Mjölnir - 25.05.1978, Qupperneq 1

■HEIMILISFANGí-
Mjöinir
41.árgangur Fimmtudagur 25. maí 1978 7. tölublað.
Aukin fjárráð bæjar-
ins þurfaað nýtast betur
Kolbeinn Friðbjarnarson og Gunnar
Rafn Sigurbjörnsson voru fulltrúar Al-
þýðubandalagsins í bæjarstjórn
Siglufjarðar á kjörtímabilinu, sem er
að Ijúka og skipa nú tvö efstu sætin á
listanum. Mjölnir átti við þá eftirfarandi
viðtal fyrir nokkrum dögum:
Mjölnir: Hvemig hefur ver-
iö aö starfa í bæjarstjóminni
á kjörtímabilinu, sem er að
Ijúka?
Gunnar: Það hefur verið
erfiðara fyrir okkur að starfa
á þessu kjörtímabili en því
næsta á undan. Þá vorum við
þrír í minnihlutanum, en nú
tveir og vorum útilokaðir frá
þýðingarmiklum nefndum. —
Kappgirni og rígur hafa sett
meiri svip á störf bæjarstjórn-
ar síðustu 4 ár en þau næstu
á undan, og þess hefur gætt
basði gagnvart okkur og hjá
meirihlutanum innbyrðis. Það
má segja, að meirihlutinn hafi
sprungið tvisvar eða þrisvar
á síðasta kjörtímabili.
M.: Hann hefur þó gróið
saman atturr
G.: Það er vafamál. Það
kemur væntanlega betur í
ljós eftir kosningar.
M.:Heldur þú, Kolbeinn, aö
meirihlutinn sé eins ákveðinn
í að halda samstarfinu áfram
eins og hann var fyrir síðustu
bæjarstjómarkosningar?
Kolbeinn: Nei, það held ég
ekki. Hvað Alþýðuflokkinn
snertir hefur samstarfið
byggst á mjög hægrisinnuð-
uðum áhrifum, en ég held, að
þau séu nú minni en verið
hefur um langt skeið. Það
kann líka að hafa orðið af-
stöðubreyting hjá Sjálfstæðis-
flokknum, þar hefur stund-
um bryddað á tilhneigingum
til samstarfs við okkur, en
hún hefur alltaf verið kveðin
niður. Það kann að vera að
þessi tilhneiging vegi eitt-
hvað þyngra nú en áður.
M.: Það er haft í flimting-
um, hvað embætta- og bitl-
ingaskipti meirihlutaflokkanna
hafi verið óiöfn; Framsókn
hafi fengið í sinn hlut yfir-
stjóm bæiarins, rafveitunnar,
hitaveitunnar, sjúkrahússins,
sjúkrasamlagsins o. fl., en
hinir flokkamir fengið að bít-
ast um bókasafnið.
G.: Ég held, að það sem
mestum erfiðleikum hefur
valdið hjá meirihlutanum sé
einmitt gengdarlaus frekja og
yfirgangur Framsóknar, ekki
síst við mannaráðningar. Það
hefur soðið upp úr í þessum
innbyrðisátökum hvað eftir
annað, einkum milli fulltrúa
Alþýðuflokks og Framsóknar.
K.: Mitt viðhorf er, að Fram
sóknarflokkurinn hafi í raun
enga grundvallarstefnu í
stjórnmálum, og þegar þannig
er komið fyrir áhrifaflokki,
verða stefnumiðin ekki önn-
ur en þau, að búa vel að sínu
fólki, koma því í stöður og
embætti og halda því þannig
ánægðu.
Það sem mér hefur þótt
eftirtektarverðast við þennan
meirihluta er það, hvað
honum hafa notast illa þau
auknu fjárráð, sem bærinn
hefur fengið, sérstaklega tvö
síðustu árin, en þau hafa fært
bæjarfélaginu mjög verulegan
tekjuauka. Að mínu viti liggja
stærstu mistök meirihlutans í
því, hvað honum hafa nýtst
þessar auknu tekjur illa.
