Almanak Hins íslenska þjóðvinafélags - 01.01.1996, Side 153
hlutafé fór hagur félagsins batnandi og varð 82 milljóna
hagnaður á árinu, sem er 2,2% af rekstrartekjum. Dóttur-
félög Samskipa voru 4 í árslok. Meðal þeirra voru Flutn-
■ngamiðstöð Norðurlands hf. og Flutningamiðstöð Vest-
•'iannaeyja hf.
Bílferjan Norröna flutti 7.255 farþega til landsins (7.483
árið áður) og 2.151 vélknúið ökutæki (2.421).
Samgöngur á landi. Innflutningur bifreiða minnkaði enn
á árinu eða um 1,7%. 5.391 nýr fólksbíll var fluttur til
landsins (5.482 árið áður). Alls voru flutt inn 5.970 ný fjór-
hjóla ökutæki (6.121). Japanskir bílar voru sem fyrr vinsæl-
astir, en hlutdeild þeirra í markaðinum fór þó minnkandi
°g voru þeir 52,37% af heildarinnflutningi fólksbfla
(61,69% árið áður). Mest selda tegundin af nýjum fólksbíl-
um var Toyota frá Japan með 1.398 bíla (1.211) eða 25,9%.
Nissan frá Japan kom næst, en af þeirri tegund voru fluttir
>nn 803 bflar (806 árið áður) eða 14,9%. Síðan kom
Volkswagen frá Þýzkalandi með 572 bíla eða 10,6%. Sala á
þýzku tegundunum Volkswagen og Opel óx mjög á árinu,
en sala á Mitsubishi minnkaði um helming. Af einstökum
bílum var Toyota Corolla vinsælastur, en af honum voru
flutt inn 1.016 eintök (778). Næstur kom Nissan Sunny, 461
eintak (504).
I árslok voru 131.840 bifreiðir á skrá í landinu. Af þeim
voru 116.243 fólksbifreiðir, 1.249 hópferðabifreiðir og
14.348 vöru- og sendibifreiðir.
SLYS OG SLYSAYARNIR
Á árinu létust 42 af slysförum á íslandi (48 árið áður).
Af þeim drukknuðu 10 (11), 18 fórust í umferðarslysum
(22), 4 í flugslysum (2), en 10 í öðrum slysum (13). Mun
fleiri karlar en konur létust af slysförum á árinu, 33 karlar
á móti 9 konum. Af þessum 42 voru 10 útlendingar. Meðal
þeirra var ítali, sem féll í Gullfoss, Skoti, sem drukknaði í
Bláa lóninu, og Þjóðverji, sem fórst í vélsleðaslysi á Vatna-
jökli. Flest banaslys urðu í ágúst og september.
(151)