Neisti - 23.12.1978, Qupperneq 8
Jólablað 1978
N E I S T 5
Óskum
landsmönnum öllum
gledilegra jóla
árs og fridar.
bökkum vidskiptin
á lidnum árum
BRINHBATAIÉUG ÍSLANDS
Umbodsmenn um land allt
Föstudaginn 4. nóvember
hófst nýr þáttur í Ameríkuflugi
Flugleiða sem um alllangt skeið
(Loftleiðir) hafa haft áætlunar-
flug til New York og Chicago.
Nýr áfangastaður vestan hafs
var tekinn inn í flugáætlun fé-
lagsins — Balti-
more/Washington.
Flestir boðsgesta Flugleiða í
þessari fyrstu ferð voru fulltrú-
ar ýmissa fjölmiðla og þar á
meðal landsmálablaða víðs-
vegar að af landinu, alls um 60
manns. Ferðaáætlun var nokk-
uð ströng en greinilega vel
skipulögð enda nauðsynlegt að
nýta vel þann tíma (rúman
sólarhring) sem ætlaður var til
viðstöðu vestan hafs.
Áætlað var að ieggja upp frá
Keflavíkurflugvelli kl. 17.45 á
föstudag. Tveim stundum fyrir
brottför voru boðsgestir mættir
á flugafgreiðslunni að Hótel
Loftleiðum þar sem fararstjór-
inn Sveinn Sæmundsson
blaðafulltrúi tók á móti hópn-
um. Skömmu síðar kom í ljós
að brottför mundi seinka vegna
mikillar þoku á meginlandi
Evrópu ,en þaðan átti vél sú að
koma sem flytja skyldi hópinn
vestur um haf. Við slíku var
auðvitað ekkert að gera og
menn létu það heldur ekki á sig
fá samankomnir í góðum fé-
lagsskap.
Eftir um 3ja klst. seinkun var
vél okkar. komin í loftið og
framundafi var um 6 tíma flug
til Baltimore. Farkosturinn var
DC 8 þota en þær taka um 240
farþega. Það var því vel rúmt
um þá 110 farþega sem voru
með í þessari fyrstu ferð til
Baltimore. Forráðamenn flug-
félagsins voru með í þessari ferð
og gerðu sér far um að blanda
geði við gesti sína á leiðinni eins
og háttur er góðra gestgjafa.
Margir þáðu boð flugstjórans
um að koma fram í stjórnklefa
og fylgjast með starfi fluglið-
ánna og skoða sig um. Fyrstu
sýnilegu merki þess að við vær-
um að nálgast voru ljósin á
strönd Nýfundnalands, nokkru
síðar er flogið yfir Boston og
brátt er New York í sjónmáli.
Það var vissulega mikilfenglegt
að standa frammi í stjórnklef-
anum og virða fyrir sér Ijósa-
dýrð stórborgarinnar en það
tók að mér fannst, talsverðan
tíma að fljúga yfir þetta ljóshaf.
Flugmennirnir eru hér öllum
hnútum kunnugir og ólatir við
að svara spurningum og benda
á ýmsa staði svo sem Manhatt-
an, Brooklyn, Empire State -
bygginguna o.fl. Við nálgumst
nú áfangastað okkar og innan
skamms tilkynnir flugstjórinn
lendingu á Balti-
more/Washington flugvelli eft-
ir nokkrar mínútur. Flugvöllur
þessi, sem þjónað hefur fyrst og
fremst innanlandsflugi og þá
einkum áðurnefndum tveim
borgum og nágrenni, er í 16 km.
fjarlægð frá Baltimore og 48
km. frá Washington. Fulltrúar
flugmálayfirvalda Maryland-
fylkis tóku á móti hópnum í
flugstöðinni og óskuðu Flug-
leiðum til hamingju með þenn-
an áfanga í starfi félagsins.
Flugleiðir er fyrsta erlenda
flugfélagið sem hefur reglu-
bundið áætlunarflug til Balti-
more /Washington. Þessar
borgir teljast ekki stórar á am-
erískan mælikvarða báðar með
íbúatölu undir 1 milj.
(7-800.000) en talsvert þéttbýli
er þó í nágrenninu. Þannig er
talið að á því svæði er hag hefir
af beinu Evrópuflugi frá Balti-
more búi um 6 miljónir manna
þar af helmingur á höfuðborg-
arsvæðinu
Frá flugvellinum var haldið
eftir venjulega vegabréfaskoð-
un til gististaðarins sem var
„International Hotel“ skammt
frá flugstöðinni: Eftir að menn
höfðu komið sér fyrir á vistleg-
um herbergjum, skolað af sér
,Jerðarykið“ og. haft fataskipti
var komið saman í einum sal
hótelsins þar sem gestgjafarnir
buðu til veislu. Um miðnætti
fóru gestir að tínast til her-
bergja sinna enda hljóðaði
dagskipun morgundagsins upp
á all stranga dagskrá og daginn
skyldi taka snemma. A laugar-
dagsmorgun var vakið kl. 7.15
og eftir ágætan morgunverð var
lagt af stað í 2 langferðabílum
áleiðis til Washington, en það
var tæplega klukkutíma akstur.
Dvölin í Washington hófst
síðan með rúmlega 2ja tíma
skoðunarferð um miðborgina.
