Ljósmæðrablaðið - 01.09.1963, Blaðsíða 10

60
LJÓSMÆÐRABLAÐIÐ
Lærð nærkona í Reykjavik
október 1761
Dönsk nærkona — fyrsta lærða yfirsetukona, sem
nokkurn tíma hefur verið hér á landi — er komin að
starfi í Reykjavík og hefur þegar tekið á móti fyrsta
barninu. Þessi yfirsetukona er dönsk, heitir Margrét
Katrín og er gift íslenzkum manni, Benedikt Magnússyni
frá Bassastöðum í Steingrímsfirði, sem numið hefur járn-
smíði í Kaupmannahöfn. Laun nærkonunnar eru 16 dalir
á ári.
Nærkonan lauk prófi í fræðum sínum í ár, og að því
búnu sigldu þau til íslands.
Það var hinn nýi landlæknir, Bjarni Pálsson, sem kom
þessu til leiðar.
Æruprís salti dægrin dauf — “
Júlí 1763
Um svipað leyti og Bjarni landlæknir fluttist alfarinn
að Nesi, gekk hann að eiga Rannveigu, dóttur Skúla land-
fógeta í Viðey, og gaf prófasturinn í Görðum, séra Guð-
laugur Þorgeirsson þau saman.
Það var nýstárlegt við þessa hjónavígslu, að stúlkan
var vígð brúðgumanum í rúmi sínu, og bar það til, að hún
lá á sæng að fyrsta barni þeirra. Eigi að síður var brúð-
kaupsveizla haldin af mikilli rausn, og sendi Eggert
Ölafsson, er sjálfur var fjarstaddur, félaga sínum brúð-
kaupskvæði, er nefnt er Sigurdrífumál, og óskar þess, að
„æruprís salti dægrin dauf“ og maðran „verki það, að þau
lýist ekki“, ungu hjónin.