4. Námskeið í hjálp í viðlögum og
brunavörnum hófst 25. febrúar. —
Kennarar voru Tryggvi Þorsteins-
son skátaforingi og félagar úr
skátafélagi Akureyrar, er kenndu
hjálp í viðlögum, og Ásgeir Valdi-
marsson verkfræðingur, er kenndi
brunavarnir. Flutti Ásgeir fyrir-
lestra og sýndi nemendum nýju
slökkvistöðina og tæki hennar. —
Nemendur voru 20. Námskeiðinu
lauk 29. marz.
5. Námskeið í flugmódelsmíði hófst
28. febrúar. Kennari var Dúi Eð-
valdsson. Efni var keypt hjá fyrir-
tækinu Flugmó í Reykjavík. Oft-
ast voru tímar þrisvar í viku kl.
8—10 á kvöldin. Nemendur voru
10 og bjuggu flestir þeirra til stór
flugmódel. Námskeiðinu lauk 10.
maí.
6. Námskeið til undirbúnings radíó-
amatörprófs hófst 21. febrúar. —
Mikill hluti kennslunnnar fór þann-
ig fram, að nemendur lærðu morse
stafrófið af plötum, en Þórhallur
Pálsson kenndi notkun morselyk-
ilsins og undirstöðu radíófræðinn-
ar o. fl. Nemendur voru 8 og voru
tímar flest kvöld vikunnar. Nám
skeiðinu lauk 10. maí.
Það er í hendi þinni
Einu sinni var mjög vitur maður, og
þá segir einnig frá yndislegri lítilli
stúlku.
Litla stúlkan hafði undrast mjög vizku
spekingsins, því að hann hafði getað
svarað öllum spurningum hennar.
Hin litla snjalla stúlka þráði mjög að
geta lagt fyrir vitra manninn spurningu,
er hann gæti ekki svarað. Um þetta
braut hún mjög heilann.
Loks datt henni í hug snjallræði, er
hún var að leika sér úti. Hún náði mjög
fallegu fiðrildi og lukti það inni í lófum
sínum. Nú þóttist hún hafa á taktein-
um spurninguna og flýíti sér til vinar
síns.
Hreykin og áköf skýrði hún vitring-
inum, að í luktum lófum sínum væri hún
með yndislegt fiðrildi, og spurði, „hvort
er það lifandi eða dautt“.
Vitringurinn hugsaði sig um góða
stund og var auðsjáanlega í vafa um,
hverju hann ætti að svara. Hann þóttist
vita, að segði hann að fiðrildið væri
dautt, mundi hún opna lófa sína og láta
fiðrildið fljúga leiðar sinnar. Segði hann,
að það væri lifandi, mundi hún með
ofurlítilli hreyfingu handanna deyða
það, opna svo lófana og sýna að fiðrild-
ið væri dautt.
Vitri maðurinn ígrundaði því enn
rétta svarið.
Loks sagði hann við litlu stúlkuna:
,,Kæra barn, svarið er í höndum þín-
um“. — L.M.C.F. Bulletin.
Þannig er það. Lausn vandamála
lífsins er einmitt í höndum okkar, í
hendi þinni og hendi minni, lesari góð-
ur. Heimurinn verður það sem við, hver
og einn, gerum hann.
Ríka morðingja er ekki unnt
að hengja
Árið 1924 birti tímaritið Literary Digest
þessa mynd. Ungu morðingjarnir höfðu
stolið ríkismannssyni, litlum dreng, og
grandað honum, en þeir voru líka ríkis-
mannssynir. Auðlegðin hafði gert þá að
taumlausum villingum. Peir voru búnir að
aðhafast allt, er þeim gat hugkvæmst, nema
að fremja morð. Og svo sögðu þeir, að þeir
hefðu viljað reyna, hvernig það væri að sjá
í blöðunum, að þeir væru orðnir morð-
ingjar.
Hinn frægi lögfræðingur, Ciarence S. Dar-
row, fékk 130,000 dollara fyrri að losa þá úr
snörunni, og lögmannafélag Chicagoborgar
taldi þetta sanngjarna þóknun fyrir að
verja mál þeirra.
i