Eining - 01.06.1959, Page 14

14
EINING
i
[f fillu væri til skila baldiíl
Ef unnt væri að rekja öll hin dökku og
blóðugu spor áfengisneyzlunnar víðs vegar
um heim, yrði sú skýrsla sennilega öllu ljótu
ljótari.
Hér fara á eftir fáeinar fréttir úr dag-
blöðunum okkar, aðallega einu, og er um
aðeins stuttan tíma að ræða.
Morgunblaðið 18. des. 1957.
Yfirskriftin þar: „Báðir bera við ölæði.“
ætti auðvitað að vera ölvun, en ekki ölæði,
því að það er delirium tremens. Þessi fregn
segir frá manni sem barði bílstjóra, og svo
ungum manni, sem reyndi að brjótst inn í
sparisjóð.
Tíminn 5. febrúar 1958.
Yfirskriftin: ,,Eru drengir um fermingu
að verða umfangsmesti afbrotalýður
Reykjavílcur? Þar er sagt, að framin hafi
verið þá um veturinn „þrú upp í sjö inn-
brot um helgi,“ og er greint frá þjófnaði á
nokkrum stöðum. Ekki er þess getið í blað-
inu, að áfengisneyzla hafi verið þessu sam-
fara, en ekki er það ólíklegt.
Morgunblaðið 20. febr. 1958
Yfirskriftin: „Enn játa unglinaar á sig
þjófnað og stuld. Þrír þeirra skiptu með sér
H000 krónum."
Piltar þessir stálu rúmum 14 þús. kr. á
einum stað, 1000 kr. á öðrum stað, 3000 kr.
á þriðja staðnum. „Öllu fénu var eytt jafn-
óðum,“ segir í blaðinu. „Réðust þeir þá á
bíla og vinnuvélar, er þeir voru að þeysast
um bæinn með vinstúlkum sínum.“ —
Nærri má geta, hvort engin áfengisneyzla
hafi verið samfara þessari hegðun.
Morgunblaðið h- marz 1958
Yfirskriftin: „Hryllilegt morð framið.
Tveggja barna móðir stungin til bana.“ I
annarri grein í frásögn þessa sama blaðs
segir: „Árdegis hafði hann keypt flösku af
konjakki .... þau (morðinginn og kær-
asta hans) höfðu þar drukkið úr flösk-
unni .... hann hafði upp á síðkastið gerzt
meira hneigður til víns.“
í annarri frásögn virðist sem unglings-
stúlka hafi verið sjónarvottur að morðinu.
— Áfengisflöskurnar hafa áreiðanlega
drepið fleiri um dagana, en sprengjuregnið
í stórstyrjöldum.
Morgunblaðið 5. marz 1958
Yfirskriftin: „í fyrsta skipti dæmdur
og hlaut tveggja mánaða fangelsi.“ Maður
þessi „kvaðst ekkert muna hvað hann hafi
aðhafzt þenna dag eftir kl. 5 sakir ölv-
unar.“ — „Hinn ákærði var þá drukkinn,
svo og sá, sem fyrir árásinni varð.“
Tíminn 4. janúar 1957
„Nítján ára piltur játar á sig skemmdar-
verk á flugvélum.“ Hann var undir „mikl-
um áhrifum áfengis.“
Morgunblaðið 17. janúar 1959
„Lokið rannsóknum á þjófnaðar- og
skemmdarverkamálum drengja." Þessir
snáðar voru 10, á aldrinum 11—14.
Morgunblaðið 9. janúar 1959
„Unglingar hafa framið mörg innbrot
í íbúðarhúsum undanfarið .... Yfirleitt
hefur þeim ekki tekizt að stela miklum
fjárhæðum á hverjum stað, en þó höfðu
þeir stolið nær 1000 kr. í húsi einu.
Morgunblaðið 3. janúar 1959
„Unglingar stálu 18 þús. króna, tóbaks-
vörum o. fl. ■—■ Lokið er hjá rannsóknar-
lögreglunni yfirheyrslum yfir fjórum ungl-
ingum 15—17 ár, sem hafa viðurkennt að
hafa framið mikinn þjófnað í kaupfélagi
Kjalnesinga við Brúarland ....
Eftir að hafa brotizt inn í húsið, gengu
þeir með verkfærum á eldtraustan peninga-
skáp, tókst að höggva gat á hann, en þar
voru geymdar 18000 krónur í peningum.
Stálu drengirnir því, en létu síðan greipar
sópa um hillur sem í voru tóbaksvörur.
Stálu þeir um 30 lengjum af sígarettum, 26
pökkum af smávindlum og einnig tóku þeir
með sér 200 kínverja til að sprengja á
gamlárskvöld.“
Tíminn 21. janúar 1959
