Eining - 01.12.1956, Blaðsíða 12

12
EINING
Horf þú ekki á vínið, hversu
rautt það er, hversu það glóir
í bikarnum og rennur ljúflega
niður. — Að síðustu bítur það
sem höggormur og spýtir eitri
sem naðra.
......................................->
mismunandi þjóðerna í þjóðasambandi
U.S.S.R."
Bókarhöfundur bendir á, hversu krafan
til kennara í Rússlandi hefur breytzt frá
því sem var á fyrstu árum byltingarinnar.
í stað kjörorðsins, sem áður var: að „störf
kennarans skyldu metin eftir þörfum hans,
skulu þau nú metin eftir hæfileikum og
getu hans.“
„Árið 1928—9, er fyrsta fimm ára áætl-
unin var gerð, veitti rússneska stjórnin
nokkuð yfir einn milljarð rúbla til uppeldis-
mála. 1938 var þetta orðið 19 milljarðar.
Aukningin á hvern mann var frá átta til
113 rúblur. Nýir skólar risu upp með ótrú-
legum hraða. 20 þúsund skólar með sæti
fyrir sex milljónir nemenda, voru byggðir
á árunum 1933—-1938. Þetta bar góðan
árangur. í staðinn fyrir átta milljónir í
framhaldsskólum árið 1914—15, voru þar
31 milljón nemenda árið 1938—9. Og á
sama tíma fjölgaði þeim, er hlutu æðri
menntun. úr 112,000 í 603,000.“
„Samkvæmt allsherjar manntalsskýrslu í
Sambandsríkjum Rússlands árið 1939, sem
talin er nokkuð áreiðanleg, hafði tala
þeirra, er ólæsir voru fallið niður í 18,8 af
hundraði, úr 70 af hundraði árið 1917, það
er að segja meðal fólks 9 ára og eldra.
Mestar höfðu framfarirnar orðið meðal
kvenna í sumum Asíulýðveldum rússneska
sambandsins (þar hafði lestrarkunnátta
stigið sums staðar allt úr 1% upp í 65,2%).
Sama skýrsla sýnir, að 89,4% af námsfólki
við framhaldsskólana var undir 39 ára
aldri, og sýnir um leið að það hefur hlotið
menntun sína undir hinu nýja stjórnskipu-
lagi. Sama er að segja um 70% þeirra er
stunduðu æðra nám. Kennurum við fram-
haldsskólana fjölgaði á árunum 1926—1939
úr 348,000 í 1,201,000. Vissulega eru þetta
merkilegar tölur.“ Framhald.
Aldrei ánægður
Hvar sem maður einhver er,
sem engin byrði hefur þreytt.
Sannarlega segi ég þér,
sá kann ekki aS meta neitt.
P. S.
Haustþing
Umdæmisstúkunnar nr. 5 var haldið á
Akureyri þann 20. október síðastliðinn.
Brynleifur Tobiasson, stórtemplar, mætti á
þinginu. Þar var rætt uin vetrarstarf stúkn-
anna í umdæminu, og í sambandi við
atkvæðagreiðslu um vínverzlun á Akureyri,
var samþykkt eftirfarandi tillaga :
„Haustþing Umdæmisstúkunnar nr. 5 átel-
ur liarðlega, að bæjarstjórn Akureyrar skuli
hefja áróður fyrir opnun áfengisútsölu á
Akureyri, samanber samþykkt bæjarstjórn-
ar, livernig verja skuli væntanlegum ágóða
af tekjum áfengisverzlunar, í stað þess að
leggja málið lilutlaust fyrir kjósendur bæjar-
ins. Þingið mótmælir því eindregið, að opn-
un áfengisverzlunar liér, og ef til vill vín-
sala í veilingahúsum, geti á nokkurn hátt
dregið úr áfengisnautn, heldur hljóti, ef til
kemur að verka alveg öfugt. Fyrir liggja
skýrslur um ölvun við akstur og handtökur
vegna ölvunar, og benda þær til þess, að
ástand í bænum hafi batnað í þessu efni
síðan héraðsbannið kom. f sömu átt benda
og tölur, er fyrir liggja um áfengiskaup. Þá
liggja fyrir ummæli frá lögreglunni, að bæj-
arbragur liafi batnað til muna við lokun
áfengisverzlunarinnar, og að bæta þurfi við
minnst 4 lögregluþjónum, verði hún opnuð
aftur. Að öllu þessu athuguðu telur þingið
sjálfsagt, að lialda héraðsbanninu áfram, en
bætt verði úr augljósum göllum við frain-
kvæmd þess.“
-------ooOoo-------
Stofnfundur félags áfengis-
varnanefnda við Eyjafjörð
Stofnfundur félags áfengisvarnanefnda
við Eyjafjörð var haldinn í Varðborg á
Akureyri þ. 20. október síðastliðinn. Bryn-
leifur Tobiasson, áfengisvarnaráðunautur
og Pétur Björnsson, erindreki, mættu á
fundinum.
