Til sjávar - 01.06.1999, Side 2
Frá forstjóra
Ný bauja á Seyðisfirði
Leiðarljós
Siglingastofnunar
Sú ánægjulega þróun hefur átt sér stað undanfarin
ár að dauðaslysum til sjós hefur fækkað.
Hugarfarsbreyting sjómanna gagnvart öryggismálum
hefur vafalaust haft mikil áhrif á þá þróun og eins og
fram kemur í samtali hér í blaðinu við Sigmar Þór
Sveinbjömsson. Jafnframt nefnir hann aukna fræðslu
um slysavarnir og eiginleika skipa og ítarlegra
skipaeftirlit en áður. Við hjá Siglingastofnun verðum
vör við umræddar áherslubreytingar í störfum okkar
og stofnunin hefur jafnframt verið virkur þátttakandi
í þróuninni eins og eftirfarandi dæmi sýna.
Áhugi sjómanna um aðstæður til sjósóknar er
mikill samanber 8000 fyrirspurnir á mánuði um
veður og sjólag á heimasíðu Siglingastofnunar.
Stofnunin í samráði við fleiri aðila stóð fyrir
kynningarfundum víðs vegar um landið um
stöðugleika skipa síðastliðinn vetur. Unnið er
skipulega að því að skip án haffæris stundi ekki
sjóróðra og jafnframt að skip sem ekki hafa verið
skoðuð lengi séu tekin af skrá. Þá hefur verið unnið
við að koma á einsleitni í skoðunum, bæði með því
að skilgreina kröfur og framkvæmd skoðana.
í samræmi við breyttar aðstæður ákváðum við
hjá Siglingastofnun að fara í stefnumótunarvinnu
síðastliðinn vetur. Farið var yfir starfsemi stofnunar-
innar, framtíðarsýn og hlutverk hennar í nánustu
framtíð skilgreint, nokkurs konar leiðarljós sem
hljóðar svo:
„Siglingastofnun íslands er framsœkin
þjónustustofnun sem vinnur að öryggi sjófarenda og
aukinni hagkvœmni í sjósókn. Meö sérfrœðiþekkingu
og skilvirkri miðlun upplýsinga um málefni hafna og
siglinga þjónar Siglingastofnun stjórnvöldum,
sjófarendum og útgerðarmönnum. Siglingastofnun
íslands er virkur þátttakandi í mótun heildarstefnu
stjórnvalda um samgöngur, skip, hafnir, strandlengju
og umhverfismál sjávar. Stofhunin leggur áherslu á
að tryggja að sérfrœðiþekking og reynsla
starfsmanna leggi góðan grunn að opinberum
kröfum um málefni sjávar og sjófarenda.. A sama
hátt stendur stofnunin öruggan vörð um að þessar
kröfur séu uppfylltar. Siglingastofnun vinnur einnig
að því að tryggja að sjónarmið íslenskra
útgerðarmanna og sjófarenda fái hljómgrunn í
alþjóðlegu samstaifi, þannig að sérhœfð þekking og
reynsla af íslenskum aðstœðum endurspeglist í
alþjóðlegum reglum um siglingamál. “
Varað við El Grillo
Ireglulegri eftirlitsferð
starfsmanna vitasviðs
Siglingastofnunar nú í júní
verður m.a. komið fyrir nýrri
bauju í Seyðisfirði - svokallaðri E1 Grillo
bauju - eða á þeim stað þar sem
samnefndu bresku olíubirgðaskipi var
sökkt 10. febrúar 1944. A baujunni hefur
verið komið fyrir skilti með upplýsingum
um þennan atburð og viðvörun til sjó-
farenda um að varpa ekki akkerum í
námunda við staðinn.
Jóhann B. Sveinbjörnsson, bæjar-
gjaldkeri á Seyðisfirði, er manna fróðastur
um örlög E1 Grillo. I samtali við Til sjávar
sagði Jóhann að skipið hefði sokkið eftir
árás þýskra sprengjuflugvéla á
Seyðisfjörð. Ein sprengja hæfði stefni
skipsins um 11 leytið 10. febrúar 1944 og
skipið sökk síðar þann dag eða um 19.30,
að sögn Jóhanns. E1 Grillo var hlaðið olíu
þegar það sökk og í kjölfarið varð mikil
olíumengun í Seyðisfirði.
Olíubirgðaskipið E1 Grillo var 7264
brúttótonn og 147 metra langt. Flak þess
liggur á um 45 metra dýpi. Um borð voru
48 skipverjar, þar af 9 skyttur, og
björguðust allir.
Umhverfisskýrsla 1998 komin út
- markar upphaf umhverfisstefnu Siglingastofnunar
s
Iaprfl sl. kom út umhverf-
isskýrsla samgönguráðu-
neytisins og stofnana þess,
þ.e. Vegagerðarinnar, Flug-
málastjórnar, Ferðamálaráðs og Siglinga-
stofnunar. Fjallað er um hverja stofnun
fyrir sig og stefnu í umhverfismálum
þeirra gerð skil. Hvað Siglingastofnun
varðar þá markar þessi skýrsla upphaf
skipulegs umhverfisstarfs í stofnuninni.
Fyrst um sinn er sjónum aðeins beint að
almennum rekstri í höfuðstöðvum
stofnunarinnar en ætlunin er að víkka út
umfang starfsins á næstu árum.
I skýrslunni kemur m.a. fram að
pappírsnotkun á hvern starfsmann Sigl-
ingastofnunar í Kópavogi er um 31 kg og
akstur sendibifreiðar er um 180 km á
hvern starfsmann á árinu 1998.
Þeir sem vilja kynna sér efni skýrsl-
unnar frekar geta nálgast hana hjá
stofnuninni um land allt.
UMHVERFISSKÝRSLA 1998
SAMGÖNGURÁÐUNEYTIÐ OG STOFNANIR ÞESS
SAMGÖNGURÁÐUNEYTIÐ
Til sjávar. Fréttabréf Siglingastofnunar. Heimasíða: www.sigling.is Fjölmiðlum er frjálst að nota efni blaðsins ef heimil-
Útgefandi: Siglingastofnun íslands. Ritstjóri: Sigurjón Ólafsson (sigurjon@sigling.is) dar er getið. Óskum um áskrift er hægt að koma á
Vesturvör 2, 200 Kópavogur. Ábyrgðarmaður: Hermann Guðjónsson. framfæri við ritstjóra.
Sími: 560 0000 Prentun: Prentsmiðjan Oddi hf. Ljósmynd á baksíðu er eftir Hjálmar R. Bárðarson,
Bréfasími: 560 0060 Efni tilbúið í prentsmiðju 31. maí 1999. fyrrv. siglingamálastjóra.
2