Freyr - 01.07.1930, Page 20

88
FREYR
Molar
Moldsteypuhúsin. Sem kunnugt er út-
vegaði Búnaðarfélag íslands í fyrra norsk-
an mann, til að byggja hús úr moldsteypu.
Maður þessi var vanur þessum störfum.
Tvö hús voru bygð, annað austur í Fljóts-
hlíð, á Sámsstöðum, hitt á Akureyri, og
aðstoðaði Ræktunarfélag Norðurlands þar.
Saga húsanna er þessi:
Sámsstaðahúsið féll til grunna s. 1. vet-
ur, enda munu þar hafa verið ýms mis-
tök með undirbúning og hirðingu hússins.
Akureyrarhúsið er 6X4 m. að stærð.
Það er að mestu steypt úr ísaldarleir og
er vel stæðilegt. í vetur var það notað sem
fjós, og reyndist ágætlega, hlýtt og raka-
laust.
Mikilvirkur búhöldur. Bergsteinn Kol-
beinsson býr á Leifsstöðum í Eyjafirði.
Hann bjó áður í Kaupangi og gerði þar
miklar húsa- og jarðabætur. Hann seldi
Kaupang en keypti Leifsstaði 1928. Síðan
er hann búinn að reisa þar íbúðarhús úr
steinsteypu, tvílyft 9X9 rn. stórt, fjós
með tilsvarandi hlöðu fyrir 11 nautgripi
og sléttað utantúns um 7 ha. í sumar fékk
hann um 300 hesta af töðu (þar af 135
hesta af gamla túninu) og auk þessa mik-
ið af hafragrasi. í vor notaði hann 15
sekki af Nitrophoska og 25 sekki af salt-
pétri til áburðar.
Fjárhúsin á Laxamýri. f fyrra var þess
getið, að Jón H. Þorbergsson óðalsbóndi á
L'axamýri hefði bygt mjög vönduð fjár-
hús. Hús þessi eru úr steinsteypu með
járnþaki. Hlaða sem rúmar 1000 hesta af
heyi er í miðju og fjárhúsin til beggja
hliða. Þau rúma 350 fjár. Öll byggingin
er hin vandaðasta og hefir kostað um
12000 kr. Er þá hús- og hlöðurúm fyrir
kind um 34 krónur.
Kaupfélag Eyfirðinga er hið eina kaup-
félag á landinu, sem verulega styður að
búnaðarframkvæmdum innan sinna vé-
banda. Það kom á fót mjólkurbúsfélagi
Eyfirðinga, sér því fyrir rekstursfé og
annast sölu afurða þess. Það lánar félög-
um sínum fræ og tilbúinn áburð upp á
væntanlegan jarðabótastyrk. Það hefir
mjög stutt að aukinni notkun heyvinnu-
véla, með því að það lánar verð vélanna,
sem svo afborgast á nokkrum árum, t. d.
sláttuvélar, sem afborgast með 100 kr.
árlega.
Önnur kaupfélög ættu að taka þessi
málefni til yfirvegunar.
Gömui siáttuvéL 1 Búnaðarritinu 1926
ritar Ámi G. Eylands um sláttuvélar, og
telur upp hverjir hafi fyrstir notað þær
hér á landi. Þar hefir láðst að geta um
eina vél, sem Björn Sigurðsson í Ærlækj-
arseli í Öxarfirði útvegaði. Vélin kom í
Ærlækjarsel 1898. Hún hét Bocken Buakey
og var útveguð frá Danmörku. Vélin var
notuð til sláttar á engjum til 1927 og
reyndist ágætlega. Hætt var við að nota
hana vegna þess, að eigi var hægt að út-
vega varahluti til hennar.
Nýyrkjan í Eyjafirði. 1 fáum sýslum
landsins er nú unnið jafnmikið að nýyrkju
sem í Eyjafirði. Þar sjást stórar hafra-
og grasfræssléttur við nær hvert býli,
enda hafa þar verið að verki í vor og sum-
ar 2 þúfnabanar og 5 dráttarvélar. Að
aukinni nýyrkju stýður mjög mjólkurbú
Eyfirðinga, sem samtímis ræktuninni út-
vegar bændum verðmæti fyrir aukna
mjólkurframleiðslu. Nýyrkja og mjólkur-
bú þurfa að verða samferða.
Prentsmiðjan Acta.