Einherji - 01.04.1992, Blaðsíða 3
EINHERJI
3
Apríl '92
Herdís Sæmundardóttir:
Breytt hlutverk félagsmálaráðs
Félagsmálaráð einnig
jafnréttisnefnd.
I mars á s.I. ári voru
samþykkt ný lög sem kveða á
um jafna stöðu og jafnan rétt
kvenna og karla. Samanber
1. grein laganna er tilgangur
þeirra að koma ájafnrétti og
jafnri stöðu kvenna og karla
á öllum sviðum og í 2. grein
segir jafnframt: ”Konum og
körlum skulu með stjórn-
valdsaðgerðum tryggðir jafnir
möguleikar til atvinnu, launa
og menntunar”.
13. grein laganna hljóðar
svo: ”1 sveitarfélögum með
yfir 500 íbúa og annars
staðar þar sem því verður við
komið skal skipa jafnréttis-
nefndir og skulu þær hafa
með höndum jafnréttismál
innan síns sveitarfélags sam-
kvæmt lögum þessum. Skulu
nefndirnar fylgjast með og
hafa frumkvæði að sér-
stökum tímabundnum að-
gerðum til að bæta stöðu
kvenna í sveitarfélaginu,
taka við ábendingum vegna
brota á lögum þessum og
vera tengiliður við ráðuneyti
og Jafnréttisráð. Enn fremur
skulu nefndirnar vera ráð-
gefandi fyrir sveitarstjórn í
málefnum er varða jafnrétti
kvenna og karla.”
Samkvæmt þessu er Sauðár-
króksbæ skylt að hafa
starfandi jafnréttisnefnd. Ég
veit hins vegar til að í
nokkrum bæjarfélögum hefur
verið valin sú leið að fela
öðrum stafandi nefndum,
t.d. félagsmálaráði, verksvið
jafnréttisnefndar í stað þess
að skipa sérstaka nefnd. Ekki
er ólíklegt að bæjarstjórn
Sauðárkróks kjósi einnig að
fara þá leið og feli Félags-
málaráði Sauðárkróks verk-
efni jafnréttisnefndar. Slík
ráðstöfun er að mínu mati
alls ekki óeðlileg. Þvert á
móti held ég að ýmislegt geti
mælt með því að jafnréttis-
málin heyri undir félags-
málanefndir.
Frístundafulltrúi
A sínum tíma kaus
bæjarstjóm Sauðárkróks þriggja
manna nefnd sem í eiga sæti
þeir Stefán L. Haraldsson,
Snorri Bj. Sigurðsson og
Björn Björnsson. Nefnd
þessari er í stuttu máli ætlað
að endurskoða samþykktir
bæjarins með það að leiðar-
ljósi að hagræða eða lagfæra
það sem betur mætti fara
varðandi rekstur bæjarfélagsias.
Fyrir skömmu skilaði
nefnd þessi tillögum að
breyttu hlutverki félagsmála-
ráðs og íþróttaráðs. Það er
ekki ætlun mín að fara
ítarlega ofan í þessar tillögur
heldur einungis stikla á stóru
varðandi helstu breytingar
sem tillögur þessar hafa í för
með sér, nái þær fram að
ganga.
Varðandi íþróttaráð, þá er
gert ráð fyrir að það verði lagt
niður í sinni núverandi mynd
og þess í stað verði kosið
íþrótta- og æskulýðsráð, eða
FRÍSTUNDARÁÐ eins og
ég kýs að kalla það, og
sérstakur starfsmaður ráðinn
til að sinna þeim mála-
flokkum er undir ráðið
heyra. Starfsmaður þessi
hefði þá yfirumsjón með
öllum íþróttamannvirkjum
bæjarins, félagsmiðstöð, vinnu-
skóla, leikjanámskeiðum og
fleiru.
Starfssvið Félagsmálaráðs
Sauðárkróks myndi að sama
skapi taka töluverðum breyt-
ingum. Það hefur reyndar
verið mín skoðun að unglinga-
starfið, þ.e. vinnuskóli, félags-
miðstöð, jafnvel skólagarðar
og starfsvöllur, eigi ekkert
sérlega vel heima með
félagsmálunum og eðlilegra
að það tengist því unglinga-
starfi sem fyrir er, eins og t.d.
íþróttunum. Ég, fyrir mitt
leyti, tek þessum tillögum því
fagnandi og sé fyrir mér
meira og betra starf félags-
málaráðs Sauðárkróks í þágu
þeirra sem þurfa á félags-
hjálp að halda og jafnframt
að félagsmálaráð verði um
leið virk jafnréttisnefnd er
sinni starfi sínu eins og henni
er ætlað. Það er einnig trú
mín að skipan þessi leiði til
samræmdara og betra ung-
lingastarfs í bænum.
Það skal þó tekið fram að
ofangreindar tillögur um
breytt hlutverk íþróttaráðs
og félagsmálaráðs eru, þegar
þetta er sett á blað, svo
nýlega komnar fram að ekki
hefur unnist tími til að ræða
þær að gagni og alls ekki
ósennilegt að þær taki
einhverjum breytingum þegar
farið verður ofan í kjölinn á
þeim. Það er jafnframt ljóst
að þessar tillögur gera ráð
fyrir töluverðum breytingum
í starfsmannahaldi íþrótta-
mannvirkja bæjarins og
sjálfsagt og eðlilegt að þeim
starfsmönnum sem þar vinna
gefist tími til að skoða þessar
tillögur og gera sínar athuga-
semdir við þær.
Að lokum skal það ítrekað
að það sem ég hef fjallað um
hér að ofan, bæði hvað
varðar skipan jafnréttismála
og einnig það sem lýtur að
íþrótta- og félagsmálaráði
eru einungis hugmyndir og
tillögur og engar ákvarðanir
hafa ennþá verið teknar í
þessu efni.
Sauðárkróki 26. mars 1992.
RAFMAGNSVERKSTÆÐI
AlítlccUv MpMaymþjártutía
HEIMILSTÆKJAVIÐGERÐIR
ÚTVARPS- OG SJÓNVARPSVIÐGERÐIR
KÆLITÆKJAVIÐGERÐIR
MÓTORVIÐGERÐIR
UÓSRITUNARVÉLAVIÐGERÐIR
ÍSETNING Á BÍLTÆKJUM
OG FARSÍMUM
HÚSARAFLAGNIR
OG MARGT FLEIRA
ALFA LAVAL ÞJÓNUSTA
^eqnccl vócUttifiUvt!
SÍMI95-35200 • FAX 95-36049