Mjölnir - 25.05.1978, Blaðsíða 2
Af fjölhæf um manni
íhaldið hér í bæ gefur út |
snepil (s. s. kunnugt er á 6-
nefndum húsum); þessi snepill
heitir Siglfirðingur.
Á síðari árum hefur
verið venja að hafa á síðum
Siglfirðings slúðurdálka líkt
og í Mogga. I Mogganum sér
umboðsmaður Nato á íslandi
um slúðrið og nefnir sig ýmist
„Húsmóðir í Vesturbænum"
eða einhverju nafnnúmeri.
Slúðrið í Siglfirðingi er í
höndum ritstjórans, Steingr.
Kristinssonar, sem að auki er
5. hjól undir framboðsvagni
íhaldsins, vemdari 9. rásar,
upplýstur kranamaður, verka-.
maður, atvinnurekandi, „vel
gefinn", „lítið lesinn“ og á
enskan vin, sem hefur áhuga
á verksmiðjum.
Þessi fjölhæfni ritstjórans
er ekki svo lftil, enda nefnir
hann slúðurdálka sína „o. fl.“
Undanfarið hefur ritstjórinn
pundað á stofnanir ýmsar, s. s.
Veðurstofu, Hafrannsóknar-
stofnun og jarðvísindastofnan-
ir. Furða menn hér í bæ sig
á því af hverju Steingrímur,
svona „vel gefinn" og „lítið
lærður", sé ekki enn orðinn
aðalsprautan í umræðuþáttum
sjónvarpsins sem prúður leik-
ari. Auðvitað hafa fiskifræð-
ingar ekki hundsvit á loðnu
eða öðrum fiskum; það hafa
flokksbræðumir Matti Jó og
Steingrímur hins vegar.
Auðvitað vita jarðfræðingar
ekkert um Kröflusvæðið; þar
er Steingrímur sérfræðingur.
Og nú þýðir ekkert fyrir
veðurfræðingana að spá vond-
um veðmm; Steingrímur veit
betur og hagar sér sennilega
samkvæmt því!
Hann er sannarlegt ritund-
ur, þessi „lítið lærði“ en „vel
gefni“ ritstjóri.
En opinberar stofnanir eru
ekki hið eina, sem ritjöfurinn
hefur út á að setja.
Kommamir í bænum em að
breiða úr sér og blessuð
gamla rússagrýla angrar bless-
aðan' ritstjórann.
„Hverjir eru vondir atvinnu
rekendur?“ spyr fávís ritstjór-
inn og hann heldur áfram: „Er
það Þormóður rammi? Látið
ykkur detta í hug fleiri fyrir-
tæki hér í bæ, sem flokkast
undir hið vinsæla slagorð
kommúnista, „Arðræningi“."
Steingrímur þó!! Þú vel
gefni maður (verkamaður?)
Þú vinnur og færð laun greidd
fyrlr vinnuafl þitt. En löngu
áður en vinnudegi þínum lýk-
ur hefur þú skapað nýtt verð-
mæti sem jafngildir vinnuafli
þínu. Eftir það heldur þú á-
fram að skapa VERMÆTIS
AUKA fram yfir það, sem er
þér nauðsynlegt til framdrátt-
ar. Nú hefur þú endurgoldið
atvinnurekandanum þau laun,
sem hann greiddi þér, en þú
heldur áfram og skapar VERÐ
MÆTISAUKA sem KAPlTAL
ISTINN STINGUR í EIGIN
VASA.
Þetta, Steingrímur, er nefnt
arðrán og láttu þér svo detta
í hug eitthvert fyrirtæki hér
í bæ, sem ekki stundar arð-
rán?
Að lokum, Steingrímur,
nokkrar spumingar: Hve
miklu af fé hins fjárþrönga
Þormóðs ramma var eytt í
leikhúsmiða fyrir starfsfólk
annað en sjómenn? Hvemig
er aðild Þomu' 5s ramma hf.
' að Krana sf? Er það rétt að
sú aðild standi í vegi fyrir
því að keýptir verði löndun-
arkranar á togara fyrirtækis-
ins? Finnst þér það hag-
kvæmni í rekstri að eiga
tæki upp á tugi milljóna
króna, en nota það aðeins í
2—4 daga í hverjum mánuði?