Staldrað var við nokkrar mín-
útur framan við þinghúsið og
við minnismerki um forsetana
Georg Washington og Abra-
ham Lincoln en ekið fram hjá
ýmsum öðrum merkisstöðum
eins og Hvíta húsinu o.fl.
Washington er um margt ólík
Úr Ameríkuferð
hinum eiginlegu stórborgum
Bandaríkjanna, þar eru engir
skýjakljúfar, byggð nokkuð
dreifð og mikið um opin svæði
þar sem boltaleikir eru stund-
aðir og margir „trimmarar“ sá-
ust þar á skokki enda er mikill
áhugi á slíku þar vestra. Að
skoðunarferð lokinni var
snæddur hádegisverður á litl-
um veitingastað í gömlum stíl.
Veitingastaðurinn „Evans
farm“ var áður sveitabær frá
18. öld og hefur að mestu hald-
ið sínu svipmóti jafnt utan dyra
sem innan, jafnvel klæðaburð-
ur þjónanna.
Nú notuðu ýmsir tækifærið,
meðan á borðhaldi stóð, til að
þakka fyrir gott boð og flytja
flugfélaginu árnaðaróskir. Vel
á sig kominn eftir afbragðs-
máltíð hélt hópurinn þessu
næst til „Tysons Corner“ sem er
stór verslunarmiðstöð með ým-
is önnur þjónustufyrirtæki
undir sama þaki svo sem veit-
ingahús, kvikmyndahús og
fleira. Þarna var verslað næstu
2 tíma eða svo og mátti gera þar
allgóð kaup í einstaka vörum en
fjölmargt var þó með svipuðu
verði og hér heima. Á tilskyld-
um tíma mættu menn mis-
hlaðnir pinklum þar sem bíl-
arnir biðu til að flytja okkur til
íslenska sendiráðsins.
Ánægjulegri móttöku í sendi-
ráðinu lauk eftir um 1 klst. við-
dvöl með því að Stefán Jason-
arson frá Vorsbæ kvaddi sér
hljóðs og flutti sendiherrahjón-
unum þakkir fyrir hönd gesta
auk þess að færa sendiherra-
frúnni að gjöf postulíns
„platta“ Landbúnaðarsýning-
arinnar.
Var nú komið að lokum
dvalarinnar í Washington og
frá sendiráðinu var ekið aftur til
„Hotel International“ pakkað
niður og haldið til flugvallarins.
I flugstöðvarbyggingunni hafði
flugmálastjórn Marylandríkis
móttöku fyrir Flugleiðamenn
og gesti þeirra. Eftir að hafa
notið ágætrar gestrisni þessara
aðila var farið í gegnum hlið
lögreglu- og tolleftirlits út í
flugvél. Þeir sem ekki höfðu
áður. kynnst meðhöndlun
vopnaleitartækja urðu nú
nokkurs vísari um þann búnað
en þarna þykir síkt sjálfsagt
öryggiseftirlit. Heimferðin er
hafin og í þetta sinn er vélin
fullsetin eða því sem næst og
flestir þeirra halda áfram til
Luxemborgar eft.ir skamma
viðdvöl á Keflavíkurflugvelli.
Flugferðin til Keflavíkur gekk
tíðindalítið fyrir sig enda ekki
laust við að þreytu væri
farið að gæta í hópi lslending-
anna og það var kærkomið að
geta blundað svolítið.
Lent var á Keflavíkurflug-
velli snemma á sunnudags-
morguninn um það bil lVi
sólahring eftir að lagt var upp í
þessa ferð.
Eftir verslun í fríhöfninni og
tollskoðun var haldið til
Reykjavíkur þar sem leiðir
samferðamanna skildu á Hótel
Loftleiðum og hver hélt til síns
heima. Við Siglfirðingamir
flugum til Akureyrar síðdegis
sama dag og þaðan starx áfram
til Siglufjarðar.
Stuttri en óvenju ánægjulegri
ferð var lokið og það verður að
segja eins og er að nýting þessa
stutta tíma var aldeilis frábær.
Þegar ferðaáætlunin var skoð-
uð í upphafi var ekki laust við
að efasemdir vöknuðu um að
hún stæðist miðað við hina
ströngu tímatöflu.
Þokan á meginlandinu var
hið eina sem raskaði áætlun því
öll skipulagning og fararstjóm
var til fyrirmyndar.
Að lokum vil ég þakka Flug-
leiðum þetta ánægjulega boð,
áhöfn vélar einstaka umönnun
og síðast en ekki síst okkar
ágæta farastjóra Sveini
Sæmundssyni blaðafulltrúa
lipra, örugga og í alla staði frá-
bæra fararstjóm
Anton V. Jóhannsson.
LAUNAFOLK!
Markmið
Alþýðubankans h.f. er
m.a. að efla menningarlega og félagslega starfseml
verkaiýðshreyfingarinnar á fslandi og treysta atvinnu-
öryggi verkafólks.
Alþýðubankinn h.f. óskar lesendum blaðsins gleðilegra
jóla og farsæls komandi árs.
I
i
REYNIÐ VIÐSKIPTIN 1 BANKANUM YKKAR.
Alþýöubanklnn Ivf.
Laugaveg 31 sími 28-700