Ljósmæðrablaðið - 01.07.1964, Page 10

50
LJÓSMÆÐRABLAÐIÐ
Úr sögu heilbrigðismála á íslandi,
þeim ungu Ijósmœðrum til fróðleiks.
sem ekki muna timana tvenna.
1931. Fyrir nokkrum árum var hafin herferð gegn ein-
um af sjúkdómum þeim, er stafa af óþrifnaði og hér hefir
orðið landlægur. En það eru geitur í höfði. Var það dr.
Gunnlaugur Claessen, sem gekkst fyrir þeirri herferð.
Síðan hefir verið samvinna milli lækna landsins og
Röntgenstofnunar um að útrýma þessum hvimleiða sjúk-
dómi, enda hefir árangurinn orðið mjög góður. Árið sem
leið, komu aðeins fjórir geitnasjúklingar til lækninga á
geislastofuna, tvö börn, einn unglingur og einn fullorð-
inn. — í grein í læknablaðinu síðasta kemst dr. Gunn-
laugur Claessen svo að orði: „Það eru ekki mörg ár síðan
einn af hverjum þúsund Islendingum gekk með geitur í
höfðinu. Þannig var ástandið, áður en læknar gerðu gang-
skör að því að leita uppi sjúklingana og koma þeim í
röntgenlækningu. Ég býst líka við að sjúklingar finn-
ist á stangli á komandi árum. En ég hef mikla von um,
að engin regluleg „geitna-fjölskylda sé nú í landinu. Hér
á árunum komu til geislalækninga allt að 6 systkinum,
öll útverkuð af geitum í höfðinu. Þetta hefur ekki komið
fyrir á Röntgenstofunni upp á síðkastið. Svo mikið hefur
á unnizt.“