Fréttabréf Ættfræðifélagsins - 01.03.1999, Qupperneq 3

Skýrsla formanns
Hólmfríður Gísladóttir fráfarandi formaður í ræðustól.
Þannig fór starfsemi Ættfræðifélagsins fram í meginatrið-
um árið 1998.
Við héldum 5 stjórnarfundi og 6 félagsfundi, þar sem
við höfum hlýtt á fyrirlestra um ýmis efni. Svo höfum við
komið saman til að pakka Fréttabréfinu. Þá komu þeir
sem gátu.
Það voru haldnir 8 héraðsfimdir í húsnæði félagsins
að Ármúla 19, þetta hafa verið skemmtilegir fundir, fólk
hefur gaman af að hittast og ræða saman. Fréttabréfið
kom út 5 sinnum á árinu og 2 einblöðungar. Við fórum í
ferðalag 22. ágúst og fórum um Reykjanesskagann. Þetta
var mjög skemmtileg ferð, undir stjórn Magnúsar Óskars
Ingvarssonar. Ég hélt að Reykjanesið hefði ekki upp á svo
mikið að bjóða. Það komu ekki nógu margir í þessa ferð.
Það var keypt tölva í sumar og það eru til einhver gögn í
hana og Haukur Hannesson hefur sett upp heimasíðu
fyrir Ættfræðifélagið og hefur hún fengið góða dóma.
Haukur hefur fengið þjóðskrá og íbúaskrá í tölvuna.
Manntalið 1910, Gullbringusýsla og Kjósarsýsla kom
út í nóvember með fullvinnslu Eggerts Thorbergs
Kjartanssonar. Félagið fékk styrki til þeirrar útgáfu kr.
200.000,- úr Menningarsjóði og kr. 100.000.- frá mennta-
málaráðherra. Við sóttum um styrki til sveitarstjóma í
Gullbringusýslu og Kjósarsýslu, báðum um kr. 50.000,-
Það eru 12 sveitarfélög í sýslunum, við fengum fullan
styrk frá 3 og hálfan frá tveimur. Og þá er ætlunin að
Reykjavík komi næst í tveimur bindum, sennilega árið
2000. Við höfum sótt um styrki til þeirra bóka, til
Menningarsjóðs, menntamálaráðherra og borgarstjóra
Reykjavíkur. Það er mjög nauðsynlegt að fá styrki í
útgáfuna, því prentun er dýr og bækurnar seljast hægt.
Félaginu hafa borist bækur að gjöf á síðasta ári og
þökkum við fyrir, það sýnir hlýhug til félagsins.
Það eru alltaf að koma nýir félagar í Ættfræðifélagið.
Auðvitað falla einhverjir út, en félagsmenn eru nú um
800. Okkur hefur ekki tekist að gefa út nýja félagaskrá, þó
var það ætlun mín að hún kæmi út áður en ég hætti.
Það er mikið um það að fólk noti tölvur til að slá inn
ættfræðiupplýsingar, það er gott að eiga þær á tölvu, en
þá þarf að varðveita þær vel, því næsti maður vill hrifsa
þetta til sín, því það er auðvelt að fjölfalda diskinn. Fólk
hefur tjáð mér að þetta væri vandamál. Svo eru til menn
sem setja allar ættfræðibækur inn á tölvu og selja svo út
úr tölvunni. Það hlýtur að vera óheimilt að selja það sem
aðrir hafa unnið. Ættfræði er skemmtileg, hiin er lifandi
vinna þegar hún er unnin úr frumheimildum, þá kemur
margt í ljós sem verður að sögu, um fólkið sem við leitum
að. Það er skemmtilegast sem við höfum mest fyrir að
vinna. Höldum áfram að gera ættfræðina skemmtilega,
leitum sjálf, finnum fólkið okkar og sögu þess.
Nú eru liðin 9 ár síðan ég kom í stjórn Ættfræði-
félagsins. Á miklum umbrotatíma í félaginu seint á árinu
1989 kom ég í stjórn og varð varaformaður, Jón Valur
Jensson varð formaður. Það var ýmislegt sem þurfti að
gera, við tókum á leigu húsnæði í Kópavogi undir bóka-
lagerinn og söfnuðum honum saman af 5 stöðum. Þetta
var dugleg stjóm og allt gekk vel. Á aðalfundi 1991 gaf
Jón Valur ekki kost á sér lengur, hann hafði líka unnið
Fréttabréfið og gert það mjög vel. Ég gaf þá kost á mér til
formanns af miklum áhuga, en engri þekkingu. Mér
finnst þetta hafa tekist bara vel. Ég er búin að starfa með
mörgu fólki í stjórn, það hefur gengið nokkuð vel. Svo er
þessi stóri þáttur í starfsemi félagsins, það er samband
við fókið bæði félagsmenn og aðra sem hafa áhuga á
ættfræði. Ég þakka því fólki ánægjuleg samskipti. Ég
taldi saman hvað ég væri búin að fá marga fyrirlesara á
fundi þessi 8 ár og eru þeir 40. Ég þakka þeim fyrir, það
er sérstakt að það hefur aldrei misfarist erindi. Ég hef
talað við margt fólk í þjóðfélaginu í sambandi við Mann-
talið 1910, fyrst var þetta einhver kerling að hringja, nú er
það Hólmfríður Gísladóttir og ég hef mætt ótrúlegum
velvilja. Ég þakka því fólki sem hefur starfað með mér í
síðustu stjórn og öllum sem hafa starfað með mér í
gegnum árin, fyrir samstarfið. Ég þakka ykkur sem hafið
verið dugleg að sækja fundi fyrir komuna. Og þá er eftir
að geta þess að ég hefði ekki getað sinnt þessu, hefði ég
ekki haft stuðning mannsins míns Eggerts Thorbergs
Kjartanssonar, snúningar hans fyrir Ættfræðifélagið eru
margir. Ég hef sinnt þessu af áhuga, ég vona af samvisku-
semi.
Ég óska Ættfræðifélaginu alls þess besta.
Hólmfríður Gísladóttir
-3-