Foreldrablaðið - 01.03.1951, Qupperneq 7

straum af stofnsetnigu garðsins, girðingu
o. fl.
Með þessu hefur frú Guðrún sýnt skóla-
garðamálinu meiri skilning og meiri bein-
an stuðning en nokkrir aðrir hafa gert til
þessa hér á landi.
Garður þessi hefur síðan verið starf-
ræktur með miklum myndarbrag, og mun
Skeggi Asbjarnarson, nú kennari við
Laugarnesskólann, hafa aðallega unnið
upprunalega að gerð garðsins.
Fyrir 3 árum tóku forráðamenn skóla-
málanna hér í bænum, að vísu vegna
gefins tilefnis, þá ákvörðun að stofnsetja
skólagarða fyrir reykvísk skólabörn.
Þá hafði ungur áhugasamur garðyrkju-
fræðingur, hr. Eðvald B. Malmquist verið
nýlega ráðinn í þjónustu bæjarins til
leiðbeiningar um ræktunarmál. Malm-
quist hafði stundað nám í Noregi og
kunni góð skil á starfrækslu skólagarða
þar í landi, en í Noregi höfðu skólagarðar
verið starfræktir í borgum og bæjum um
langt árabil, svo sem áður greinir.
Malmquist kynnti nú þetta mál að
nýju fyrir skólum og foreldrum og ritaði
glöggar og eftirtektarverðar greinar um
uppeldisgildi skólagarðanna og notagildi
ræktunarnámsins, enda var honum vel
ljóst, svo sem fyrirrennara hans, Ein-
ari Helgasyni, hve mikil upplyfting
fræðsla í skólagörðum hlaut að verða
fyrir garðyrkjuna almennt.
Ræktunarráðunautnum var nú falið
af fræðsluyfirvöldum bæjarins að stofn-
setja skólagarða fyrir skólabörn bæjarins
og hafa yfirumsjón með starfrækslu
þeirra. Það var vorið 1948. Síðan hafa
verið að starfi í þessum greinum 60—100
börn á ári frá 10—14 ára.
* * ❖
Þessi fræðslustofnun er því ekki eldri
eri 3ja ára, og er þess ekki að vænta, að
enn sé farið að gæta mikilla áhrifa frá
hennar hálfu.
Þó má segja, að nokkur reynsla sé þeg-
ar fengin af starfsemi þessari, og hefur
hún staðfest það, sem raunar var vitað
áður, að slíkt nám sé einkar vinsælt, holt
og hagnýtt, og er því augljóst, að sú starf-
semi, sem þannig er hafin, verður innan
tíðar fastur liður í fræðslukerfinu.
I sambandi við framtíðarskipan þessara
mála vil ég leyfa mér að benda á eftir-
greind atriði:
1. Að skólagarðar verði ekki reknir
sem sjálfstæðar fræðslustofnanir, svo sem
nú er, heldur séu þeir starfræktir í mjög
nánum tengslum við skólana sjálfa og séu
beinlínis undir þeirra umsjá.
2. Hverju skólahverfi sé ætlað land til
skólagarðs, þar sem tryggt sé, að garðin-
um sé ætlaður samastaður til langframa.
3. Skólagarðurinn, (kennslugarðurinn)
á ekki að staðsetjast á lóð skólans, en
vera rekinn í nánu sambandi við þær
ræktunarframkvæmdir, sem gerðar eru á
skólalóðinni til fegurðarauka.
4. I eða við skólahúsið þarf að skapa
skilyrði til þess, að þar sé hægt að annast
sáningu og plöntuuppeldi að einhverju
leyti, svo að þau börn, er ætla sér að
vinna í skólagörðum, kynnist öllum
undirbúningsstörfum vegna ræktunar í
skólagörðum.
Tvar stúlkur mcð blóm.
FORELDRABLAÐIÐ 7