Auðvitað vill enginn Sigl-
firðingur að Þormóður rammi
fari á hausinn, en það er
sjálfsagt að stuðla að hag-
kvæmni í rekstri, er það ekki,
Steingrímur? — k
FRAMBOÐSFUNDUR
var haldinn á Hótel Höfn s.l.
mánudagskvöld. Var tilhögun
hans þannig, að hver flokkur
fékk 15 mín. fyrir framsögu-
ræður, síðan fengu fundar-
menn klukkutíma til að bera
fram fyrirspurnir og halda
stuttar ræður, en að lokum fékk
hver flokkur 15 mín. til svara.
Allmargir nýliðar úr hópi
frambjóðenda tóku þarna ti!
máls og komust þeir yfirleitt vel
frá ræðum sínum. Fyrirspurn-
um var yfirleitt beint til bæjar-
fulltrúa, sem setið hafa í bæjar-
stjórn s.l. kjörtímabil, en ekki
nægði þeim öllum hinn
skammtaði tími til svara. Lang-
flestum fyrirspurnum var beint
til Björns Jónassonar, og lutu
þær flestar að „grænu bylting-
unni“, sem hann boðaði fyrir
síðustu bæjarstjórnarkosning-
ar, og fleiri umhverfismálum,
svo sem byggingu sorpeyðing-
arstöðvar, sem Björn telur nú
aðkallandi framkvæmd, en
greiddi atkvæði á móti tillögu
um byggingu slíkrar stofnunar
fyrir nokkrum vikum. Ekki
gafst Birni tækifæri til að svara
öllum þessum fyrtrspurnum,
því hann fékk aðeins 3—4
mínútur til umráða. Sr. Vigfús
talaði einna lengst af fram-
bjóðendum Sjálfstæðisglokks-
ins, en ekki mun mál hans hafa
vakið verulega athygli, nema
gamansagan sem hann sagði af
sr. Bjarna Jónssyni.
Fram kom fyrirspurn um
Tréverks- og Hafrækjumálið,
og vakti hún mikla æsingu og
hávaða hjá Boga Sigurbjörns-
syni. Fullvissaði hann fundar-
menn um, að ekkert nema um-
hyggja fyrir hagsmunum bæj-
arins hefði ráðið afstöðu bæj-
arfulltrúa Framsóknar í því
máli. Talsverða athygli vakti,
að hann bauð 3. mann á lista
Sjálfstæðisflokksins velkominn
í næstu bæjarstjórn.
Nokkra athygli vakti. að Al-
þýðuflokkurinn sýndi aðeins 2
efstu menn lista síns í ræðustól.
Fundinn sóttu ca. 150 manns
og fór hann hið besta fram. —
Annar framboðsfundur verður
í bíóhúsinu í kvöld, og verður
útvarpað frá honum á 196 m
bylgjulengd, þ. e. 1510 kílórið.
iiiniiiiiiiiiiuiiiiiiiiiiiiiiiiiiiii
VANDAMÁL LEYST
S.l. þriðjudagskvöld var
haldinn fundur í stjórn Sjúkra-
húss Siglufjarðar og ráðið til
lykta erfiðasta vandamáli, sem
hún hefur fengið til umfjöllun-
ar á kjörtímabilinu, þ.e. ráðn-
ingu aðstoðarmanns. Margir
sóttu um starfið, en ekki voru
nema tveir taldir öruggir fram-
sóknarmenn og var vandinn sá
að ákveða, hvor þeirra skyldi
ráðinn. Niðurstaðan varð sú, að
Skarphéðinn Guðmundsson'
varð fyrir valinu, enda hlýtur
hann að eiga mestan rétt, þar
sem hann er á lista flokksins nú
í bæjarstjórnarkosningunum.
Það hefur tekið sjúkrahús-
stjórnina margar vikur að ráða
þessu máli til lykta, og er því
auðsætt, að ekki hefur verið
kastað höndum til þessarar
ráðningar.
Þökkum af alhug auðsýnda samúð við andlát og útför
Pálínu Steinunnar Árnadóttur.
Lára Stefánsdóttir
Hulda Stefánsdóttir Stefán Guðmundsson
Bára Stefánsdóttir Sigmar Magnússon
Barnabörn og barnabarnabörn
Dánardægur og jarðafarir
Eftirtaldir menn hafa látist
og verið jarðsettir frá Siglu-
fjarðarkirkju frá síðastliðnum
áramótum:
Gylfi Hjörleifsson, f. 2 jan.
