Foreldrablaðið - 01.12.1970, Blaðsíða 5
3
Svo sem kunnugt er, var það ákveðið af for-
ráðamönnum Reykjavíkurborgar, að gefa kost á
skólavist fyrir sex ára börn í barnaskólum borg-
arinnar á þessu skólaári.
Þessi nýbreytni var tafarlaust undirbúin, m. a.
með því að veita þeim, sem falin er umsjá þessara
barna í skólanum (bæði kennurum og fóstrum),
fræðslu og þjálfun í því starfi, sem fyrir liggur.
Aðsókn er mikil.
Hér er um að ræða mikils verða og merkilega
nýjung. Ekki erum við íslendingar brautryðjend-
ur hennar eða forystumenn. Grannþjóðir okkar
hafa þegar riðið á vaðið, og munum við notfæra
okkur reynslu þeirra.
Ekki eru allir á einu máli um þessa nýjung, sem
ekki er að vænta. Nokkrir munu vera henni alger-
lega andsnúnir, aðrir telja hana framfaraspor, og
svo hinir þriðju, sem koma auga á kost og löst.
Telja ýmsir, að hennar sé þörf, en finnst fram-
kvæmd hennar í einstökum atriðum hæpin.
Foreldrablaðið telur ástæðu til þess, að vekja
umræður um þessa merkilegu nýbreytni í skóla-
málum okkar. Er því allmikið af efni þess nú um
ýmislegt það, er varðar hina nýju deild barna-
skólanna.
Birtast hér viðtöl við Jónas B. Jónsson, fræðslu-
stjóra Reykjavíkur, Valborgu Sigurðardóttur, skóla-
stjóra Fóstruskólans, og Jónas Pálsson, sálfræð-
ing.