Brutust inn í fyrrinótt. Handteknir í
gær.......Voru það fjórir piltungar 14—16
ára . . . höfðu stolið ýmsum varningi.“
Tíminn 23. septembar 1956
„Tvö bifreiðaslys um miðnætti í fyrri-
nótt......Maðurinn var drukkinn,“ segir
í fi'ásögninni um annað slysið.
Morgunblaðið 9. ágúst 1958
Yfirskriftin: „Brotist inn í sumarbústaði
við Þingvallavatn.“ — „Á vettvangi fannst
áfengisflaska, og voru nokkrar dreggjar í
henni.“
Morgunblaðið 29. ágúst 1958
Yfirskriftin: „Maður rotast á Lækjar-
torgi.“ —- „Hann var alldrukkinn.“ segir
í frásögninni.
Fyrirspurn Morgunblaðsins 24. nóv. 1957
um það, hvort æskilegt væri að hætt væri
vínveitingum á vegum hins opinbera, svar-
aði frú nokkur á þessa leið:
„Ef góða veizlu gera skal — þá er hið
bezta ekki of gott. En hugsið ykkur vatns-
glas á veizluborði. Hitt er annað mál, að
takmarka mætti guðaveigarnar úr því fólk
virðist ekki geta haft vit fyrir sér sjálft.“
Þarna er mælt af miklu óviti og ábyrgð-
arleysi. Það er einmitt takmörkuðu áfengis-
skammtarnir, sem leitt hafa til ofneyzl-
unnar og allra hörmunga þeirra, sem
engin orð fá lýst. „Hið bezta ekki of gott.“
Það er hægt að kenna í brjósti um konur,
sem þannig tala. Skyldi ekki líða yfir þessa
frú, ef hún stæði andspænis hrigðarmynd
þeirra milljóna kvenna, sem áfengisneyzlan
hefur kvalið um dagana. — „En hugsið
ykkur vatnsglas á veizluborði.“ — Abra-
ham Lincoln hafði í veizlum vatnsglös á
borðum. Nafn hans er vegsamað um allan
heim. Á.fengispostularnir gleymast.
Morgunblaðið, 2. ágúst 1957:
„Hörmulegur atburður, ungur maður
lætur lifið vegna áverka, er hann hlaut við
líkamsárás.“ Nánari frásögn fylgir af at-
burðinum. Er ótrúlegt að algáður maður
hafi framið þenna verknað.
Tíminn, 21. ágúst 1957:
„Óhugnanlegt morðmál í Danmörku:
Tæmdi brennivínsflösku — myrti síðan
foreldra sína með exi.“
t
Morgunblaðið, 27. sept. 1957:
„Tuttugu umferðarslys, 6—8 meiddir. . ..
í þessari tölu eru meðtaldir tveir árekstrar,
sem ölvaðir bílstjórar voru valdir að.“
Slys þessi voru öll á einni viku.
Morgunblaðið, 12. april 1957:
Sex menn biðu bana í krá einni í útjaðri
Los Angeles, er þrír ölvaðir menn vörpuðu
benzínbrúsa inn í krána og kveiktu svo í.“
Tíminn, 9. apríl 1957:
„Einn maður skemmir fjórar bifreiðar
.......Þóttu sýnileg merki þess, að hann
hafi verið drukkinn.“
Morgunblaðið, 17. ágúst 1957:
„Sjö piltar 14—21 árs játa yfir 50 inn-
brotsþjófnaði.“ — í greininni er allmikil
upptalning. Ótrúlegt er að þessir náungar
hafi alltaf verið algáðir.
Tíminn, 5 apríl 1959,
segir frá ölvuðum vegfaranda, sem varð
fyrir bíl og slasaðist. Einnig frá tveimur
ungum mönnum, sem stálu bíl og óku hon-
um út af veginum. Hefðu allt eins vel get-
að ekið á vegfaranda og slasað hann eða
drepið, ef einhver hefði orðið á vegi þeirra.
Nefna mætti svo hér tvö dauðaslys, sem
blöðin sögðu frá. Vitað var, að ölvun var
þar að verki, þeir sem fórust voru undir
áhrifum áfengis, en frá þessu verður ekki
skýrt hér nánar.
1
Þetta eru aðeins örfáar og af handahófi
gripnar frásagnir blaðanna af þeirri upp-
skéru, sem lestur sorprita, kennsla glæpa-
kvikmynda, áfengissala, lélegar skemmtan-
ir og lélegt uppeldi færir þjóðunum.
Hvernig myndi þessi skuggalega mynd
líta út, ef öllu væri til skila haldið? Sá
menningarakur, sem slíkt illgresi gefur af
sér, er vissulega illa hirtur.
/0?? ' '
Vilja ungmenni hafa þenna á hælum sér.

/
*■

/
f
t