Almanak Hins íslenska þjóðvinafélags - 01.01.1996, Page 168
ákveðið að það yrði 11. júní. Ákveðið var, að kosnir yrðu
11 bæjarfulltrúar í sveitarstjórnarkosningunum. Áfram var
deilt um nafn á sveitarfélagið nýja.
19. febrúar var kosið um sameiningu sveitarfélaga á fá-
einum stöðum. Samþykkt var að sameina Mýrahrepp,
Nesjahrepp og Höfn, sem mynduðu Hornafjarðarbæ og
kusu 9 bæjarfulltrúa, en fellt að sameina Stöðvarfjörð og
Breiðdalsvík. í Borgarfirði var sameining samþykkt í 4
hreppum, þ.e. Norðurárdalshreppi, Stafholtstungnahreppi,
Borgarnesbæ og Hraunhreppi. í Borgarhreppi og Álftanes-
hreppi var sameining felld.
Hinn 11. júní öðlaðist gildi sameining sveitarfélaga a
þeim stöðum, þar sem sameiningin hafði verið samþykkt í
nóvember árið áður. Á Snæfellsnesi mynduðu Staðarsveit,
Breiðuvrkurhreppur, Neshreppur utan Ennis og Ólafsvík
Snæfellsbæ, þar sem kosnir voru 9 bæjarfulltrúar. í Dölum
sameinuðust 6 hreppar: Suðurdalahreppur, Haukadals-
hreppur, Laxárdalshreppur, Hvammshreppur, Fellsstrand-
arhreppur og Skarðshreppur. Pá sameinuðust Norðfjarðar-
hreppur og Neskaupstaður og Þórshafnarhreppur og
Sauðaneshreppur. Loks er að geta sameiningar Patreks-
fjarðar, Barðastrandarhrepps, Rauðasandshrepps og
Bíldudalshrepps, en þeir höfðu allir samþykkt sameiningu
20. nóvember 1993. Var sveitarfélagið nýja nefnt Vestur-
byggð og kaus 9 bæjarfulltrúa.
TÍMAMÓT
Fimmtíu ára afmæli lýðveldisins
Hinn 17. júní var þess minnst með mikilli hátíð á Þing-
völlum að liðin voru 50 ár frá stofnun lýðveldisins Islands.
Hátíðin hófst klukkan 8.25, en þá var kirkjuklukkum
hringt, fánar dregnir að hún og dagskrá hófst í Almanna-
gjá. Þar fluttu hljóðfæraleikarar trúarleg og þjóðleg verk
og 9.30 flutti séra Hanna María Pétursdóttir þjóðgarðs-
vörður hugvekju, en kvennakór söng tregaljóð við Drekk-
ingarhyl.
(166)