Litli Bergþór - 01.06.2004, Blaðsíða 12
sem það skapar, þeirra Aðalheiðar, Baldvins, Herdísar,
Hildar, Kristínar og Þuríðar.
L-B: Hvernig sérð þú framtíð staðarins fyrir þér?
Bernharður: Skálholt hefur svo mikla dýpt og
býður upp á mikla möguleika. Ferðamannastraum-
urinn er vaxandi og hér á Suðurlandi hefur verið unnið
gott starf í þeim efnum. Það eru ekki síður íslendingar
sem koma hér og ég vona bara að sem flestir geti sótt
hingað frið, helgi og nýja sýn á lífið. Ég vildi sérstak-
lega vinna að eflingu málþinga um margskonar álita-
mál í samfélaginu, þar sem einarðlegt og opið samtal
fer fram.
L-B: Hver eru helstu áhugamál ykkar hjóna fyrir
utan starfið?
Bernharður: Það má kannski byrja á tónlistinni og
segja að heimili okkar hafi verið tónlistarheimili.
Rannveig er mikill tónlistarunnandi og börnin hafa
erft þennan áhuga frá henni!
Við sækjum mikið leikhús og höfum áhuga á
mannlífinu í kringum okkur, ekki síst í þróunarlönd-
unum. Við erum í ýmsum kirkjulegum samtökum og
starfi. Ég hef haft mikinn áhuga á mannréttindamálum
og verið formaður Amnesty International á Islandi og
er núna formaður Félags Sameinuðu þjóðanna hér.
Verkefnin breytast með aldrinum. Þegar ég var ungur
var ég í Æskulýðsráði ríkisins, á miðjum aldri, sem
foreldri, var ég í Barnaverndarráði íslands og núna, á
efri árum, er ég í Öldrunarráði ríkisins, sem er
ráðgefandi fyrir rtkisstjórnina. Þar er mikið rætt um
það hvernig bæta megi ímynd og stöðu eldri borgara í
þjóðfélaginu. Mér finnst þetta æ brýnna verkefni með
hverjum deginum sem ég eldist!
L-B: Segðu okkur að lokum frá bömum ykkar
Rannveigar, hvað gera þau?
Bernharður: Svava dóttir okkar lauk doktorsprófi í
tónlist frá Juilliard skólanum í New York og er
víóluleikari í fílharmóníuhljómsveitinni í Lubliana í
Slóveníu, þar sem hún býr ásamt manni sínum, Maté
Sarc. Hann er óbóleikari í sömu hljómsveit og þau
eiga eina dóttur, Rannveigu Mörtu, 8 ára. Þau hjónin
Rannveig og Bemharður, nýja útgáfan, í tónlistarhugleiðingum.
Rannveig og Bernharður og afkomendur þeirra. Taliðf.v:
Magnús Þorkell, Svava, Rannveig dóttir Svövu, Bernharður,
Sigurbjörn og Rannveig með Bernharð og Karenu Magneu
Magnúsarbörn ífanginu.
hafa leitt tónlistarnámskeið og hátíð sem haldið er
árlega í Piran í Suður-Slóveníu. Hér heima spilar hún í
Bach-sveitinni í Skálholti og í Ultima Thule kvartett-
inum, en hún hefur sérhæft sig í barokk tónlist.
Magnús Þorkel lauk BA prófi hér heima í stjóm-
málafræði og guðfræði en síðan doktorsprófi í sagn-
fræði frá Yale háskólanum í Bandaríkjunum. Hann er
sérfróður um sögu Mið-Austurlanda, og kennir við
Williams College í Massachusetts í Bandaríkjunum.
Hann er giftur bandarískri konu, Margaret McComish,
lögfræðingi og þau eiga 2 börn. Bemharð 6 ára og
Karenu Magneu 3 ára.
Yngri sonurinn, Sigurbjöm, er fiðluleikari, ógiftur
og bamlaus og býr ltka í Bandaríkjunum. Hann er
prófessor við tónlistardeild Illinois háskólans í
Champaign Urbana, auk þess sem hann spilar í
Pacifica strengjakvartettinum, sem tengdur er
háskólanum og er einnig konsertmeistari í strengjasveit
við háskólann í Chicago, sem spilar aðeins nútíma
verk. Hann er mikið á ferðinni, því kvartettinn heldur
fjölda tónleika, um 80 á síðasta ári og er bókaður fram
til 2006 í ýmsum löndum.
Þau eru semsagt öll þrjú búsett erlendis, og auðvitað
er það ekki óskastaða fyrir okkur. En þeim mun meiri
er gleðin þegar þau og fjölskyldur þeirra koma í heim-
sókn.
Það er orðið framorðið og kominn tími til að kveðja
Bemharð, með þökk fyrir einstaklega skemmtilegt
spjall og góðar veitingar. Rannveig er fyrir löngu
komin til Reykjavtkur, á tónleika hjá Sinfóníu-
hljómsveitinni, og blaðamaður heldur út í vetrar-
myrkrið heimáleið, margs fróðari.
Geirþrúður Sighvatsdóttir skráði.
Litli Bergþór 12