G.: Stærstu verkefnin á
kjörtímabilinu hafa verið hita-
veitan og stækkun rafveitunn-
ar. Fjármagn til þessara fram-
kvæmda er svo til allt fengið
að láni, en ekki af eigin tekj-
um bæjarins. Það þarf ekki
annað en að ganga um bæinn
til að sjá, að aðrar fram-
kvæmdir, t. d. gatnagerð, hafa
ekki verið meiri á þessu kjör-
tímabili en var meðan bærinn
barðlst í bökkum. Lánsféð til
þessara tveggja höfuðverkefna
hefur líka notast illa, það væri
hægt að tala langt mál um
þau mistök og óráðsíu, sem
átt hefur sér stað í sambandi
við þau, svo ekki sé minnst
á þau hörmulegu lánakjör,
sem fjármagninu hafa fylgt og
eru að sliga bæði fyrirtækin.
M.: Er þama um að ræða
verulega erfiðleika?
K.: Já, ég held það megi
segja, að það sé beinlínis
hættuleg staða í fjármálum
hitaveitunnar. Þetta stafar
auðvitað af geypilegum kostn-
aði við hitaveituframkvæmd-
irnar, kostnaði, sem hefur
farið langt fram úr áætlun og
langt fram úr því, sem eðli-
legt getur talist, fyrst og
fremst vegna stjómleysis í
framkvæmdunum. Ég held,
að ef finna eigi hitaveitunni
viðunandi rekstrargrundvöll,
verði að koma til sérstök fyr-
irgreiðsla til bæjarfélagsins
frá stjórnvöldum landsins.
Hvað rafveituna snertir, þá
hefur stofnkostnaðurinn við
nýju virkjunina farið marg-
falt fram úr áætlun og langt
fram úr því, sem eðlilegt get-
ur talist. Ég er nærri viss um,
að miðað við framleiðslu er
hann ekki minni hlutfallslega
en við Kröflu. Fjármagns-
kostnaðurinn er líka mjög
mikill. Samt er fjárhagur raf-
veitunnar ekki nærri því eins
slæmur og rafveitustjórinn
gefur upp við gerð fjárhags-
áætlana; sú mynd, sem hann
dregur þá upp, er alltof dökk
og til þess eins gerð að sýna
afkomuna verri en hún er og
fá þannig tekjur umfram á-
ætlun til að ráðskast með
eftir geðþótta.
G.: Það verður eitt af verk-
efnum Alþýðubandalagsins á
næsta kjörtímabili að vinna
að því að verð á orku frá
hitaveitu og rafveitu verði
ekki hærra en gengur og ger-
ist annars staðar á landinu.
M.: Hvað er að segja um
gatnagerð og lóðamál?
G.: í þeim málum hefur
ekki verið nógu vel staðið að
verki af hálfu bæjarins. Við
Hafnartún hafa t. d. verið
byggð hús, sem kosta tugi
millióna. Þar er bærinn langt
á eftir með að koma að nauð-
synlegum lögnum, hitaveitu-,
vatns- og skólplögnum. Ann-
ars staðar er reglan sú, að
bæjarfélagið leggi götur með
nauðsynlegum lögnum áður
en byrjað er að byggja.
K.: Sú mikla tekjuaukning,
sem hefur orðið hjá einstakl-
ingum, kemur fram í auknum
framkvæmdum hjá þeim, eins
og húsbyggingarnar sýna, en
samsvarandi tekjuhækkun hjá
bæjarsjóði kemur ekki fram
í samsvarandi framkvæmda-
aukningu hjá bænum.
M.: Nú er lagning varan-
legs slitlags á götur efst á
dagskrá hjá flestum kaupstöð-
um. Hvernig horfir það mál
hér?
Framhald á síðu 3
Kosningaskrifstofa Alþýðubandala
er í Suðurgötu 10,
sími 7 12 94.
KJÓSIÐ
SNEMMA!
Hafið samband við
kosningaskrifstofuna
Kosningakaffi í Suðurgötu 10 á kjördaginn
Kosningahandbók Fjölvíss
og miðar í kosningahapp-
drætti Alþýðubandalagsins
fæst í kosningaskrifstofunni.
Sjálfboðaliðar óskast til starfa á kosningadaginn. |
G - listinn.