Eining - 01.04.1957, Blaðsíða 1

Eining - 01.04.1957, Blaðsíða 1
15. árg. Reykjavík - Apríl - 1957. 4. tbl. Gefa konuipr, forsetar og ráöherrar fordæmiö? HvaS segir hnattgöngumaourinn, William August Scharffenberg, pró- fessor ? Þótt samkvæmt fornri málvenju væri hnattgöngumaður réttnefni, hefur hr. Scharffenberg þó ekki slitið svo mjög skóm á för sinni um allar álfur heims undanfarin ár, því að farskjótur hans hefur farið loftvegu háa og flogið með hann 500,000 enskar mílur. Fyrir þetta hefur flugsambandið United Air Lines sæmt hann sínu fimm-stjömu heiðurs- merki og gert hann þar með félaga klúbbs sambandsins. Hver er maourinn? William A. Scharffenberg er fæddur í Bandaríkjunum, af dönsku bergi brot- inn. Nám stundaði hann við tvo háskóla í Bandaríkjunum, einnig við tvo háskóla í Nanking í Kína. Hann er fyrsti útlend- ingur í Kína, sem lauk prófi í fimm ára námi í kínversku við háskólann í Nan- king. Hann kenndi um 18 ára skeið við ýmsa skóla í Kína, bæði miðskóla, menntaskóla og var prófessor við há- skóla í Shanghai, veitti förstöðu sérstakri stofnun, Home Study Institute, á árun- um 1923—1941. Þessa Austurlanda deild hafði hann og stofnað. Einnig kom hann á fót eins konar skóla í austur- Iandamálum, og var höfuðstöð þessarar stofnunar í Shanghai, en svo deildir í Hong Kong, Manila, Singapore og Tokyo. Við margt fleira markvert hefur hr. Scharffenberg verið riðinn. Flutt fyrir- lestra við mörg alþjóðleg mót og nám- skeið, samið fræðslurit, fengizt við ritsjtórn, skrifað 150 greinar um tungu- málanám, 50 greinar um kínversku, 200 greinar um menntamál í Kína, og svo auðvitað mikið um bindindismál, en að þeim vinnur hann nú alger- lega. Hann hefur verið gerður félagi margra stofnana og samtaka, einnig nýlega heiðursborgari Istanbulborgar, en of langt mál yrði hér að kynna manninn miklu nánar. Hann er og fram- kvæmdastjóri alþjóðaráðs til varnar á- fengisbölinu — International Commis- sion for the Prevention of Alcoholism. Frceoslu- og menningarstarf. I áðurnefndu alþjóðaráði skulu vera 250 fulltrúar frá öllum löndum heims. Fer tala þeirra eftir fólksfjölda hverrar þjóðar. Indland á þar t. d. 9 fulltrúa, en Island einn, Brynleif Tobiasson, á- fengisvarnaráðunaut. — Höfuðstöðvar þessara samtaka eru í Bandaríkjunum. Forseti þeirra er dr. Andrew C. Ivy, margfaldur doktor og prófessor við há- skóla í Chicago, en heiðursforsetar eru Saud konungur í Saudi-Arabíu og for- sætisráðherra Hollands, Willem Dress, en heiðursforsetar munu fleiri þjóðhöfð- ingjar verða. Tilgangur samtakanna er fyrst og fremst fræðsla og menningarleg áhrif til eflingar bindindi og varnar gegn á- fengisbölinu. Stofnaðar eru undirdeildir í hinum ýmsu heimsálfum, og hafa þeg- ar verið stofnaðar tvær í Bandaríkjun- um, ein í Svisslandi, ein í Asíu og ein í Mið-Afríku, en undirbúningur er haf- inn að stofnun deilda í Afríku og Suður- Ameríku. Deildir þessar gangast fyrir þingum eða námskeiðum. Koma þar fulltrúar frá mörgum þjóðum og flytja þar fræði- og vísindamenn fyrirlestra. Slík þing hafa verið haldin í Bandaríkj- unum og í Sviss. Á einu slíku þingi í Genf í Sviss átti Island fulltrúa, Kjartan J. Jóhannsson lækni og alþm. Koman til íslands. Á leið frá Evrópu til Bandaríkjanna kom hr. Scharffenberg við á Islandi og Talio frá vinstri: Péíur Sigurðsson, Vilhjálmur Einarsson, William A. Scharffenbcrg, Brynleifur Tobiasson, Magnús Jónsson, Bjórn Magnússon og Pétur Ottesen.

x

Eining

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Eining
https://timarit.is/publication/833

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.