1942, Jarðsettur 3. jan. 1978.
Herdís Guðmundsdóttir, f. 23.
nóv. 1912, d. 31. jan. 1978.
Eyþór Baldvinsson, f. 19. júní
1905, d. 9. mars 1978.
Sigurbjörn Sveinsson, f. 19. okt.
1914, d. 30. mars 1978.
Reimar Kristjánsson, f. 5. okt
1906, d. 9. apríl 1978.
Valgerður Ólafsdóttir, f. 19.
des. 1899, d. 5. márs 1978.
Gunnar Ásgrímsson, f. 14. júní
1902, d. 5. mars 1978.
Pálína Ámadóttir, f. 11. júní
1883, d. l.maí 1978.
Aðalfundur Kvenfélagsins Von
• var haldinn 13. mars s.l.
I stjóm voru kjömar:
Form. Erla Eymundsdóttir.
gjaldkeri Anna Snorradóttir,
ritari Brynja Stefánsdóttir.
Varastjóm: Svava Baldvins-
dóttir, Auður Björnsdóttir,
Anna Bjömsdóttir.
Á s.l. hausti varð félagið 60
ára. í tilefni þess gaf það
bamaheimili Siglufjarðar upp-
þvottavél og Ellideild Sjúkra-
hússins hljómflutningstæki.
Málefni aldraðra hafa alla tíð
verið ofarlega á stefnuskrá fé-
lagsins og nú á aðalfundi var
samþykkt að hvetja til og vinna
eftir mætti að stækkun elli-
deildar eða nýbyggingu á hús-
næði fyrir aldraða og aukinni
aðstoð við aldraða hér í Siglu-
firði. Félagið þakkar stuðning
fyrr og síðar. Minningarkort
Elliheimilissjóðs fást hjá eftir-
töldum:
Magðalenu Hallsdóttir,
Bókaverslun Hannesar Jónas-
sonar. Önnu Snorradóttur og
Erlu Eymundsdóttir.
Pétur Björnsson látinn
Hinn 11. maí s.l andaðist
Pétur Bjömsson, Drápuhlíð 40,
Reykjavík. Pétur var fæddur
25.10. 1897. Pétur var mörg ár
búsettur á Siglufirði, og rak hér
verslun. Hann kom allmikið við
opinber mál, sat um skeið í
bæjarstjórn Siglufjarðarkaup-
staðar. Hann var þó fyrst og
framst þekktur fyrir störf sín að
bindindismálum og sat lengst af
í stjóm Sjómannaheimilis
Siglufjarðar. F.r hann flutti
héðan gerðist hann erindreki
áfengisvarnaráðs, og staríaði
þar meðan heilsan leyfði.
Listsýning
Sá merki viðburður varð á
Siglufirði þann 20. maí s. 1. að
haldin var málverkasýning
Herberts Sigfússonar, eða
Hebba, eins og allir nefna
hann. Helst er sýningin merk
fyrir það, að hér er á ferð
mikill hæfileikamaður, sem
hefur starfað á Siglufiröi í
hálfa öld að iðn sinni og list.
Ferill Hebba sem listamanns
er ekki ósvipaður sögu Siglu-
fjarðarbæjar. Það hafa skipst
á atorkutímar og deyfðartím-
ar. Og kannski eru þeir að
byrja nýtt blómaskeið, bærinn '
okkar og sjötugur unglingur-
inn, Hebbi. Ýmislegt ber þess
merki, eins og það, að hér
skuli haldin svo fjölsótt list-
sýning, og hve langt er síðan
Hebbi hefur afkastað slíku
sem síðustu misserin.
Myndimar á sýningunni
voru eins og gengur misjafn-
ar að gæðum, en það sem
mest vekur athygli er það hve
þær voru fjölbreytilegar að
stíl og sumar mjög „nútíma-
legar“. I bestu myndum hans,
eins og „Blóm og ávextir",
„Þróun“, „Tveir heimar" „Vala
gilsá“ og portrettmyndinni
„Jóhannes Jóhannesson“ kem-
ur það skýrt fram hve góður
listamaður Hebbi er.
Að lokum óska ég Hebba
langra lífdaga og starfsamra
og að hann eigi eftir að gleðja
okkur oftar með myndum
sínum. ö. K.
Kosningar eru kjarabarátta ! x G
MJÖLNIR — 2