Á fundinum voru nefndarmenn frá 10
áfengisvarnanefndum í héraðinu og gengu
frá stofnun félagsins. — í stjórn voru kosn-
ir : Davíð Árnason, Eiríkur Sigurðsson og
Guðmundur Benediktsson.
Á fundinum voru samþykktar eftirfarandi
tillögur :
1. Félagið felur stjórn sinni að vinna að
því, að samin verði sem fyrst sérstök reglu-
gerð um löggæzlu á skemmtisamkomum í
héraðinu, þar sem ákveðnari fyrirmæli
verði sett uin þessi efni, en þau sem nú eru
í gildi. Héraðinu verði skipt í löggæzlu-
svæði, er hvert hafi sinn löggæzlumann og
aðstoðarmenn, er allir skulu vel þjálfaðir til
starfsins.
2. fulltrúafundur áfengisvarnanefnda við
Eyjafjörð, haldinn á Akureyri 20. október
1956, telur að opnun áfengisútsölu á Akur-
eyri og ef til vill vínsala á veitingahúsum
mundi auka mikið áfengisneyzlu á Akureyri
og í nálægum sveitum.
Fundurinn skorar því á Akureyringa að
greiða atkvæði með héraðsbanni áfram.
----------------ooOoo------—
Kvennasýningar
Mörg þúsund ára síbreytilegir tízkusiðir
vitna um, að konur allra alda liafa sa'tt sig
við að vera á ýmsa vegu eins konar leik-
föng manna. Stundum svo reirðar í lif-
stykki, að 1 i 11 u m u n a ð i að þær dyttu í
tvennt, stundum kvaldar í fótareyfum til
þess að geta sýnt eins konar barnsfætur.
Stundum hafa þær orðið að hylja andlit sín
og svo á öllum öldum að þola margs konar
óþægilegan klæðnað, allt eftir kenjum og
keipum kaupsýslunnar og leikaraskap
manna.
Nú láta þær aka sér berlæruðum á skraut-
vögnum um fjölförnustu götur stórborga,
þar sem ginntur múgurinn glápir á þær eins
og krakkar á nýstárleg leikföng. Allt á þetta
að heita fegurðarsamkeppni. Haldin er sýn-
ing á þessum ungu snótum, rétt eins og
verið væri að sýna einlivern kynbóta bú-
pening.
í seinni tíð hafa konur ekki viljað standa
karlmönnuin skör lægra, og má þá furðu-
legt lieita, að þær skuli láta þetta eftir karl-
mönnum, sem þurfa að hafa þær fyrir eins
konar verzlunarvöru. Annars væri ekki efnt
til slíkra fyrirbæra.
--------ooOoo--------
Bókin
Þegar Walter Scott, heimsfrægur og af-
kastamikill rithöfundur og skáld, lá banaleg-
una, kallaði hann eitt sinn lágum rómi til
þjóns sín og bað liann lesa ögn fyrir sig í
b ó k i n n i, en þessi mikli bókamaður átti
auðvitað mikið bókasafn og þess vegna
spurði þjónninn : „í hvaða bók ?“
„Því spyr þú ?“ svaraði skáldið, „Það er
aðeins ein, sem heitir bókin — Biblían“.
Þessi rithöfundur, sem samið hafði fjölda
skáldsagna, skrifað sögu Skotlands, ævisögu
Napóleons í mörgum bindum og margt
fleira, þekkti aðeins eina bók girnilega til
sálarfóðurs og fróðleiks, er hann stóð við
inngöngudyrnar til eilífðarinnar. Mörgum
fleirum en honum hafa á þeirri stundu þótt
fagnaðarboðskapur hennar betra veganesti
en skáldsögur og fræðibækur.
--------ooOoo--------
Kœruleysi og slys
Tvær flugvélar rekast á yfir gljúfrunum
miklu, Grand Canyon í Bandaríkjunum og
128 manns týnir þar lífinu. Rannsókn er
hafin og svo flytja blöðin þá fregn, að
„úrelt skipulag og ónóg árvekni sé ástæða“
slyssins.
Hvílík játning: trassamennska, kæruleysi
orsök þess að á annað liundrað manns týn-
ir lífinu. Þetta er auðvitað ekki neitt ein-
stakt tilfelli í s ö g u þjóðanna. Líklega er
kæruleysið ein af stærstu syndum mann-
kynsins. Það er viða að verki og veldur
meira tjóni, en nokkur maður gerir sér
ljóst.
Kæruleysið er eins konar óþrif sálarlífs-
ins. Vel ræktuð sál leyfir sér hvergi trassa-
skap né k æ r u 1 e y s i. Ábyrgðartilfinning
hennar er næm og sívakandi. Allt bendir til
þess, að mikilvægasta viðfangsefni manns-
andans og alls uppeldis sé einmitt ræktun
sálarlífsins. Takist þar vel, er allt unnið í
senn. Verk það er vandasamt og margþætt,
en eitt er öðru mikilvægara, að á s á 1 i r
manna þarf að drjúpa sönn liimnadögg, ef
góður árangur á að fást. Hún hreinsar og
gefur vöxtinn.